تعنت حميرى واضح

[شريف]

[frame="4 80"]
أعلنت جمعية (( آه لو الحمير يسمعونا )) ...

عن مقاطعتها لكل حمار فى البلد

بسبب ان الحمير راكبة دماغها ...

و بتاخد قرار الانتحار الجماعى بدون ما تشور حد

و لما سألوا الحمير ... ردوا و قالوا قال ايه :

انهم خايفين من الدبح على ايدين الجزارين

و يبيعوا لحمتهم للناس على انها لحمة بلدى

فقرروا قال ايه ...

انها تيجي منهم هما و ينتحروا هما الاول

عشان يضيعوا ع الجزارين الفرصة دى ...

تعنت واضح و صريح و موقف غريب الحقيقة من الحمير

مع انهم لو سمعوا الكلام و ما قالوش انهم حمير محدش هييجى جنبهم

هوا فى حمار فى البلد دى بيعترف انه حمار ؟

يا سيدى لما ييجى الجزار يدبحك صوصو

او اعمل صوت فراشة

لكن تقول ايه ... الحمير مصممين بشدة على موقفهم

و مصممين على الانتحار

و بيقولوا احنا زهقنا بقا من الفوضى و الزحمة و قلة القيمة

و شيل زبالتكم بكل انواعها فوق دماغنا

موقف غريب و متعنت من الحمير

و ده اللى خلى اعضاء الجمعية يصرخوا بعلو صوتهم و يقولوا

اه لو الحمير يسمعونا



الفكرة مستوحاة من احد الحمير
[/frame]

[دعاء شديد]

ههههههههههههههه
بجد موضوع حلو اوى
شوف يا سيدى
اى حمار مقتنع بحموريته ومتمسك بكونه حمار
لا يمكن هيكون حيوان تانى مهما حصل
ولذلك يفضل الموت حمار ويتحمل نتيجه حموريته
ولا انه يعيش حيوان مستهبل
لا عاف يعيش حمار بحريته ولا قادر يقلد الحيوانات التانيه
ههههههههههههههههههه
بجد مش قادره ابطل ضحك وانا برد
اصل انا من اشد المتمسكين بحموريتى
حتى لو بطلت انهق ... حماره حماره
فالموضوع جاى على مزاجى اوى

[محمد بن عباس]

موضوع حلو حلو بجد والفكرة وصلت يا باشا والحمير خايفة علينا اكتر من الجزارين

ولا الحمير ال زهقت من زبالتنا

وعمر الحمار لو حصله ايه ما هيعترف انه حمار

[دعاء شديد]

بص الصوره دى

بذمتك مش الواحد يبقى حمار ويلاقى طفل
برئ يطبطب عليه
ولا انه يبقى عصفور شكله جميل بيصوصو
فيحبسوه لحد ما يموت
الله
وبعدين الحمير وجهة نظرها تحترم
هم بين اختيارين
يا ينتحروا ... يا يدبحوا غصب عنهم
مهو كده موت وكده موت
وهم اختارواااااااااا
ههههههههههههههههههههه
بجد ميرسى على الموضوع
امضاء
رئيسه جمعية حمير للأبد

[نعمه محمود]

شوف ياشريف انا من أشد المناصرين للحمير وشايفة انهم دايما مظلومين معانا وساعات بحس ان الحمار حمار بمزاجه وفاهم كل اللى بيحصل حواليه بس بيستحمر بمزاجه وهى دى اللى بيقولوا عليها النظرية المستحمرة
وعلى فكرة الحمار صاحب مبدأ ومش هيعرف ميكونش حمار بس ياريت احنا نسيبه في حاله
موضوع لذيذ

[شريف]

اقتباس المشاركة الأصلية كتبت بواسطة دعاء شديدههههههههههههههه
بجد موضوع حلو اوى
ربنا يجبر بخاطرك يا بنتى ... :006et4:
شوف يا سيدى
اى حمار مقتنع بحموريته ومتمسك بكونه حمار
مقدرش اجزم بكده ... لانى معيشتش الفترة دى
انا اعرف مرحلة المراهقة ... لكن معرفش مرحلة الحمورية دي
هيا قبل الاعدادية و لا بعد الاعدادية؟

ولا انه يعيش حيوان مستهبل
هههههههههه
حلوةة حيوان مستهبل دى
لا عاف يعيش حمار بحريته ولا قادر يقلد الحيوانات التانيه
ههههههههههههههههههه
بجد مش قادره ابطل ضحك وانا برد
هههههههههه

اصل انا من اشد المتمسكين بحموريتى
أهلا و سهلا ... تشرفنا يا فندم
حتى لو بطلت انهق ... حماره حماره
انصحك زي ما بنصح نفسى ... اوعى تبطلى تنهقى
سورى قصدى يعنى اوعى .,... مش عارف بقا :006et4:
رئيسه جمعية حمير للأبد

و الله دعوة الى الحمورية احترمها جدا

ممكن اشترك معاكو في الجمعية دى ؟
اقصد يعني عايز اعرف الشروط

لان ودنى مش طويلة اوى
و ده مسبب لى حرج جامد انى انتمى لاى جمعية من النوعية دى

[شريف]

اقتباس المشاركة الأصلية كتبت بواسطة محمد بن عباسوالفكرة وصلت يا باشا


ايوووووووووووووووة
هوا ده اللى يهمنى

احب انا اللى يفهم الموضوع من اول مرة
و يفهم المعنى اللى فى بطن الشارع

الشاعر اقصد

نورت يا باشا

[شريف]

اقتباس المشاركة الأصلية كتبت بواسطة نعمه محمودشوف ياشريف انا من أشد المناصرين للحمير



اصل بصى ... احب الفت نظرك لحاجة

الحمير فى موضوعي نوعين

حمير هتدبح مغلوبة على امرها

و حمير ... متنعتة .... مش بتسمع و لا بتستجيب

فآه بقا لو الحمير اللى من النوع التانى يسمعونا

يا سلام

الدنيا تمشى عدل

ممكن النوع الاول من الحمير يكون مظلوم

انما التانى

مفترى ظالم

و اهم كلهم حمير البعدا

نورتى الدنيا

[محمد بن عباس]

الله يكون فى عون الحمير المغلوبة على امرها بس هما ال سلبيين وهما ال خلوا الحمير المتعنتة

تعمل ال هى عاوزاه

[دعاء شديد]

اقتباس المشاركة الأصلية كتبت بواسطة محمد بن عباسالله يكون فى عون الحمير المغلوبة على امرها بس هما ال سلبيين وهما ال خلوا الحمير المتعنتة

تعمل ال هى عاوزاه



ليه كده يا استاذ محمد
ده الحمير المتعنته دى رافضه تستسلم للدبح
وموش عايزه تبقى سلبيه

اذا الدبح موت ... والانتحار موت
بس لو ادبحونا ... ناس هتضرناس لان الي دبحوهم هيغشوهم
لكن لو انتحروا ... مش هيغشوا حد
ههههههههههههههههههه

هم الحمير كده دايما مظلومين
استسلموا ... سلبين
رفضوا الاستسلام ... متعنتين

بصفتى
رئيسه جمعيه حمير للابد
بقولكوا ارحموا الحمير وكفايه ظلم ليهم
سيبوهم يختاروا يموتوا ازاى
مش كتير عليهم
فى النهاية هيموتوا هيموتوا
حتى الموت مش عايزينهم يرتاحوا فيه
ههههههههههههههههه

[حبيبه المصريه]

اقتباس المشاركة الأصلية كتبت بواسطة شريف[frame="4 80"]

هوا فى حمار فى البلد دى بيعترف انه حمار ؟

[/frame]

عندك حق فعلا يا مسترشريف
كان لازم يبقى حمار بينه وبين نفسه
ممكن ميقدرش يقاوم ويصمد
أصل كبير الحمير حيضحى بيه
عشان نطق وقال أنا حماااار
والبركه فى المساعدين الاوفياء
حيخلصوا الموضوع بسرعه البرق
مش خدوا اشارة البدء
ومادام هو حمار يستحمل اللى حيحصل
بس الحمير قدرات
فيه اللى مستضعف
وفيه اللى مش فارقه معاه
ماهو حيموت حيموت
يبقى يموت حمار مرفوع الرأس
فى سبيل التمسك بحموريته
بس يا ترى حيستحمل
لازم ماهو القائد
وأكيد أكيد لاعزاء للحمير
موضوع فلسفى يحمل بين طياته الكثييييير
بوركت تلك العقليه النيره

[شريف]

عندك حق فعلا يا مسترشريف

كان لازم يبقى حمار بينه وبين نفسه
ممكن ميقدرش يقاوم ويصمد
أصل كبير الحمير حيضحى بيه
عشان نطق وقال أنا حماااار
والبركه فى المساعدين الاوفياء
حيخلصوا الموضوع بسرعه البرق
مش خدوا اشارة البدء
ومادام هو حمار يستحمل اللى حيحصل
بس الحمير قدرات
فيه اللى مستضعف
وفيه اللى مش فارقه معاه
ماهو حيموت حيموت
يبقى يموت حمار مرفوع الرأس
فى سبيل التمسك بحموريته
بس يا ترى حيستحمل
لازم ماهو القائد
وأكيد أكيد لاعزاء للحمير
موضوع فلسفى يحمل بين طياته الكثييييير
بوركت تلك العقليه النيره

و بوركتى يا صاحبة العقل النير
شكرا على مرورك الجميل

و عايز اقولك ان مصر الحضارة
حضارة سبع تلاف سنة

حتى بصى

[موناليزا]

هوا فى حمار فى البلد دى بيعترف انه حمار ؟

سلم يارب سلم

طبعا مفيش كلام زياده بعد

اللي حضارتكم قولتوه

بس ياجماعه انتم صايمين

بطلوا غيبه ونميمه في الحمير

بقي

ههههههههههههه

سلمت أناملكم الكريمه استاذ شريف

موضوع رائع

لقد أصبتم كبد الحقيقه


ياتري المره الجايه هتتكلم علي ايه

ربنا يستر

[خالد سعد]

موضوع رائع
اه لو الحمار عرف نفسة
والانسان لسة بيدور هو ايه
ياترى الانسان عرف نفسه
دمت بكل ود

****

[حبيبه المصريه]

اقتباس المشاركة الأصلية كتبت بواسطة شريف

و بوركتى يا صاحبة العقل النير
شكرا على مرورك الجميل

و عايز اقولك ان مصر الحضارة
حضارة سبع تلاف سنة

حتى بصى

الصوره معبره جدا
موضوع جميل
بوركت جهودك الطيبه

[فتوكه مشاكسه]

هههههههههههههه موضوع جميل بس والله اوقات كتير الحمير لما بشوفها بحس انها بتصعب عليه يلا ربنا معاها

[محمد أبو النصر ابو المجد]

بسم الله الرحمن الرحيم
شكرا للسيد ال ..................................... عفوا تم حذف الكلمة بواسطة الرقابة والواعى يفهم يا ......
موضوع حقيقى .............