تخيل انك اللي سرقة لوحة زهرة الخشاش

**أشرف السيد** · 06-09-2010, 05:20 PM

السلام عليكم

تخيل ان حضرتك رئيس مافيا كبير

ورجالتك سرقت لحسابك زهرة الخشاش

هتعمل به ايه

وهتقدر تبيعها في مصر

وهل في مصر من يقدرها ويشترها

وهل تقدر تخرج بها من خارج البلاد

وهتعمل ايه بفلوسها

وهل لو انك سرقتها وشفت التلفزيون والصحافة هترجعها ولا قلبك قاسي

**غادة عبدالسلام** · 06-09-2010, 10:17 PM

ههههههههه
تخيل جميل وغريب
انا وقدرت احصل على لوحة زهرة الخشخاش
باى طريقة بقى وبعيد عن السرقة يفضل
هحتفظ بها واقتنيها

**أشرف السيد** · 06-09-2010, 10:37 PM

ما اظنش ان هيكون مع حاجة واقتني بها لانها من وجهة نظري لم تمثل لي قيمة كبيرة

وبعدين دي زهرة من انواع المخدرات

مش من هواة الاقتناء بالتحف وخلافه

وشكرا لتعليكم

**دعاء شديد** · 06-09-2010, 10:41 PM

انا اقولك خيالى

بما انى من عصابه محترفه
فاكيد هسرقها لانى عارف قيمتها المادية كويس جدا
وبالتأكيد موش هفكر ابيعاها فى مصر
لان لو مصر كانت قدرت قيمه اللوحه الفنيه
مكنتش هقدر اسرقها اصلا
يعنى اكيد اكيد هخرجها بره البلد وبسهوله زى مسرقتها بسهوله

وفى الخارج هتتباع للي يعرف قيمتها الفنيه والماديه

ده الخيال الشرير

**دعاء شديد** · 06-09-2010, 10:45 PM

اما الخيال الواقعى

لو انا الي سرقت اللوحه
هخرجها بره طبعا وهبعتها لاحدى المتاحف
التى تعى ما هى القيمه الفنيه لتراث الشعوب
"بحكم مهنتى طبعا"
وهيكون مع اللوحة برقيه مرسله من فاعل خير مكتوب فيها
"لا يصح الا الصحيح"
والبلد التى لا تقوى على حمايه مقتنياتها الفنيه وتراثها
لا تستحق ان تقتنيها
برجاء رعايتها لان ثمنها الحقيقى
"ذنب السرقه الذى ارتكبته"

وفى الحاله دى السرقه هتبقى هوايه موووووش حرفه

**أشرف السيد** · 06-09-2010, 10:46 PM

المشاركة الأصلية كتبت بواسطة دعاء شديد

انا اقولك خيالى

بما انى من عصابه محترفه
فاكيد هسرقها لانى عارف قيمتها المادية كويس جدا
وبالتأكيد موش هفكر ابيعاها فى مصر
لان لو مصر كانت قدرت قيمه اللوحه الفنيه
مكنتش هقدر اسرقها اصلا
يعنى اكيد اكيد هخرجها بره البلد وبسهوله زى مسرقتها بسهوله

وفى الخارج هتتباع للي يعرف قيمتها الفنيه والماديه

ده الخيال الشرير

مش عارف ليه في احساس بيقول انكم لكم يد في الموضوع ( خيال شرير )

**غادة عبدالسلام** · 06-09-2010, 10:56 PM

اقتباس

المشاركة الأصلية كتبت بواسطة أشرف السيد

ما اظنش ان هيكون مع حاجة واقتني بها لانها من وجهة نظري لم تمثل لي قيمة كبيرة

وبعدين دي زهرة من انواع المخدرات

مش من هواة الاقتناء بالتحف وخلافه

وشكرا لتعليكم

هنحتفظ بيها
مش تقديرا لنوع الزهرة ابدا مخدرات ولا برسيم مش هتفرق
ولكن
لقيمتها الفنية الجمالية
ولروعة التقنية وعالمية الفنان