اقتباس
المشاركة الأصلية كتبت بواسطة dalila7777
بصراحه الموضوع تحفه مع اختلافى شويتين فى عده اشياء ان فى ولاد اهلهم ناس واو وروعه بس بيطلعوا وحشين او من اصل طيب وبيكونوا مش اد كده
ودى بتظهر واضحه فى الاخوه مولودين فى نفس المكان والوسط الاجتماعى واسلوبهم وسلوكياتهم بتتغير والاخلاق الوضاعه والرقى بتتحد يا جماعه مع بدايه المخلوق وهو فى بطن امه بجد النشئه الاجتماعيه اه عليها عامل مهم جدا
لكن العامل الوراثى اهم ازاى
كلنا من ادم وسيدنا ادم هو من صنع يد الله وربنا فضله على جميع مخلوقاته
طيب وجه هابيل وقابيل ودول اولاد سيدنا ادم لان الانسان فى دمه الخطيه
وفى دمه التقوى الاصل والرقى مكون اساسى فى الجين البشرى والطيبه والرقه الحب والاحساس
اما المكون الاخر اللى هو الوجه الاخر للانسان الغدر والانانيه والحقد وحب الاذى والتسلط والغرور ده مكون موجود عند جميع البشر بس بنسب مختلفه
الاب والام لو عندهم ابنين توام دايما بتلاقى اختلاف ما بين التوائم حتى فى نفس النشئه لان دمنا بيجرى فىه الخير والشر الصح والغلط الانسان الوحش ما تلمهوش لان هو جواه الشر اقوى وهو اضعف من انه يحارب نفسه ويحارب رغباته كل الصفات البشريه مولوده معانا قليل اوى المكتسب وده كلام علمى بحت اثبته العلم من سنوات قليله لما اكتشف الجين ومكوناته وده بيرجعنا للسؤال الابدى الانسان مسير ولا مخير رابعه العدويه كانت مجبره على انها تكون فى وضع الخطأ قاومت النفس واصبحت فى اعلى الاماكن ليه
لان الخير جوه افضل واقوى النفس والطاقه الداخليه بتخلى الانسان مخير حتى لو كان مسير فى وضع خطأ الخطأ للى جواه الصح الم وعذاب ممكن يخليه يتمادى فيه لاقصى درجه لحد ما يرفضه نهائيا واقوى الاسباب للرجوع للاصل الطيب اصل صنع الله ادم عليه السلام هو الدين ومعامله الناسس بكل حب واحترام واالبعد عن الغضب الغضب هو مدخل الغرور للنفس والغيره والحسد الانسان وشه بيحمر من الغضب بيبقى الدم زى النار كده والرسول عليه افضل الصلاه والسلام كان عارف كلللللللللللللل ده قبل ما العلم يعرفه وعارف ان اقوى الناس واتقاهم امام الغضب ممكن يتحول لشيطان مريد لان الغضب بيولد الحقد
والغرور والكره والحسد وممكن يودى لكبيره من الكبائر الا وهى القتل زى هابيل وقابيل
قال عليه الصلاة والسلام : « الصرعة كل الصرعة الذي يغضب فيشتد غضبه ويحمر وجهه ، ويقشعر شعره فيصرع غضبه »
عن سليمان بن صرد قال : كنت جالسا مع النبي صلى الله عليه وسلم ، ورجلان يستبان ، فأحدهما احمر وجهه واتفخت أوداجه ( عروق من العنق ) فقال النبي صلى الله عليه وسلم : « إني لأعلم كلمة لو قالها ذهب عنه ما يجد ، لو قال أعوذ بالله من الشيطان ذهب عنه ما يجد »
صدق رسول الله
احمرار الوجه اى دخول مكونات الدم فى حاله غير طبيعيه او غير معتاده او امر استفزازى حصل للعقل البشرى بتولد حالات غير طبيعيه وكل انسان بتختلف المكونات الوراثيه لديه حسب الخريطه الجينيه لديه ممكن يكون اتنين اخوات لكن ده وارث صفات الجد السابع وده وارث صفات الجد الاول وكل واحد ليه صفات مختلفه اذن الانسان وتصرفاته يقدر يتحكم فيها كويس اوى لو اتخلص
من اقوى صفه بتغير اى اصل طيب الا وهى الغضب اللى بتئدى لكل الامراض الاجتماعيه المنتشره حاليا واللى العلماء بيحاولوا فى المسجونين انهم يلاقوا ايه هو الجين اللى بيخلى انسان تقى وانسان صالح وانسان موذى وغير نافع
ويقول بيرون: ان ابني وهو منسوب الي، ولكني أرى أجداده الماضين ينازعوني هذا الملك العزيز لدي، فانهم يشوهون طهارة نفسه، ويكدرون صفاء روحه بما رسب في أعماقهم من نزعات شريرة مجهولة انتقلت اليه بالوراثة.
ولهذا أكد رسول الله (ص) على حسن الاختيار في الزواج،فقال: "تخيروا لنطفكم فان العرق دساس".
ومصطلح (العرق) يقابله في الاصطلاح المعاصر مصطلح الجينات,والتي تحملها الصبغيات (الكروموسومات)التي تحتويها نواة الخلية الناجمة عن البويضة الانثوية المخصبة من الحيوان المنوي الذكري.
وتحذير رسول الله (ص) من العرق الدساس ناظر إلى الصفات النفسية والروحية والخلقية التي تنتقل بالوراثة، أو يكون العامل الوراثي خالقاً للاستعداد في نفس الوليد للاتصاف بصفة من الصفات التي يحملها الوالدان أو الأجداد.
والوراثة تؤثر في النمو العقلي، والصحة العقلية والانفعالية،
شكرى لكى دكتوره دعاء على موضوعك الراقى عن الاخلاقيات التى فقدت
وبحثك فى اسبابها
هيباء
بجد ردك يستحق ان يكون هو الموضوع الاساسى
والشكر ليكى انتى لانك من بحث واتى بالكثير من المعلومات
نورتى بردك الاكثر من رائع
أصل قليل الأصل معندوش أصل من الأصل ... اقصد معندوش عقل
رد مع اقتباس
شكراً لهذا
أعجبني هذا
المشاركة الأصلية كتبت بواسطة دعاء شديد
المفضلات