محتاج مساعدة او استشاره منكم

[شريف الصعيدى 22]

السلام عليكم
باختصار انا معايه بكالوريوس تجاره وشغال معلم مساعد حاسب الى بمدرسة ابتدائى تابعة لمحافظة كفرالشيخ طبعا الكمبيوتر مادة غير اساسيه ولا تضاف للمجموع يعنى بالبلدى عديمة الفائده
فى المدرسه السنه اللى فاتت كان نصيبى من حصص الكمبيوتر 16 حصه وكنت بكلم ال24 نشط مع مدرسة الانجليزى طبعا كنت سد خانه يعنى لما المدرسة الانجليزى تغيب كنت ادخل مكانها
مع انى احسن منها فى الانجليزى بس يالا
المهم السنادى المدرسه نقلت مدرسه تانيه فى بلدها
انا كنت عاوز ابقى مدرس الانجليزى الاساسى فى المدرسه اعمل ايه
لان بصراحه ده ممكن يفتح عليها ابواب خير كتير
انا ممكن اقدم طلب لمدير الاداره التعليميه واوديه لعضو مجلس شعب عندنا وهوه هايخلصه
بس المشكلة مش عارف اكتب فى الطلب ايه بالظبط
وكمان انا خايف المدرسه تجيب حد تانى
ارجوكم ساعدونى اللى يعرف حاجه ياريي ميبخلش عليها بيها
مع العلم انى علاقتى كويسه جدا باداره المدرسه
وانا هفاتح بكره المدير فى الكلام ده
بس برده فيه حاجه كمان مقلقانى لو افترضنا وعدلت مسمى وظيفتى
هل هادخل الكادر لغة ولا حاسب
وجزاكم الله كل خير
اسف للاطاله

[حازم دهب]

عدلت ايه وعلاقتك ايه ازاى ياعم مش فيه حاجه اسمها ورق وشهادات هيه العمليه ماشيه ودى مثلا
معلش ايا كان مستواك فى الانجليزى لازم مدرس انجليزى يدرسه و100%هيجيبو مدرس انجليزى جديد وانت هتخليك فى مادتك وهتدخل الكادر فيها بس لما تكون معاك تربوى لانك خريج تجاره

[فتوكه مشاكسه]

بصراحه الكلام اللى انت بتقوله ملهوش اى اساس من الصحه ومحدش هيوفقك عليه حتى لو كانت علاقتك حلوة حتى بالوزير شخصيا.ازاى يبأه معاك بكالريوس تجاره وعايز تدرس انجليزى وكمان عايز تبقى المدرس الأساسى فى المدرسه هيه بقت كدة.يا بنى متحولش هى لسه مبقتش فوضى أوى كده لأن الانجليزى بالذات مادة تخصص يعنى مينفعش اللى يدرسها غير اللى معاه تربيه انجليزى أو اداب انجليزى وبس مش تجاره حتى لو كانت تجاره انجليزى يعنى متحولش تتعب نفسك على الفاضى الامل مفقوووووووووووووود والموضوع منتهى أنا مدرسه انجليزى وعارفه أنا بقولك ايه كويس.

[Miss Sara]

السلام عليكم
استاذ شريف / انا مراعية هدفك من سعيك لتغير مسمى الوظيفة او لتحويلك من مدرس حاسب الالى الى مدرس لغة انجليزية بس مش هو دة الحل .
بص احنا عندنا مدرس حاسب الى فى مدرستنا وطبعا دة مش مؤهلة بس الكلام دة بقالة زمن بس بسم الله ما شاء الله حالة ماشى .
يعنى قصدى لو انت اشتهر بشرحك الكويس وبدأت بكام مجموعة كدة فى الاول ممكن تبقى تدى دروس ان كنت بتسعى الى الجزء دة.
وممكن بدل من كدة تعمل اى مشروع صغير لتحسن مستواك المادى .
وربنا يوفقك

[asmaamatter]

ربنا يوفق الجميع