نفسى اطير

[حازم دهب]

انا عايز السنه الجايه تبقى مختلفه ازاى معرفش قولولى اعمل ايه لانى زهقت من المدرسه وبصراحه نفسى اشتغل كل يوم فى مدرسه جديده
نفسى مدرستنا تطلع رحله قبل ماموت قصدى قبل ماتعين

[وليد مصر]

والله كلنا فى الهوا سوا يا عم حزوم ربنا يهديهم ويتحركوا معانا ونغير نفسنا شوية ونشعر بتجديد
أما الرحلات فأنصحك بلاش لو المدرسة ثانوية ومشتركة أو فيها بنات
لأن فيه مجموعة من المرضى فى عقولهم ممكن يطلعوا عليك إشاعات كتير
دا كان واقف مع بنت دا كان بيتمظهر قدام البنات وهناك ما هو أبعد من ذلك ربنا يحفظنا وثق أن فى كل مدرسة مرضى كثيرين والحمد لله لم أصب منهم حتى الأن بأى أذى وربنا يستر

[حازم دهب]

لا للاسف ياوليد انا ابتدائى مش اعدادى ولا ثانوى

[*امل*]

كلنا اصبنا بالملل مش انت لوحدك

[عبير الزهور]

والله انا في غاية الملل كنت في اجازة و راجعة بكرة المدرسة بعد اجازة اعتيادية استمرت 13 يوم من اول رمضان تعرفوا احساسي ايه زي التلميذ الخايب اللي مبيحبش يروح المدرسة و رايح بالعافية مفيش حاجة مشجعة ولا تفتح النفس في المدرسة ناهيكم عن الاخبار اللي بنسمعها كل يوم عن المعلم المساعد و البهدلة اللي هو فيها مش بجد حاجة محبطة

[said_math]

والله انا معاك مستر حازم فى كلامك ومع كل الموجودين
الواحد محطم محطم خالص ومش ليه نفس لاى حاجه...لو هتطير خدنى معاك

الواحد يبقى عايز يروح المدرسه
او المعهد عشااااان يخلص الحصه وجرى على البيت
او اى مشوار تانى..

بس هنعمل ايه

هنسبها لله

وربنا يجيب تعبنا وصبرنا على فايده

وما فيش غير


نقول حسبى الله ونعم الوكيل

وربنا يقدم اللى فيه الخير

وصلى اللهم على سيدنا محمد رسول الله صلى الله عليه مسلم

[موناليزا]

هههههههه
سلم يارب سلم