زى المزين يضحك على الأقرع بطقطقة المقص
قالوا زمان فى الامثال
بيت النتاش .. ما يعلاش
و قالوا كمان
شمعة الكداب ما تنورش
أصل زى ما حضراتكوا عارفين
الاعلام فى بلدنا
شمعته عمرها ما هتنور
أصله دايما يقلب الحقايق
و زى ما قال الحبيب ... يأتى على الناس سنوات خداعات
يُكَذَّبُ فيها الصادق و يُصَدَّقُ فيها الكاذب
و يؤتمن فيها الخائن و يُخَوَّنُ فيها الأمين و ينطق فيها الرويبضة
و الرويبضة (( الرجل التافه يتكلم فى أمر العامة ))
سبحان الله
مافيش فيلم ولا مسلسل الا و يطلعلك المتدين الملتزم
فى صورة الارهابى الخبيث اللى مليان شر الدنيا
و اللحية دى فى وش اى شاب تعتبر نوع من انواع التطرف
سبحان الله مع ان الحبيب
صلى الله عليه و سلم هوا اللى امر بيها والله
الحبيب اللى هوا رمز الحلم و الادب و الاخلاق و الرحمة
مكانش ارهابى صلى الله عليه و سلم ولا حاجة
بل علم البشرية كلها يعنى ايه رحمة
و يعنى ايه ادب
و يعنى ايه رأفة بالناس
و العجب العجاب بقا يا أخى
ان الرقصات و الداعرات و الهشك بشك
و النسوان اللى سيرتهم زى الزفت مالية الدنيا
بيطلعوا حاطين رجل على رجل فى اقوى البرامج
كأنهم قدوتنا
و ينبغى على كل امرأة و مراهقة مسلمة
مصرية تقلد الرقصات دول
ايوة طبعا
مش هما قدوتنا ؟
مش هما اللى ماليين الفضائيات دلوقتى ؟
مش هما اللى ع الحجر ؟
حملة ثقافية موجهة لتغيير ثقافتنا
و لتغيير هويتنا الاسلامية
و حبنا للحبيب صلى الله عليه و سلم
قد نكون مش ملتزمين اه لا باللحية و لا ولا
و قد يكون مننا مقصريين
لكن عارفين و متعلمين و واعيين اوى بفضل الله
و عارفين ديننا بناخده منين
لا من شيخ على كرسى مضطر يغير فتواه
ولا رقاصة فى التليفزيون بتقولك الرقص مش حرام
ولازم مصر كلها تفتخر بيا !
و لا هناخد ديننا من جرنال و لا تليفزيون و لا مجلة ميكى
عارفين كويس اوى ان ديننا بناخده من
اية قرآنية بتفسير سلف الامة
و حديث صحيح
فقط لا غير
بتمنى من كل قلبى
ان الاعلام العربى يخف شوية عن المتدينين
و مهما كانت اخطاءهم
فهم على الاقل خدوا خطوة على الطريق الصحيح
الطريق الى الله عز و جل
اما احنا فلسه ورا خالص فى اخر الصف
فمنبقاش ورا خالص
و بنتريق على اللى خدوا خطوة لادام
ربنا يهدينا جميعا
و يهدى مؤلفى و مخرجى المسلسلات الرمضانية و الاعلانات
و البرامج اللى بقت تفقع
 |
رد مع اقتباس
شكراً لهذا
أعجبني هذا
رد: زى المزين يضحك على الأقرع بطقطقة المقص
المشاركة الأصلية كتبت بواسطة محمد بن عباس
المفضلات