اخبار سارة من الاكاديميه

[tamer mahmoud]

انا النهارده كنت في الاكاديمه فرع القاهرة علشان كنت بسلم افادة بالسبع موديولات لانهم طلبوها ولما سلمت الموظف الافادة سألته عن اخر اخبار التثبيت فقال لي ان بعد انتهاء المرحله السادسه هنبدا تثبيت المعلمين المساعدين المستوفين الشروط وطبعا انتوا عارفين الشروط قلت له امتي التثبيت بالتحديد فرد عليا وقال بعد يوم 15 اغسطس يعني بعد انتهاء المرحله السادسه من مراحل استلام شهادات الرخصه الدوليه فسألته ليه التثبيت اتاخر لحد دلوقتي مع اننا سلمنا كل الاوراق المطلوبه قال لي ان المعلمين المستوفين للشروط نسبه قليله من المعلمين الناجحين وهو ده السبب في التاخير لحد دلوقتي وكمان قال لي ان الوزير هيتكلم عن موضوع التثبيت تاخاص بكم قريب وهيقول لكم اخبار حلوة في الايام القليله القادمه الكلاام ده انا سمعته النهارده في الاكاديميه قلت اعرفكم والعهده علي الراوي اللي هو الموظف اللي بيستلم الافادات في الاكاديميه

[محمد عنتـر]

حاجة كده بالعقل الموظفين في الاكاديمية هايقولو كلام سار وحلو أوي
ووزير التربية والتعليم خايف يتكلم
ده شئ مش منطقي
دي ممكن تكون عبارة عن استنتاجات (احنا لانبني عليها حياتنا)
لو تلاحظ في البداية السنة كانو بيقولو في شهر سبعة علشان السنة المالية وبعد كده قالو اول اغسطس ودلوقتي بيقولو بعد نص اغسطس
وربنا يستر

[mr.hisham]

جزاك الله خيراً على المجهود

[معلم زميل]

جزاك الله خيرا بس المستوفيين للشروط مش نسبة قليلة زي ما الموظف قال وميقلوش عن 50000 علي ما اعتقد ان الكلام ده استنتاج من الموظف

[ahmed gr]

إلى الاخوى الكرام انا قرأت الكلام دة من الوزير على موقع الاهرام المسائى

[safaa_ss]

ربنا يسهل ويتم تثبيتكم علشان الوزير ينظر إلينا نحن المتعاقدين تعاقدال بعد 1/11/2008

[معلم زميل]

ان شاء الله ربنا يوفقكم

[tamer mahmoud]

انا اقصد ان النسبه اللي كانت مستوفيه الشروط في شهر 6 كانت قليله وحسب كلامه دلوقتي النسبه زادت ثم الكلام ده انا سمعته من الموظف اللي بيستلم الافادات في الاكاديميه واللي مش مصدق يروح يسأل في اكاديميه المعلم فرع القاهرة ثم هو قال ان الوزير هيعلن الاخبار دي قريب

[asmaamatter]

الخير قريب إن شاء الله

[احمد الشلقامى]

انا من رايى بالمرة نستنى المرحلة السابعة
عجبى

[tamer mahmoud]

استني انت المرحله السابعه براحتك

[mohammad00]

[محمد مهدى]

يارب التثبيت

[حازم دهب]

الاكاديميه دى عامله زى المخدر بالنسبه لنا بتوقف الالم شويه

[said_math]

يارب يكون كلامه صح....

بس هو كل مرة........ مرحله خامسه..مرحله سادسه....مرحله.....
لحد امتى......
بس انا مش اثق فى هؤلاء .......لانه لازم يريحوك..المهم .......كلام الوزير نفسه.....

وربنا يقدم اللى فيه الخير...

وصلى اللهم على سيدنا محمد رسول الله صلى الله عليه وسلم

[دينا احمد]

خير اللهم اجعله خير

[ايمان ابو الفتوح]

ربنا يجعله خير باذن الله
وشكرا جزيلا لحضرتك على نقل الخبر