خبر طازة عن التعيين

[احمد الشلقامى]

التثبيت من بداية 1/7/2010 على الدرجة الثالثة للدفعة كلها اللى خلص رخصة دولية واللى ما خلصش يعنى اللى خد الاى سى دى ايل بدرى رايح يتساوى باللى ما خلصش الوزير عنده معلومة انه المتقدمين للحصول على الرخصة واقفين طوابير ومراكز التدريب والامتحانات هى اللى معطلاهم يبقى مش ذنبهم انهم اتاخروا ولازم نديهم الفرصة وهو( متحوين ) يعنى متردد يعين دلوقتى اللى خلص ولا يستنى.. ده من مصدر موثوق منه جدا ..وفى حاجة تانى مقلهاش المصدر بس ان باتخيلها انه جايب وردة بيقطع فيها نعين اللى خلص ولا نستنى الكل نعين اللى خلص ولا نستنى الكل وهكذا وجايب جنبه بوكيه ورد يخلصه على اخر واحد يخلص icdl ويبقى حينها مش فارقة وتتساوى العملية لانه الكل رايح يكون خلص icdl

[الأمير باشا]

وحقوقنا اللي ضايعة خلال السنتين دول حنخدها باثر رجعي مثل البدل نقدي

[logaina]

يبقي نبعت للوزير ونقوله اننا اجتهدنا

[ابو عمر السعدنى]

ادخل ياشلقامى صفحتك على الاكاديمية الان

[ابو عمر السعدنى]

ايه الاخبار عندكم على صفحات الاكاديمية ادخلوا وقلولنا

[logaina]

انا كمان الصفحه بتاعتى عليها زى اللى فوق ده

[احمد الشلقامى]

بدل المعلم والبدل النقدى وبدل الاقامة واى حاجة محرومين منها سوف تحرر لنا من تاريخ 1/7

[amirahmed]

شكرا استاذ احمد على اخبارك الممتازة والله يبارك لك , اما بالنسبة لصفحة النتيجة فعلا لا تعمل انا لسة شايفها الان ومنزل موضوع للناس علشان نتاكد ان الرسالة بتظهر عند الناس كلها

[احمد الشلقامى]

نفس رسالتك يا سعدنى
بس مش دليل على انهم بيعملوا حاجة لصالحنا

[safaa_ss]

بس يسبتونا وبعدين ندور على البدلات

[amirahmed]

يارب الناس كلها تتعين

[احمد الشلقامى]

ربنا ييسر الامور ويعينوا الناس اللى خلصت والباقى يلحق بنا
وعلى فكرة مفيش حدد حرر بدل معلم ولا رايح يحرر بدل معلم غير بعد التثبيت (اللى هو المرحلة التانية) مش عارف الناس بتجيب الاخبار دى منين

[احمد الشلقامى]

بس يسبتونا وبعدين ندور على البدلات

ان شاء الله بس يثبتونا بالثاء مش بالسين واشكر لك حسن اهتمامك رغم انك لم تدخلى امتحان كادر بعد ..ربنا يوفقك

[ايمان ابو الفتوح]

ربنا يقدملكم اللى فيه الخير ونفرح بالتثبيت قريب جدااااااااا ان شاء الله

[sally2009]

ربنا يوفق الجميع ان شاء الله .. ورمضان كريم عليكم جميعا ...

[safaa_ss]

ان شاء الله بس يثبتونا بالثاء مش بالسين واشكر لك حسن اهتمامك رغم انك لم تدخلى امتحان كادر بعد ..ربنا يوفقك

عذرا على هذا الخطأ غير المقصود

[manoly_10]

الى احمد الشلقامى
من هم المعلمون الذين سوف يمتحنوا فى اواخر اغسطس؟
اسال لنا بالله عليك

1. الذين سوف يتم تعينهم الان (امتحان كادر)
2. ام الذين قدموا الاوارق وامتحنوا وراسبوا
3. ام اذين لم يتقدموا لعدم حصولهم على المؤهل التربوى
4. ام الذين قدموا الاوراق ولم يحضروا الامتحان

ارجو الاجابه حتى اطمئن
اننى من الذين اجتازوا الاكاديميه وقدم ICDL عند بدايه التقديم وانتظر التعيين والدرجه
العمل مدرس مساعد رياضه بإدارة الخانكه
محافظه القليبوبيه

[mr.hisham]

ربنا يوفق الجميع

[المعلم الاسود]

التثبيت من بداية 1/7/2008 على الدرجة الثالثة للدفعة كلها اللى خلص رخصة دولية واللى ما خلصش يعنى اللى خد الاى سى دى ايل بدرى رايح يتساوى باللى ما خلصش الوزير عنده معلومة انه المتقدمين للحصول على الرخصة واقفين طوابير ومراكز التدريب والامتحانات هى اللى معطلاهم يبقى مش ذنبهم انهم اتاخروا ولازم نديهم الفرصة وهو( متحوين ) يعنى متردد يعين دلوقتى اللى خلص ولا يستنى.. ده من مصدر موثوق منه جدا ..وفى حاجة تانى مقلهاش المصدر بس ان باتخيلها انه جايب وردة بيقطع فيها نعين اللى خلص ولا نستنى الكل نعين اللى خلص ولا نستنى الكل وهكذا وجايب جنبه بوكيه ورد يخلصه على اخر واحد يخلص icdl ويبقى حينها مش فارقة وتتساوى العملية لانه الكل رايح يكون خلص icdl

استاذ احمد الرجاء التوضيح 1-7-2010 باثر رجعي

ولا من 1-7-2008

طيب انا تعيين 1-2-2006 اة وضعي

[mr.hisham]

أعتقد باثر رجعي من 1-7-2010