فعلا التوك توك راكن بره ...؟؟؟؟؟؟؟؟

[دعاء شديد]

الموضوع ده لطرح سؤال مهم
هل جاء وقت نستبدل فيه
هو انت هندى ... ونقول انت مصرى ؟؟؟؟؟؟؟؟؟
وكمان بدل منقول
انت راكن الفيل بره ... هنقول انت راكن التوك توك بره ؟؟؟؟؟؟؟

طيب مين السبب
تعالى كده نستعرض شويه مواقف
وبعدين نتناقش ونحكم
*******************
(1)
جرب كده تعمل مشروع وتحاول تاخد قرض
"شوف كم الصعوبات الي هتواجهك والاكراميات الي
المفروض تدفعها علشان ورقك يمشى ده لو مشى اصلا
وطول المده على متاخد موافقه على مشروعك .... الخ"

يعنى ومن الاخر على متيجى تنفذ المشروع تكون كرهته
وجالك احباط
*********************
(2)
جرب تدخل مجال البحث العلمى
"شوف هتتحارب اد ايه وهتتكلف اعباء ماديه اد ايه
ده غير شويه سخافات مش بسيطه على الاطلاق
وتحطيم للشخصيه وفوق ده ممكن متعملش الدراسه الي انت عايزها
وتتفرض عليك دراسه تانيه خالص"

يعنى ومن الاخر برده على متبدأ دراستك
تكون وصلت لانك بتعملها تحصيل حاصل اما لانها وظيفتك
فغصب عنك او لو من الخارج فلانك ضيعت وقت وفلوس
فبلاش تخسر كل حاجة
******************
(3)
تعالى بقى وفكر تطور نفسك وتنمى مهاراتك
وشوف كم المبالغ الي هتحتاجها والوقت
والاحباط على متلاقى فرصه شغل تقدر مهاراتك
بدووووووووون ميكون معاك واسطة
"المفاجأه ان بعد كل ده يقولولك ايه
سيبك من الشهادات المهم الخبره ولو ممعكش الشهادات
يتقال وايه يثبت انك بتعرف كل ده لما نشوف شغلك الاول نقييمك"

يعنى على متمسك وظيفه اى وظيفه تكون اتقلت كل طموحاتك
ويدوب عايز مرتب يكفى بعض وليس كل التزاماتك
********************
رايي
ان التوك توك اتفرض علينا
مش اختيارنا
الي يضحك بجد بعد مبقى التوك توك موجود
بسهوله ويسر
بدأ يبقى له مشاكل ويرتفع سعره
حتى التوك توك
:bosyht9:
فى انتظار الاراء وحوار من الجميع

[نعمه محمود]

بصراحة يادعاء أحيانا بركن التوك توك بره بمزاجى لانى لو اصريت افهم هتعب اوووووى
أحكى لك موقف سأضطر فيه للتخلى عن عقلي طواعية ليا صديقة غالية جدا
بتعانى من مشاكل في حياتها وطبعا أنا بعانى معاها ولما بنصحها بتعجز حتى عن تقبل النصحية طيب بالله عليك ليا حق اركن التو توك واريح دماغى شوية ولا لأ

[امل لاشين]

اللي خطر في بالي وانا بشوف هذه المواقف او بسمع عنها

ان مفيش حاجه ممكن يحصل عليها الانسان بسهوله ..

علشان كده بيشعر بطعم نجاحه ومجهوده بالرغم من الصعوبات اللي بيتقابله

هيتغلب عليها ويحقق هدفه ...

ولو استسلم للصعوبات واقتنع باللي تفرضه عليه الظروف

صدقيني مش هيخسر هدفه بس لا هيخسر نفسه ..

ويكون انسان بلا روح مجرد انسان عايش وبيتعايش مع الحياه ..

وعلي فكره بقي يادعاء ...التوك توك بجد وسيله سهلت المواصلات جدااا

في القري والمناطق اللي صعب فيها وجود عربيه ...

علشان كده ارتفع سعره .. واللي عنده توك توك بره ..كانه راكن المرسيدس مش

الفيل ...ههههههههه

[المهندس هشام كمال الدين]

انا عن نفسي أتيت اليكم وجايب التوك توك معايا ومش راكنه بره
وعاين فيه حاجات كتيره بس كل مطلع منه حاجه ألاقي الزباين مكبره دماغها
ومع إني عارف ان بضاعتي جيده... الزباين يحسسوني إنها منتهيه الصلاحيه
طيب يا عم شوفها طب بلاش تشتريها .. أتعلم طريقه عمليلها
وبعدين أودي البضاعه ديه فين
خلاص هاخد لفه بالتوك توك وأرجع تاني.

[شريف]

اه يا بلد ....... عايزة ولد

اسمحيلي اكتفي بهذا التعليق

[محمود عبدالمجيد مرزبان]

الموضوع ده لطرح سؤال مهم

هل جاء وقت نستبدل فيه
هو انت هندى ... ونقول انت مصرى ؟؟؟؟؟؟؟؟؟
وكمان بدل منقول
انت راكن الفيل بره ... هنقول انت راكن التوك توك بره ؟؟؟؟؟؟؟

طيب مين السبب
تعالى كده نستعرض شويه مواقف
وبعدين نتناقش ونحكم
*******************
(1)
جرب كده تعمل مشروع وتحاول تاخد قرض
"شوف كم الصعوبات الي هتواجهك والاكراميات الي
المفروض تدفعها علشان ورقك يمشى ده لو مشى اصلا
وطول المده على متاخد موافقه على مشروعك .... الخ"

يعنى ومن الاخر على متيجى تنفذ المشروع تكون كرهته
وجالك احباط
*********************
(2)
جرب تدخل مجال البحث العلمى
"شوف هتتحارب اد ايه وهتتكلف اعباء ماديه اد ايه
ده غير شويه سخافات مش بسيطه على الاطلاق
وتحطيم للشخصيه وفوق ده ممكن متعملش الدراسه الي انت عايزها
وتتفرض عليك دراسه تانيه خالص"

يعنى ومن الاخر برده على متبدأ دراستك
تكون وصلت لانك بتعملها تحصيل حاصل اما لانها وظيفتك
فغصب عنك او لو من الخارج فلانك ضيعت وقت وفلوس
فبلاش تخسر كل حاجة
******************
(3)
تعالى بقى وفكر تطور نفسك وتنمى مهاراتك
وشوف كم المبالغ الي هتحتاجها والوقت
والاحباط على متلاقى فرصه شغل تقدر مهاراتك
بدووووووووون ميكون معاك واسطة
"المفاجأه ان بعد كل ده يقولولك ايه
سيبك من الشهادات المهم الخبره ولو ممعكش الشهادات
يتقال وايه يثبت انك بتعرف كل ده لما نشوف شغلك الاول نقييمك"

يعنى على متمسك وظيفه اى وظيفه تكون اتقلت كل طموحاتك
ويدوب عايز مرتب يكفى بعض وليس كل التزاماتك
********************
رايي
ان التوك توك اتفرض علينا
مش اختيارنا
الي يضحك بجد بعد مبقى التوك توك موجود
بسهوله ويسر
بدأ يبقى له مشاكل ويرتفع سعره
حتى التوك توك
:bosyht9:
فى انتظار الاراء وحوار من الجميع

الأستاذة الفضلي د / دعاء شديد

تحية طيبة لشخصكن الكريم


أستاذتنا الفضلي ... عندما كان ردي علي موضوع سيادتكن كان قصدي يتركذ في عدة نقاط .

ولقد ذكرتها سالفاً

وبعد كتابة هذا الموضوع وأعتقد أنه مكملاً للموضوع السابق وسوف أٌعَلق هنا علي الأسباب التي أستدعتني لكتابة ردي السابق ولأن الموضوعان متشابهان ومكملان بعضهما البعض.


أستاذتنا الفضلي ... إن تقدم أي دولة في العالم يأتي بتطبيق مبدأ الشفافية والمحاسبية داخل تلك الدول وليس لمدعي الفهلوة والمعرفة مكان في تلك الدول ، في تلك الحالة ... ماهو أداءاتك وما هي إنجازاتك بالشواهد والأدلة وليس بالدعاء أو الذهاب إلي سيدي فلان لكسب البركة .


وإن سبب تأخر أي دولة في العالم يرجع إلي الإستبداد والتسلط والبيروقراطية وتجدي في هذه الدول نمازج كثيرة من مدعيي المعرفة والفهلوة .

أستاذتنا الفضلي ..... إن الدول التي كنا نضرب بها المثل في السذاجة وعدم الخبرة أصبحت الآن من أكبر الدول تقدماً ، كل هذا جاء بعد الإصلاحات الشاملة داخل تلك الدول والعمل بجد وإجتهاد وإصرار علي النجاح ، كل هذا جاء بقيادة واعية ومحفذة والعمل بروح الفريق الواحد .

أما نحن فما ذلنا بحاجة إلي قيادات واعية ومحفذة تخرجنا من عنق الزجاجة والظاهر اننا أتخنقنا من كثرة وجودنا في عنق الزجاجة وأصبح يخرج منا الكلام مخنوق .


كل هذا أستاذتنا الفضلي سببه

1- إنفردية إتخاذ القرارات دون الرجوع لأصحاب الخبرة .

2- عدم التخطيط.

3- عدم تطبيق مبدأ المحاسبية .

4- عدم التغيير إلي الأفضل والتغني بأكاذيب باطلة .

5- ..................

6- .........................

7- .............................

إلخ .


إلخ .

إلخ .


بعد كل هذا إستاذتنا الفضلي

أصبحنا نقول ... هو أنا راكن الفيل بره .. لتصديقنا بأكاذيب باطلة وتجني علي ناس سبقونا بمئات السنين

فإحتراماً لهم وتقديراً

الأفضل أننا نقول

هو أنا راكن التكتوك بره

أو

أنت فاكرني مصري

إلي أن يشاء الله

فنتمني أن يأتي اليوم

ونفتخر به أننا مصريون


تقبلي إحترامي وتقديري لشخصكن الكريم

[ميس صافيا]

حمد الله ع السلاااااااااااااااااااامه
شكلك صلحتى توك توك افكارك

[عزة المصرى78]

للأسف لا نملك شيئا نركنه بره فالفيل لا ينتمى لنا والتوك توك ليس من صنعنا فما نحن سوى مقلدون لما حولنا ولذلك الأفضل لنا السعى والبحث عن أشياء من صنعنا ومن بيئتنا وتناسب طبيعتنا وتخدمنا ولا نركنها بل نستخدمها

[دعاء شديد]

بصراحة يادعاء أحيانا بركن التوك توك بره بمزاجى لانى لو اصريت افهم هتعب اوووووى
أحكى لك موقف سأضطر فيه للتخلى عن عقلي طواعية ليا صديقة غالية جدا
بتعانى من مشاكل في حياتها وطبعا أنا بعانى معاها ولما بنصحها بتعجز حتى عن تقبل النصحية طيب بالله عليك ليا حق اركن التو توك واريح دماغى شوية ولا لأ

حقك
تصدقى انا كل ما اركن التوك توك بره ... يتسرق
:bosyht9:
اعمل ايه بقى ؟؟؟

[دعاء شديد]

مفيش حاجه ممكن يحصل عليها الانسان بسهوله ..

فعلا يا مل

مفيش حاجة سهله نهائى

[دعاء شديد]

انا عن نفسي أتيت اليكم وجايب التوك توك معايا ومش راكنه بره
وعاين فيه حاجات كتيره بس كل مطلع منه حاجه ألاقي الزباين مكبره دماغها
ومع إني عارف ان بضاعتي جيده... الزباين يحسسوني إنها منتهيه الصلاحيه
طيب يا عم شوفها طب بلاش تشتريها .. أتعلم طريقه عمليلها
وبعدين أودي البضاعه ديه فين

خلاص هاخد لفه بالتوك توك وأرجع تاني.

اعتقد ان الزباين مبقوش مكبرين دماغهم
ومستنين البضاعه الجيده اوى اوى
بس شويه صبر

بس بجد
التوك توك شيك جدا

[دعاء شديد]

اه يا بلد ... عايزة ولد

اسمحيلي اكتفي بهذا التعليق

اسمحلك طبعا
لان دائما وابدا تعليقاتك بتصيب الهدف

[دعاء شديد]

الأستاذة الفضلي د / دعاء شديد

تحية طيبة لشخصكن الكريم

أما نحن فما ذلنا بحاجة إلي قيادات واعية ومحفذة تخرجنا من عنق الزجاجة والظاهر اننا أتخنقنا من كثرة وجودنا في عنق الزجاجة وأصبح يخرج منا الكلام مخنوق .

تقبلي إحترامي وتقديري لشخصكن الكريم

فعلا استاذ محمود ده هدفى من الموضوع
ان العيب مش فى المصرى كفرد
لاااااااا كقياده
للاسف فرضت عليه يركن التوك توك بره
فى انتظار مصادره اى توك توك راكن بره
خالص احترامى لفكر حضرتك المستنير

[دعاء شديد]

حمد الله ع السلاااااااااااااااااااامه

شكلك صلحتى توك توك افكارك

الله يسلمك
ههههههههههههههههههه
صلحته ... واتسرق يا صافى

[دعاء شديد]

للأسف لا نملك شيئا نركنه بره فالفيل لا ينتمى لنا والتوك توك ليس من صنعنا فما نحن سوى مقلدون لما حولنا ولذلك الأفضل لنا السعى والبحث عن أشياء من صنعنا ومن بيئتنا وتناسب طبيعتنا وتخدمنا ولا نركنها بل نستخدمها

الله
بجد رد قوى جدا
ولخص الموضوع كله
فعلا يا ريت نشوف الي يناسبنا والي مننا

زاد الموضوع قيمه بردك

[Madame/Basmalh]

احسن حاجة يا دعاء تريحى دماغك
لا فيل ولا توك توك استخدمى رجلك احسن
وبعدين تصدقى بجد والله انا نفسى اركب التوك توك
واعرف اى حكمته واى حكاية غرامك بيه

[دعاء شديد]

احسن حاجة يا دعاء تريحى دماغك

لا فيل ولا توك توك استخدمى رجلك احسن
وبعدين تصدقى بجد والله انا نفسى اركب التوك توك
واعرف اى حكمته واى حكاية غرامك بيه

ريحتها ... سرقوا التوك توك
:friendsxs3:
وبعدين تصدقى انا بكره التوك توك جدا

[dalila7777]

مره ركبت التوك توك ده بجد واللهى حلو جدا بس العيال اخواتى الله يسامحهم وقفوا فى البلكونه وهات يا تريقه وانا مش حمل تريقتهم
المهم مجال القروض انا جربته وفعلا موضوع صعب اوى الا لو معاكى كارت اوعملتى ندوه وجبتى واحد منهم يقول محاضره وهو ماشى كارت يا فندم وهوب اتحلت الازمه
اما مجال البحث العلمى فهو لاصحاب الواسطه والجميلات فقط او المتبرعين بلمجهود مقابل الفتات


اما عن تطوير الذات انا مش معاكى دكتوره دعاء ليه لانى عن نفسى شفت ناس طوروا نفسهم بلعلم المنتشر عبر شبكات النت وعبر المنح المجانيه واذكر انى ف احد المنتديات عملت موضوع لقيت واحد كاتب انه امنيته يكون صحفى استاذ اسمه علاء كل المنتدى كان بيقرى مفالاته وهو مش كمل تعليم جامعى
واعلى مشاهدات وفى منتدى زى ده من اكبر المنتديات العربيه وبيقول كان حلم وما اتحققش وحاولت اطور من نفسى لكن ما حققتش الحلم قلتله ازاى وكلنا بنقرالك وبتدلنا حضرتك على كل جديد فى مجال العلوم هو طور نفسه وحقق حلمه بس ما كنش واخد باله تطوبر النفس والتماشى مع متطلبات العصر بيخلى الشغل هو اللى يجرى وراك مش انت اللى تجرى ورا الشغل والتجارب كتير بس احنا شعب محبط وبنخد الفشل كمثال
لان دى حرب نفسيه وكل حاجه نقول الظروف والواسطه لكنها المرونه والتعامل والجديه فى العمل اى كان بسيط والتعامل بحسم وبموضوعيه مع كل الامور مهما كانت بسيطه لان اللى بيتنازل فى اشياء بسيطه حيتنازل عن حقه فى حاجات كتير تطوبر الذات دكتوره دعاء يبدا بمعرفتى لحفوفى وما على من واجبات
نحو نفسى ونحو مجتمعى ما قلش ما لقتش شغل لمجرد ان الشغل مش مناسب للموهل بتاعى وعلى فكره مصر مليانه وظايف واللى مش مصدق ينزل العبور ويتفرج على مطلوب عماله او موظقين ادخال بيانات وانا اول شغلى كان هناك عامله فى مصنع لازوردى بصب دهب فى قوالب وفى ايجيبت جولد قبل ما اكون مدرسه او مهندسه