هم يبكى وهم يضحك
هذه جميعها وقائع حدثت و تحدث كل يوم
أراد ع بعد أنهاء تعليمه الجامعى أن يستخرج شهادته ليسجل نفسه فى نقابة التجاريين فذهب إلى مكتب البريد التابع له ليسحب المال الكافى من أجل أستخراج أوراق التخرج الخاصة به
الموظف : بطاقتك با أستاذ
ع : أتفضل
الموظف : ديه البطاقة القديمة
ع : عارف .... لسة ماطلعتش الجديدة
الموظف : مش هينفع تسحب لازم البطاقة الجديدة
فذهب ع لأستخراج البطاقة الجديدة و بعد سحب الورق و كتابة البيانات
الموظف : حضرتك طالب فى كلية التجارة؟
ع : لأ... أنا خلصت
الموظف : فين ما يثبت أنك خلصت؟
ع : ايه المطلوب يعنى؟
الموظف : كارنيه النقابة
ع : لسه ماطلعتش الكارنيه
الموظف : روح النقابة و طلعلى ورقة تقول أنك المفروض منتسب للنقابة ديه
ع : فيه ورقة زى ديه موجودة؟
الموظف : طبعاً أنا عارف شغلى يا أستاذ
فذهب ع لنقابة التجاريين فى شارع رمسيس
و بعد ما حكى ع كل ما حدث له للموظف المختص سئله : فيه ورقة ينفع أطلعها و تقول أنى المفروض منتسب للنقابة دية؟
الموظف : ايوا طبعاً بس لازم تملى الورق ده
و بعد أنتهائه من كتابة الأوراق
ع : الورق اهه
الموظف : حلو ناقص شهادة التخرج روح هتلى شهادة التخرج من الكلية
أخذ ع يفكر فى هذه المأساة: للحصول على شهادة التخرج يجب الحصول على المال و للحصول على المال يجب أن يستخرج بطاقة الرقم القومى و لأستخراج بطاقة الرقم القومى يجب أن يستخرج الأوراق اللازمة من النقابة التى تطالبه بشهادة التخرج
و بعد عرض هذه المشكلة على أصدقائه ساعدوه على تجميع المبلغ الازم لأستخراج الشهادة على أن يعيده فيما بعد و ذهب للكلية
ع : عايز أطلع شهادة التخرج
الموظف : بطاقتك
ع : أتفضل
الموظف : دية البطاقة القديمة ...ماتنفعش لازم البطاقة الجديدة
ص حاصل على دبلوم صنايع شعبة الحاسب الألى و فى يوم قرأ هذا الأعلان : البلدية تطلب عدد كذا من الحاصلين على الدبلومات وعدد كذا من مَن ليس لديهم أى مؤهل
فذهب ص للتقدم للوظيفة
الموظف : أنا أسف يا أبنى لكن العدد اللازم لبتوع الدبلومات خلص
ص : خلاص عايز أقدم فى الى مش معاهم مؤهل
الموظف : بس أنت معاك دبلوم
ص : ايه يعنى .... أعتبرنى معيش دبلوم
الموظف : أيوا بس أنت معاك دبلوم و ده مستخرج بيقول كده
فأخد ص المستخرج و قال للموظف : هو ده الى مدايقك ... هأطعه
الموظف : يا عم ماتتنرفز كده و متقطعش حاجة ... أفهم الخوف أنك بعد ما تتقدم على أنك ماعندكش دبلوم تسبت أنك معاك و تطالب بمساواتك مع درجة الى معاهم دبلوم
ص : ايه الحل بعنى؟
الموظف : بسيطة أكتب ورقة أنك متنازل عن الدبلوم فى الشغل ده و أمضيها
و بعد كتابة الأقرار
ذهب للموظف مرة أخرى
الموظف : بطاقتك
فأعطاه البطاقة
الموظف : دية مكتوب فيها أنك معاك دبلوم
ص : ما الورقة الى بتقول أنى متنازل عنه معاك
الموظف : أيوا صح .... و بعد ملىء الأستمرات ..... ودى الورق للموظف الى هناك ده
موظف 2 بعد قرائة الورق : بطاقتك
ص : اهيه
الموظف : بس أنت معاك دبلوم
ص : و سعدتك معاك الأقرار الى أنا كتبته أنى متنازل عن الدبلوم
الموظف : ايوا صح .... ناقص ورقة إجادة انك بتكتب و تقرا
ص : نعم؟ ... مانا كاتب الأقرار يا عم .... ورقة ايه الى تثبت أنى بكتب و بقرأ
الموظف : أنت بتزعق ليه لو بتعرف تكتب و تقرا خايف ليه تطلع شهادة بكدة
بعد ما تمالك ص أعصابه : و دية تطلع منين؟
الموظف : الباب الى هناك ده قله عايز أطلع ورقة إجادة كتابه و قرايا
فذهب ص للموظف المختص
الموظف : نعم؟
ص : عايز أطلع شهادة إجادة قرايا و كتابة
الموظف : بطاقتك
ص : أتفضل:friendsxs3:
الموظف : ايه ده أنت دبلوم ... أنت جاى تهرج يا أستاذ؟
ص : أصلى كتبت أقرار أنى متنازل عن الدبلوم فالراجل الى بره عايز الشهادة دية
الموظف : هو عشان سعادتك كتبت أقرار أنك متنازل عن الدبلوم يبقى نسيت القرايا و الكتابة
ص و هو يصرخ : ما تقول للراجل الى قاعد بره
و قام بتقطيع كل الأوراق و خرج غاضباً للموظف الثانى وشتمه و .... راحوا كلهم القسم
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة mohammed el_sadat
المفضلات