الى اخى : الاستاذ السيد على

[معلم متعاقد]

ارجوا اقناع الناس بالصبر

وخلى عندهم منطق شويه

الاعتصام والله العظيم ضدنا مش فى صالحنا انا سألت محاميين كتير كبار وايدهم فى القانون من زمن وعارفين كل حاجه وفهمين كويس قانون كادر المعلم ودرسينه

احنا متعاقدين ليس معينيين والعقد بيقول فسخ لاى سببب هم يخترعوه

لابد من الصبر

لابد من الاعتصام نعم بس مشوقته الاعتصام اثناء الدراسه

من السهل الان ارسال فاكس لكل المديريات والادارات بفسخ العقد اتناء فترة الصيف والعودة مع بداية العام الدراسى ولذا فقدنا حقنا فى اكتمال 3 سنوات دون انقطاع

[mohamed elaraby]

انا نفسى افهم اية سر اصرارك الشديد انك تحبطنا

يا سيدى متخفش محدش يقدر يفسخ عقدنا
يفوز باللذات كل مغامر
ويموت بالحسرات كل محاذر

[amirahmed]

سلام عليكم
اولا انا ؤيد ان نصبر لان حجتهم انهم الان يعدون اوراق واجراءات
ثانيا انا شغال منذ 5 سنوات متصليين ممكنان نرفع قضية بس حلنى الموضوع مش سهل
الموضوع اللى بنتكلم فية انه بدل مايثبتونا بكرة لا احنا عايزين النهاردة ودا حقنا , بس ما دام هم قالوا فى تثبيت لازم نصبر علشان الغلط ما يجيش علينا وربنا يسهل

[معلم متعاقد]

مفيش حد على فكره اشتغل اكثر من سنتين دون انقطاع وان اجزم بذلك

[أستاذ السيد على]

ياجماعة انا شغال من 2002 وفى ناس قبلى

والحمد لله فى تحسن مستمر لايستطيع احد

انكار ذلك والان لايوجد فرق بيننا وبين المعينين الا

فى المسمى والاجازات فالوضع اختلف تماما منذ

تنفيذ عقد المعلم المساعد ولكن علينا التروى وعدم العجله

ولا تنسوا ان مشرفى النشاط امتحنوا الكادر قبلنا بشهور

والى الان لم يتم تسكينهم ولاصرف بدل الكادر لهم

وهم معينين فعلينا بالتريث قليلا يمكن ارسال ايميلات او فاكسات

لجميع الجهات المختصة ووسائل الاعلام ولكن لا انصح بوقفات فى الوقت

الحالى .

[حبيبه المصريه]

ولكن لا انصح بوقفات فى الوقت

الحالى .

معك فيما قلت أستاذ السيد
أخواتى المتعاقدين التريث والتمهل
القانون معهم تجديد العقد لعام آخر بعد سنتين
فى حالة عدم الحصول على رخصة الصلاحيه لمزاولة المهنه
وهذه لم يحصل عليها أحد
ليس الأمر من السبب فى هذا
الواقع اننا لم نحصل عليها
اذن تم الجديد وكده قانونا صح مع قانون الكادر
يبقى نصبر الى ان يتم تسكيننا
أو تتضح الصوره أكثر
التعقل التعقل
أعلم أننا جميعا تعبنا من الصبر
لكن لن نأخذ الا ماقدره الله لنا
ومؤكد أنه بميعاد
فلنصبر

[mr.hisham]

إن الله مع الصابرين

[مني احمد علي]

من الصعب حشد المعلميين في الوقت الحالي ثم اننا لا نعمل في مكان واحد ولا في إدارة واحدة ولا في محافظة واحدة واعتقد ان معظمنا سلبي ومعظمنا بيخاف علي الوظيفة الي وصلها في زمن لا توجد فيه اي وظائف لذلك انسوا موضوع الوقفة

[طارق الشعواطى]

نحن اقل واذل من الاعتصام والاضراب

[ا/عبدالفتاح شبانه]

التمهل والتريث لان اى زوبعة ليست فى صالحنا

[دينا احمد]

احنا فعلا لازم نيجى على نفسنا ونصبر ونشوف ايه اللى هيحصل كان ممكن الوزارة تفسخ العقود لحد ماييجى قرار بتثبيتنا احنا لا روحنا مضينا اى عقد ولا حاجة يبقى نتفائل وان شاء الله فيه تثبيت

[طه أبوسمرة]

يا جماعة يا ريت نجهز انفسنا للوقفة الاحتجاجية
دي محتاجة تنظيم ووقت
ومن هنا ل 25/7 هتبان نية الحكومة
لو حسينا أنه في تثبيت هنلغي الوقفة
ولكن لازم المسئولين يحسوا اننا بنتحرك مش ساكتين
يمكن ده يخلي الوزير يعلن عن التثبيت قبل موعد الوقفة 25/7
وهو ده المطلوب
احنا مش محتاجين الا تصريح من الوزير بموعد التثبيت مش اكثر من كده
لكن طول ما احنا ساكتين ..... ما حدش هيعبرنا
وبعدين الوقفة دي مش للتثبيت وبس , دي برضه لرفض موضوع محو الامية اللى بينتشر بين المحافظات

يا ريت الكل يشارك
وربنا معنا


ما تنسوش صفحتنا على الفيس بوك
http://www.facebook.com/group.php?gi...3357265&v=wall

[ehabnagy]

فى كلام سلبى بيقوله بعض الاعضاء عن الصبر وان الواقفة ليس فى صالحنا ....
طيب هنصبر إلى متى؟؟؟؟ إلى 2011/7 ام ماذا؟؟؟؟

شكل الاعضاء دول شغلين بالوسطة وملهمش حق فى الشغل أو من بتوع الحزن الوطنى؟؟؟

يا جماعة الارزاق فى يدى الله

وكمان لو متحركناش الآن مش هنقدر هنعمل حاجة، داخل علينا انتخابات الشعب والرئاسة والبلد هتكون ولعة من الاخر الامن هيمنع اى حاجة ولو بالقوة ، اما الان الوقت مناسب

[طه أبوسمرة]

كلام منطقي

[mohamed elaraby]

انا متفق معاك فى الرأى الصراحة رأى حكيم وصائب