انا عارفه ان فى اكله تانيه اسمها كمونيه مصريه انا معرفهاش بجد وحدور فى الجوجل عليها
لكن فى كمونيه تانيه انا بحب اعملها واتعلمتها ماما من جدتى وهى اللحمه بصوص الكمون المكونات
نص كيلو لحمه مسلوقه
معلقتين كمون مدقوقين مع عشر فصوص توم كبار
معلقه سمنه بس كده
كوب صغير من مرق اللحم المسلوق
الطريقه
بنحمر التوم فى السمنه زى التقليه بتاعت الملوخيه كده وبعدين لما يحمر
نحط عليه كوبايه الشوربه واللحمه المسلوقه ويغلو غلوه ولما اللحمه
تاخد لون الكمون وتبتدى تتشرب الشوربه ويتقل الصوص نطفى عليه ونقدمها جنب رز بلبصل والكمون وطبق سلطه وبتكفى اربع اشخاص
ومش فيها سعرات حراريه كتير ونحرص دايما ان اللحم بكون احمر خالى من الدهون وبلهنا والشفاء