ارز بالكبده
ده بقى صنف خاص جدا وصحى جدا وطبعا انا عملاه عايزه تشجعونى عشان اكتب وجبات صحيه وكمان مشروبات للرجيم تجنن وجديده ما حدش بيعملها
اولا 100 جرام ارز نكون غسلينه ونقعينه فى ميه دافيه ال حاجه ليه عشان النشا اللى فيه يروح
بصله مقطعه قطع صغيره جدا
100 جرام قطع صغيره كبده
وكوب طماطم معصوره كوب كبير
والتوابل اللى بتحبيها زى الكمون والجنزبيل وخدى بالك الاكله دى مهم جدا فيها الجنزبيل بنجيب من عند العطار جنزبيل مطحون ونحط منه معلقه صغيره
وممكن لو بتحب تضيفى فلفل اسود تضيفيه
طريقه التحضير
معلقتين كبار زيت بنحمر فيهم البصله ولما بتحمر نحط الطماطم تتسبك ويحمر لونها ويا البصله بعدين لما تتسبك نحط كوبايه ميه تغلى مع الطماطم المسبكه ولما تغلى نحط الكبده ونستنى لون الكبده يتغير ونحط الرز بعد ما نصفيه وبعدين نوطى النار عليه خالص لحد ما يدخل فى السوا بعد عشر دقايق او اقل نحطله الملح حسب درجه الملح بتاعتنا والتوابل اللى بنحبها ومش ننس الجنزبيل نحط منه معلقه صغيره او معلقه ونص ليه بقى لانه بيحرق اى دهون او اى شحوم موجوده من غير ما نحس كانن مش بناكل والجنزبيل مكون مهم اوى فى توابل الفيجتار واهم مكون وبيدى للاكل طعم كاننا بناكله فى مطعم
بره البيت ولما يتشرب الرز بنقدمه ونحط جنبيه طبق سلطه
وبالف هانا
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة ريان عمر
المفضلات