موضوع

[أشرف السيد]

السلام عليكم

انا بفكر في الحملة دي من زمان

حملة ( موضوع )

وهي ان اي موضوع جديد يتكتب يكون عنوان الموضوع من كلمة واحدة

يعني مثلا

انا كنت هعمل موضوع جديد اتكلم فيه عن ( الانتقال بين شوارع الانترنت بضغة زر ) وطبعا الموضوع شيق جداااااا

ففكرت ازازي اختصر عنوان الموضوع

فقلت مثلا شارع الانترنت

قلت ممكن يكون ضغطة زر

وفي النهاية قلت يكون كلمة واحدة ( ازرار )

فازاي كل واحد يحاول يختصر عنوان الموضوع في كلمة واحدة

هل هي بلاغة ام حسن اختيار أم ماذا

فهيا من الآن جميعا وبداية من الليلة في تمام الثانية عشر منتصف الليل نبدأ حملة موضوع عنوانه من كلمة

اي حد يعمل موضوع جديد يكون عنوان الموضوع من كلمة واحدة وهنجرب الحملة دي لمدة اسبوع كامل


وانتظروا موضوعي الجديد ( أزرار) أو ( شوارعنت )

مش عايزين نلاقي اي عنوان أكثر من كلمة لمدة اسبوع في كل الاقسام عدا التعليمية


مستعدين

ومستني آرائكم

[عز وحيد]

موافق
بس غالبا هتكون صعبة شوية
فهل ياترى هيتم الالتزام بيها
ولا تحاول بس نعمل ده

[أفنان أحمد]

وجب .............

[س ا يوسف]

محاولة
والله المستعان
وان كانت صعبة جدا

[نعمه محمود]

ليه ؟؟؟؟؟؟؟

[أشرف السيد]

ليه ؟؟؟؟؟؟؟

أولا : بلاغة

ثانيا : عصر للدماغ علشان نقدر نوصل لكلمة واحدة يبقي هنفكر جيدا في اسم الموضوع

ثالثا : تجديد

رابعا : حيرة وتفكير وتعقيد

[نعمه محمود]

أولا : بلاغة

ثانيا : عصر للدماغ علشان نقدر نوصل لكلمة واحدة يبقي هنفكر جيدا في اسم الموضوع

ثالثا : تجديد

رابعا : حيرة وتفكير وتعقيد

جميل جدا
اتفقنا بس انتو جايين في وقت حرج جدا مفيش دماغ اصلا
امتحانات الولاد على الابواب
دعواتكم جميعا

[مستر أحمد حمدى]

طيب شئ جميل

ودى بلاغة فعلا

فالرسول صلى الله علية وسلم كان يوجز المعانى الكبيرة فى كلمات قصيرة

لذا أوتى مجامع الكلم

وان شاء الله حننفذ دة ومنتظرين موضوعك يا زعيم

[العندليب الحزين]

فعلا البلاغة الايجاز
والقران اكبر معجزة بسبب ايجازه مع سرد كل الحقائق لا افرا ولا تفريط
فكرة رائعة الحقيقة بس صعبة

[كريم ماضي]

ان شاء الله نجرب
ولسه محدش يعرف دماغك فيها ايه ياعبقرينو
كمان يومين تقولي اعمل موضوع عنوانه كلمه
والموضوع جمله
هههههههههه
فكره كويسه

[MohammeD el_SadaT]

فكره جميله بس صعبه التنفيذ
لأن
فيه مواضيع كتير جدااااً مينفعش يكون عنوانها من كلمه واحده لأن هيبقى العنوان
مقصر
العنوان هو أساس الموضوع فغالباً كلمه واحده هتبقى غير مؤثره

لكن تبقى فكره شيقه وهدفها جميل
و
إن شاء الله هحاول



منزلش مواضيع الإسبوع ده
ههههههههههه





هحاول إن شاء الله
أنفذ على أد ما أقدر

[امة الرحمن]

صعبه اوي اوي

بس نحاول

[zizo2_2]

معلش سامحوني

ايه الهدف من الموضوع

يمكن في هدف خفي وانا مش واخد بالي

انا مش شايف انه هيكون فيه اي مصلحة خالص

تقبلوا رايي

[MohammeD el_SadaT]

معلش سامحوني

ايه الهدف من الموضوع

يمكن في هدف خفي وانا مش واخد بالي

انا مش شايف انه هيكون فيه اي مصلحة خالص

تقبلوا رايي

بيتهيألى إن الهدف عصر الدماغ والإبداع إنك إزاى تعبر عن موضوعك بكلمه واحده
يعنى نوع من التغير عشان متحسش بالملل مش أكتر

[dream]

انا اضم صوتى للمهندس العظيم

لا اوافق على جعل عنوان الموضوع مجرد كلمه

انا شخصيا الذى يجعلنى اقرا بعض المواضيع

عنوانها


ومثلا عمرى ما اتخيل استاذ محمد وسيه يكتب كلمه واحدة لموضوعه

اوقات كثيرة باعرف كاتب الموضوع من عنوانه

التغير عندما يكون للمصلحة

ممكن نغير وقتها

أولا : بلاغة


البلاغه عمرها ما كانت كلمة واحدة

ثانيا : عصر للدماغ علشان نقدر نوصل لكلمة واحدة يبقي هنفكر جيدا في اسم الموضوع

اى اسم لموضوع بيحتاج عصر دماغ

ثالثا : تجديد

لن يكون للافضل

رابعا : حيرة وتفكير وتعقيد
بالعكس ده هيبقى فى منتهى السهوله

ده راى والاختلاف لن يقسد للود قضيه

[نداء الجنة]

السلام عليكم ورحمة الله وبركاته
من الصعب التعبير عن موضوع بكلمة واحده
هذا بالفعل يعد ابداع ولكن هذا لا يتأتى للكثير
فهو ملكة يخص بها الله عز وجل بعض من عباده
بالاضافه الى انه من غير المناسب التعبير بكلمة واحده لانها لن تقوم بالغرض فى التعبير عن فكرة الموضوع
ارجو تقبل رايى
فى امان الله

[أشرف السيد]

هو طبعا ليس اجبار

وانما هو تفكير

لكي استطيع ان اقلل من عدد الكلمات بعنوان الموضوع

وطبعا انا مع كل التعليقات المؤيدة والمعارضة

وفعلا صعب اختيار كلمة واحدة لعنوان الموضوع

وانا فعلا عايز انزل مواضيع جديدة بس بحاول اختصر عنوان الموضوع لكلمة واحدة مش عارف

بس دي فكرة طرحتها

وشكرا لكل التعليقات