ماهو الحل اذا ضاع املنا فى التثبيت

[ahmedalaa]

كلنا معلمون مساعدون وتعبنا من كلمة معلم مساعد لازم تتغير اذا الحكومة مغيرتهاش فى شهر 7 لازم احنا كلنا نغيرها حقنا لازم ناخذه كاملا عشان نستقر بدل البهدلة الى بنشفها علطول كل واحد معاه اعداديه او معهد وعملى مدرس يقول انت لسه بالقلم الرصاص وممكن فى اى لحظة تاخذ استمارة 6
الكلام دى صح ولا لا
ارجو ان ننتبه الى حياتنا وحقنا فى التثبيت وكل واحد ميقلش انا مالى لازم 70000 مدرس كلهم يعملوا حاجة واحنا عددنا كتير كتير كل واحد حيعملنا الف حساب
الحل
1- رفع قضية فورية وحنكسبها باذن الله من اول جلسة القانون بيقول كدة
2- الاعتصام الاعتصام والتهديد بعدم الذهاب للمدارس والمعاهد
3- الذهاب الى كل القنوات والبرامج الفضائية واعلان نشكلتنا على الراى العام
ارجو الرد واعطاء افكار اخرى والله ولى التوفيق

[حازم دهب]

الواحد يسافر ويخلص والله احسن مايجراله حاجه هنا دا الناس بتتريق علينا كل شويه انت متعين ولا بالحصه وطبعا مش كل شويه هتقول بالتعاقدوتحكى قصه لا بتقول انا بالحصه يا عم الحج شوفتو بقى شايليين الشغل كله والاخر اسمنا بالحصه

[zad.zad29]

المفروض كل اللى سيادتك قلت علية دلوقتى من رفع قضية واعتصام وغيرة يحصل من دلوقتى لان الحكومة ضربتنا ياما على قفانا واحنا بنقول كمان مدرسين الفصل الواحد اتعينوا من غير لا امتحان كادر ولا اى سى دى ال ولاغيرة وممرش عليهم سنة بالتعاقد زى ماعملوا معانا يعنى مش عارف احنا مستنين اية لحد دلوقتى مش عارفين ناخد خطوة اجابية قولى بس اعمل اية واحنا نعمل معى بعض فى كل محافظة

[mr.hisham]

نصبر ال 15 يوم دول ونشوف هيحصل ايه

[ايمان ابو الفتوح]

يا جماعه فات الكتير ومش باقى غير القليل اصبروا ان الله مع الصابرين انتم املنا ربنا معاكم ونباركلكم قريب احنا لسه مدخلناش الكادر اصلا

[mena gerges 123456]

نصبر ال 12 يوم دول ونشوف هيحصل ايه

[manone1]

متصبرنيش بوعود وكلام معسول وعقود
لابد من وقفة وانا اول الواقفين معاكم
بس نعمل اى حاجة نطالب بحقنا احنا مش بنشحت
انا معكم اخوانى لو ملقتونيش يبقى قولوا الله يرحمه يا جت له سكته قلبية او انتحر
او بقا مع الناس التنيين
ومحدش يقولى مين هما الناس التنييين

[معلمه بالقلم الرصاص]

يا جماعه دا حقنا ولازم ناخده ارجوكم اتمنى نكون يد واحده مش ندخل نتكلم وخلاص حد يتزعم الموضوع دا واحنا معاه ايد بأيد حرام واللهى اللى احنا فيه