اســــــــــــــــــــمك:
جمال سراج
الحالة الأجتماعية :
متزوج + 3 ( عبد الرحمن 12 ، محمد 9 ، مصطفى 6 )
هـــــــــــــــــــواياتك:
القراءة – تصفح مواقع الأخبار - التدريب
هل تحب المطـــــــخ:
أحب أكشف حلل المطبخ – أشوف فيها ايه
ههههههههههههههههه
اكله تحــــــــــــــــبها
السمك المشوى بتاع النيل مع الرز والسلطة
وكمان صنية المحشى المنوعة
اكله تجـــــــــــــــــيدها
معظم الأكل اللى كانت أمى بتعمله حتى المحشى وربنا
ساعدنى ان كان شغل والدى بعيد عن سكن الاسرة وكنت بقضى الاجازات معاه وكان بيعمل كل حاجة فعلمنا وكمان امى كانت بتعلمنا وكمان اشتغلت بره فاخدت خبرات من كله
صفه تحــــــــــــــبها
التواضع
صفه تكرهـــــــــــها
الكدب والتكبر
عطــــــــرك المفضل
المية – محبش العطور الصناعية بتعملى حساسية بتخنق منها لكن احب اشم رائحة الورود والزهور الطبيعية وكمان ثمار الفاكهة وزهور اشجار البرتقال والليمون بصفة خاصة
افضل اســــم رجالي
عبد الله وعبد الرحمن ( خير الأسماء) كما فى الحديث
افضل اســــم نسائي
أى اسم عربى زى فاطمة – زينب – رقية – مى – سلمى – كدا وبالتأكيد صفية منهم
يكفى أنه اسم لام من أمهات المؤمنين
محبش الاسماء المستعربة أو الموضة
بلاش اقول زى ايه!!!!!!!!!
خبر اســــــــــــــعدك
كثير – النجاح يسعدنى – حب الناس يسعدنى – رضا نفسى عنى نفسى لما اعمل شغلى باتقان يسعدنى
خبر احــــــــــــــــزنك
كثير أهمها موت أمى الفجائى وبدون ادنى مقدمات ( مكنش على بالى) وكان دا قبل ما اشتغل وكان عندى اخت اصغر منى – شعرت بفقد الحنان ولم استطع تعويضه ولن استطيع بنفس قدر او بنفس لون وطعم ومذاق حنان امى غير المبرر !!!!!!!!!! حنان طبيعى يعنى بدون اسباب
اجمل مدينه تتمنى ان تعيش بها
انا عشت فى كذا مكان بالاضافة ل الغربية حيث اقيم الان – افضلها اسكندرية اتمنى اعيش دايما فيها
اجمل ما في الدنيـــــــا
راحة الضمير
اجمل مافي الصــــــــديق
الوفاء
انما الصديق هو الذى اذا غبت عنه احسست ان جزءا منك ليس فيك
طمــــــــــــــــوحاتك
غريبة شوية – أموت ربنا راضى عنى وولادى يكونوا صالحين
واقصد بصالحين مش يكونوا مهندسين او دكاترة او ظباط او غيره لا يكونوا فى علاقة حلوة مع ربنا وربنا يهديهم فى اى عمل شريف
مـــــــــــــــــــــــــيزاتك
مفيش ميزات – شخص عادى جدا وبعدين من وجهة نظرى لو فيه ميزات مش المفروض ان انا اقولها
الناس هى اللى تحسها
مع العلم بانه وعظتنى نفسى غير المثالية فعلمتنى ألا أطرب لمديح أو أجذع لمذمة
كل شىء بقدر المليك
عــــــــــــــــــيوبك
كلى عيوب للأسف
قاموس أخطاء – بردو دى تتحس
وعلى فكرة عارف عيوبى جدا وربنا يهدينى ونحاول نتجنبها
متى تغضــــــــب
لله – عندما تنتهك حقوق الاخرين امام عينى او اجد من يحاول تبرير مواقف خاطئة لصالح مصلحة
او عندما يحاول احد الحديث عن آخر باسلوب غير لائق حتى ولو كانت بهذا الشخص عيوب
اغضب ايضا عندما أجد فقيرا ليس بامكانه عمل شىء مع ان لديه من الامكانات والعقل ما تجعله افضل من الاف غيره ممن لديهم اموالا ولكن لديهم ايضا عقولا فارغة وآذانا صما
شي يثير اعجابك
النظام والنظافة والشياكة
والشياكة تعنى طريقة وايتيكيت التعامل مع الغير مش الشياكة فى اللبس او الاكل او كدا
افضل مو ضوع قرأته في المنتدى
أى موضوع احس ان صاحبه عامل فيه شغل – مش ناقله يعنى- احس انه جايب افكاره وافكاره تعنى انه يحس بقيمة الموضوع انما نوعية الموضوع ايه دا فى كل المجالات
بالنسبة للقسم العام الموضوع دا عجبنى
أحاسيسنا عندما يملكها آخرون – نعمة محمود
باقه ورد لمن تهديها
لكل من يؤدى عمله باتقان لا يبغى به سوى رضا المليك
ولكل من يقدم خيرا او يزيل عائقة من طريق انسان وخصوصا غير القادرين
رساله حب لمن توجهها
لكل المخلصين المقدرين لغاية الحياة وهى تقوى الله وعبادته بالجد والاجتهاد والعمل والتعاون
الأفطار المحبب لك :
مش بفطر للاسف ممكن اشرب لبن او شاى ومعاه بسكويت او كيك خفيف
العشاء المفضل لك / لكى :
فى الغالب حاجة خفيفة اهم حاجة فى الوجبة الفاكهة اى فاكهة بموت فيها وباكلها قبل الاكل وتكفينى الفاكهة فى اى وجبة – جبنه – زبادى – مربى – بيضة مسلوقة
كدا
انما الوجبة الاساسية الغدا دى لازم بقا يكون فيها ما لذ وطاب
هل تفضـل المشى بعد الأكل :
بالتاكيد بمشى كتير حتى لو داخل البيت
أفضل أكلة من يقدمها لك / لكى :
الوقتى بعد امى احب اكل عند اختى
دى بحس كانها امى بنفس حرصها على ارضائى
مش حد تانى
هههههههههههههههههههه
بالتاكيد انا بقول الصراحة وكل واحد عنده عيوب ومميزات
وانا من عيوبى الصراحة
ما رأيك فى الوجبات السريعة :
لو حصل وكنت مسافر مثلا سفرا ليوم او ساعات طويلة واضطريت للاكل باكل سمك - جبنه ومربى وبسكويت او فاكهة بس ممكن تفاحة مثلا – محبش العك ومش محروم انا عشان اكل طبيخ او لحوم او غيرها الا اذا كنت معزوم عند حد غالى وضامن نظافة الاكل والمكان وعلى فكرة احيانا بروح القاهرة مثلا مشاوير شغل فى الوزارة وارجع واخد مثلا 7 او 8 ساعات ولا اشرب فيها كباية مية حيه مش بخل او شح
ولكن انا بطبيعتى محبش الاكل غير لما اجوع قوى وممكن اعقد يومين ثلاثة بدون اكل
انما بقا البورجر والبيف وكنتاكى وغيره – على رقبتى مع احترامى للغير
ما رأيك فى شرب الماء أثناء الأكل :
لا
الميه قبل الاكل او مع الاكل احيانا بعد الاكل لا
تأكل الحلويات أم الفواكهه بعد الأكل :
الفاكهة قبل الاكل مش بعده ودا على فكرة الصح
لسهولة الهضم وللفائدة منها عكس كتير من الناس اللى بتقول نحلى بقا
الحلويات ممكن بين الوجبات مش بعد الاكل
مارأيك فى شرب المياه الغازية بعد الأكل :
محبهاش كلها ولو مفيش خالص ياريت لانها مضرة جدا جدا – العصير الطبيعى افضل او الفاكهة بقا اللى انا اصلا مدمنها
ما رأيك فى الشرب الشاى أو القهوة بعد الأكل :
بعد الاكل ب نص ساعة اشرب شاى
القهوة مرة او 2 فى نص اليوم العصر مثلا او قبل النوم بساعة مثلا – ممكن اشرب قهوة او شاى عادى بعرف انام على عكس اللى بيقول
أكلة تناسب الأطفال : ................ ولمن تهديها
المهلبية
هههههههههههههههه
اهديها لولادى اللى منقوعين فيها وانا معاهم
اكلة تناسب الشباب : ................ ولمن تهديها
صنية محشى رقيقة فيها 5 صوابع محشىكرنب و3 اربع صوابع محشى ورق عنب و2 حباية كوسة وبطاطساية محشية رز ولحمة مفرومة وبردو طمطماية محشية زيها
لكل حبايبى اهديها
اكلة تناسب كبار السن : ............. ولمن تهديها
الخضار الخفيف زى الكوسة والبسلة والبطاطس مع حته لحمة صغيرة حمره وكباية لبن او زبادى
لكل احبابنا ربنا يديهم الصحة
اكلة تناسب الرجيم : ................. ولمن تهديها
السمك المشوى والفاكهة مع السلطات – بس
لكل اللى عاوز يبقى جسمه صحى مع اعتبار ان كل شىء بيد المليك
اكلة تناسب النحيف : ................ ولمن تهديها
اى اكل صحى – خضار مع قليلا من البروتين والنشويات – كثيرا من السلطات والفاكهة
اهديها ل اللنحاف زيى جمال سراج
اكلة تشتهر بها مدينتك أو محافظتك : ............. ولمن تهديها
المحشى بانواعه وخصوصا يوم الاربعاء – السوق بتاع بلادنا
البلد بتتقلب من عمايل المحشى
هههههههههههههههههههه
لكل احبابنا والله اللى يحب اهلا وسهلا
متخفوش هيبقى معاه بروتين
لتفكرونى بخيل
هههههههههههههه
كلــــــــــــــــــــمه اخيره
شكرا لشياكتك ومرحك وخفة دمك الجميلة
ومنك لله بقا جريتى ريقى من عمايلك الحلوة وافكار حبايبك نون النسوة – هتخلونى اتمرد عالعيشة وانا غلبان
ههههههههههههههههه
شكرا صفية سعداوى
خالص احترامى
....................................
حوار على باب القسم
رد مع اقتباس
شكراً لهذا
أعجبني هذا
شكرا هيباء على حوارك الراقى الجميل
المشاركة الأصلية كتبت بواسطة dalila7777
المفضلات