حوار على باب القسم

[صفيه سعداوى]

حوار على باب القسم

فكره موضوع جديد اتمنى ان ينول اعجابكم

فكره الموضوع باختصار هو حوار مع اى عضو يدخل ويشارك

فى قسم نون النسوه يقع الاختيار عليه

هنعمل معاه الحوار ده ( على باب القسم )

وبعد الانتهاء من الاستجواب هنحكم عليه بحكم

غير قابل للآستئناف

هنسيب الاحكام بعد نهايه الحوار

قصدى الاستجواب

ماتخافوش الاحكام هتكون لذيذه اطمنوا

اســــــــــــــــــــمك:

الحالة الأجتماعية :

هـــــــــــــــــــواياتك:

هل تحب المطـــــــخ:

اكله تحــــــــــــــــبها

اكله تجـــــــــــــــــيدها

صفه تحــــــــــــــبها

صفه تكرهـــــــــــها

عطــــــــرك المفضل

افضل اســــم رجالي

افضل اســــم نسائي

خبر اســــــــــــــعدك

خبر احــــــــــــــــزنك

اجمل مدينه تتمنى ان تعيش بها

اجمل ما في الدنيـــــــا

اجمل مافي الصــــــــديق

طمــــــــــــــــوحاتك

مـــــــــــــــــــــــــيزاتك

عــــــــــــــــــيوبك

متى تغضــــــــب

شي يثير اعجابك

افضل مو ضوع قرأته في المنتدى

باقه ورد لمن تهديها

رساله حب لمن توجهها

الأفطار المحبب لك :

العشاء المفضل لك / لكى :

هل تفضـل المشى بعد الأكل :

أفضل أكلة من يقدمها لك / لكى :

ما رأيك فى الوجبات السريعة :

ما رأيك فى شرب الماء أثناء الأكل :

تأكل الحلويات أم الفواكهه بعد الأكل :

مارأيك فى شرب المياه الغازية بعد الأكل :

ما رأيك فى الشرب الشاى أو القهوة بعد الأكل :

أكلة تناسب الأطفال : ................ ولمن تهديها

اكلة تناسب الشباب : ................ ولمن تهديها

اكلة تناسب كبار السن : ............. ولمن تهديها

اكلة تناسب الرجيم : ................. ولمن تهديها

اكلة تناسب النحيف : ................ ولمن تهديها

اكلة تشتهر بها مدينتك أو محافظتك : ............. ولمن تهديها

كلــــــــــــــــــــمه اخيره

....................................

تحيـــــــــــــــــــــــــاتي لكم

[صفيه سعداوى]

الله ينور عليكى يا همس
والله طلعتى هايله
اهى دى الاحكام ولا بلاش
موافقه يا همس
حددى الميعاد هتلاقينى انا والعيال وابوهم
فى انتظار العزومه يا استاذ /ضبعون

[محمد حسن ضبعون]

بالهنا والشفا

عشاء شهى لصحبة غالية

عيش وملح

بصلة المحب خروف

[محمد حسن ضبعون]

تحياتى للجميع
وبالهنا والشفا
انا سعيد جداً بالحكم
لأنه عيش وملح للصحبة الصالحة
نتمنى من الله للجميع دوام التوفيق

[همس الحنين]

هههههههههههههههههههههههههههه


بصله المحب خروف


هههههههههههههههههه

ايه رايك ف الكلام ده يا صفيه

[صفيه سعداوى]

همس
شوفتى العينات
لا مش عوزومه ده شحن على الهوا
بصله المحب خروف
هههههههههههههههههه
طب احنا عايزين خروف
بصله!!!
دى عزومه دى

[صفيه سعداوى]

استاذ/ضبعون
خذلتنا والله
همس سايبه القسم العام ومستنيه العزومه
وفى الاخر يطلع بصله
طيب يا عم خش على مطبخ المنتدى
وهات شويه حاجات مش هنكلفك حاجه
حتى نفرحلك بدخله

[محمد حسن ضبعون]

همس

شوفتى العينات
لا مش عوزومه ده شحن على الهوا
بصله المحب خروف
هههههههههههههههههه
طب احنا عايزين خروف
بصله!!!

دى عزومه دى

علشان أهل بيلا كرماء
بالهنا والشفا
علما إن ده عشا مش غدة

[محمد حسن ضبعون]

إهداء ما بعد العشاء
سألونى من أنا
سئلت من انا وماهى حياتك فقلت:-
انا الالم ابي والحزن عمي والخوف رفيقي
انا صمت من جروح الزمان
انا الدمع فى عيون اليتاما
اتخذت القلم اخاً
وتوسدت الورق مضجعاً
والحبر غطائي
وجور الدنيا على ملهمي
اكتب من مزايا حياتي صفحات الم واعتيادي
عليه كما تؤمي فى الدنيا وعزائي
اشكو لقلمي كل حزني
وابكى حبري من ثنايا عيوني
واجفف دمعي باوراق خطاباتي
انسج من ظلمي كلمات تريح جروحي
لا شافي لها ولكنها تقليل اوجاعي
يجري الدمع من غير طلباً من عيوني بل جروحي ومن كل ارجائي
توقفت لحظة عند ابتسامة طفل من مداعبة امه
فابتسمت ام رأيت فية نفسي ام تمنيت مكانه
اعتلا ابتسامات يتمي قائلا ما لك وللطفل حسدا
انت لا ام لك واخ
الا الحزن والالم
لا تنظر الى ما ليس لك ام تغيير قدرك ترتجي
كنت لك قبل الولادة وانك تعيش ما كان لك فى الكتب
ايكفيك سائلى ام ازيد. . ؟
. . . هذا انا وهذه حياتي . . .

</b></i>

[همس الحنين]

لا اله الا الله


بيه الحزن ده بس استاذ ضبعون


كده مش هنعرف نبلع العشا

هههههههههههههههههههه

مفيش حاجه متفائله وشاعريه شويه


عشان تفتح نفسنا ع الخروف الجميل ده

[أميمة محمد عرفات]

لا اله الا الله


بيه الحزن ده بس استاذ ضبعون


كده مش هنعرف نبلع العشا

هههههههههههههههههههه

مفيش حاجه متفائله وشاعريه شويه


عشان تفتح نفسنا ع الخروف الجميل ده

واحد بخيل كان كل ليلة يقول للاولاد مين ينام من غير عشاء وياخد جنيه ؟؟؟
كلهم يقولوا أنا..
الصبح يصحوا جعانين جدا يقولهم : مين يدفع جنيه ويفطر ؟؟؟
تراهن بخيلان على من يبقى تحت الماء أكثر من الآخر يدعوه للعشاء...
فلم يخرج أحد منهما حتى الآن.

[عزه حسن]

شكرا للتدبيسة

احممممممممم عفوا

الاستضافة

بس يا استاذة صفية خدى باللك

حضرتك وعدتى بحكم خفيف

علشان كدة

دخلت اشارك وامرى لله

[عزه حسن]

اســــــــــــــــــــمك:
عزه حسن



الحالة الأجتماعية :
متزوجة وأعول تلاتة



هـــــــــــــــــــواياتك:
القراءة والتفكر وتصميم عروض بوربوينت




هل تحب المطـــــــخ:
مجبر اخاك لابطل




اكله تحــــــــــــــــبها:
الفراخ بالارز




اكله تجـــــــــــــــــيدها:
كتييير ممكن نقول البامية






صفه تحــــــــــــــبها:
الصدق



صفه تكرهـــــــــــها:
الخيانة



عطــــــــرك المفضل:
الياسمين



افضل اســــم رجالي:
مصطفى اسم زوجى طبعا



افضل اســــم نسائي:
مها



خبر اســــــــــــــعدك:
نجاح أبنى على المستوى الشخصى وعلى المستوى العام بداية الدراسة 18/9



خبر احــــــــــــــــزنك:
على المستوى الشخصى مرض أمى وعلى المستوى العام ما حدث لأسطول الحرية



اجمل مدينه تتمنى ان تعيش بها:
من غير ما افكر الاسكندرية



اجمل ما في الدنيـــــــا:
الرضا وراحة البال



اجمل مافي الصــــــــديق:
الوفاء



طمــــــــــــــــوحاتك:
الفوز بالجنه



مـــــــــــــــــــــــــيزاتك:
صعب شوية اتكلم عن ميزة فى لكن نقول الأخلاص والصدق مع النفس والآخرين



عــــــــــــــــــيوبك:
عاطفية وافتراض المثالية فى الآخر



متى تغضــــــــب:
إذا حاول أحد الاقتراب من كرامتى وعزتى



شي يثير اعجابك:
العمل المتقن



افضل مو ضوع قرأته في المنتدى:
ياه ه ه كتييير لكن ممكن أخر موضوع هو موضوعك يااستاذة صفية تقرير المشرفين لأنه شجعنى على كتابة تقرير قسمى



باقه ورد لمن تهديها:
لكل محب فى الله



رساله حب لمن توجهها:
امى ثم امى ثم امى ربنا يخليها لينا ولا يحرمنا من روعة حبها



الأفطار المحبب لك :
لبن بالبقسماط



العشاء المفضل لك / لكى :
اى شىء خفيف جدا



هل تفضـل المشى بعد الأكل :
افضل ولكن لا وقت لدى لذلك



أفضل أكلة من يقدمها لك / لكى :
امى ثم اختى الكبرى



ما رأيك فى الوجبات السريعة :
تسد زنقه وتسكت البطن الجعانه




ما رأيك فى شرب الماء أثناء الأكل :
عادة زمان كان بابا يحزرنا منها وبعد الزواج زوجى عودنى عليها ومش عارفة صحتها ايه بس بشرب



تأكل الحلويات أم الفواكهه بعد الأكل :
الاثنان بس افضل الفواكه



مارأيك فى شرب المياه الغازية بعد الأكل :
بحبههههها جداااااا بس ضاره



ما رأيك فى الشرب الشاى أو القهوة بعد الأكل :
لا احبه مطلقا وضار

أكلة تناسب الأطفال :
البطاطس والمكرونة ولمن تهديها لحبيب قلبى ابنى محمود



اكلة تناسب الشباب :
وجبة خضار كاملة ولمن تهديها ابنائى احمد ومحمد



اكلة تناسب كبار السن :
.الزبادى وخضار سوتيه ولمن تهديها لعمرى كله الحاج والحاجة بابا وماما



اكلة تناسب الرجيم :
الفاكهه ولمن تهديها لى طبعا



اكلة تناسب النحيف :
مكرونة بالبشاميل ولمن تهديها ابنى احمد



اكلة تشتهر بها مدينتك أو محافظتك :
لا تشتهر بأكل معين



كلــــــــــــــــــــمه اخيره



سعدت جدا جدا بصحبتكم الرائعة واتمنى أن يدوم التحاب فى الله
وسعدت بالاستاذة شيماء
والاستاذ حسن

ادامكم الله بكل خير

[صفيه سعداوى]

الغاليه/ عزه حسن
سعدنا جدا بمشاركتك الجميله
ونورتى قسم نون النسوه
الحكم بقى هيكون اجمل حكم على قلبك
اكيد هتعتبريه هديه مش حكم
تقدمى لنا طريقه عمل
اجمل اكله بيحبها الاستاذ مصطفى
الوصفه وبالصور
فى انتظار التنفيذ

[عزه حسن]

رولات باللحم و الزيتون

ما نحتاج اليه:
دقيق
لحم مع البصل
زيتون

مقادير افضل عجينة فطائر:

3 بيض

2 كاس حليب دافئ

1 كاس زيت

نصف كاس سكر

1 مكعب خميرة ((ما يعادل 60 غرام تقريبا..او 5 ملاعق ))

8 كاس طحين

القليل من الملح

نعجن كل هذه المواد و نتركها للتخمر

نأخذ قطعة كبيرة من العجين (لاحظوها مقارنة بالرولون)

نفتحها بالطول

و نفرش عليها من اللحم و الزيتون

تاركين الطرف الطولي لنغلقها باحكام

نلفها ..و نضعها في صينية الفرن

نغطي الوجه بصفار البيض و نرشه بالسمسم و حبة البركة

ندخل الصينية الفرن بحرارة متوسطة

و عندما نخرجها من الفرن..نقطع الرول بشكل مائل (مورب)

و طبعا الافضل ان تؤكل ساخنة

بالهنا والشفا

[عزه حسن]

استاذى صفية

طبعا عايزين عصير أو فاكهة أو حاجة حلوة

علشان تكتمل السفرة

ده العصير

دى الحلوى

وقطعه لأحلى منتدى

ودى الفاكهة

ياخبر ابيض تعبت جدا

دى وليمة فظيعة

وليمة الاحلام

ياريت الطبخ سهل كده

ههههههههه

لصق صور

[صفيه سعداوى]

ههههههههههههههههههه
تسلمى يا قمر
تعبناكى النهاره فى المشاركه والطبخ
بس مادمت المطبخ سهل كده
يلى بقى شاركى بالاصناف الحلوه دى فى قسم المطبخ
خدى الموضوع كوبى وبست مش محتاج منك اى مجهود
علشان نعزم المنتدى كله عليه
شكرا يا غاليه على الموضوع
نورتى نون النسوه

[صفيه سعداوى]

واحد بخيل كان كل ليلة يقول للاولاد مين ينام من غير عشاء وياخد جنيه ؟؟؟

كلهم يقولوا أنا..
الصبح يصحوا جعانين جدا يقولهم : مين يدفع جنيه ويفطر ؟؟؟
تراهن بخيلان على من يبقى تحت الماء أكثر من الآخر يدعوه للعشاء...

فلم يخرج أحد منهما حتى الآن.

الاستاذه / اميمه عرفات
يا اهلا بيكى

دخلتى القسم برجليكى نورتى قسم نون النسوه
انتى ضيفتنا فى على باب القسم

فى انتظارك
بس يارب البخيل ده منكونش نعرفه

[محمد حسن ضبعون]

الأخت الفاضلة / عزة حسن
أجدتى وأبدعتى
نشكرك على هذه الوليمة
أستأذن أروح أغسل بالماء والصابون

[أميمة محمد عرفات]

اســــــــــــــــــــمك:

أميمة محمد أحمد عرفات

الحالة الأجتماعية :

متزوجة ووهبنى الله إسلام وآلاء

هـــــــــــــــــــواياتك:

القراءة والمطبخ


هل تحب المطـــــــخ:

نعم فهو اساسى

اكله تحــــــــــــــــبها

البط

اكله تجـــــــــــــــــيدها

تقريباً كل الأكلات

صفه تحــــــــــــــبها

الأخلاق

صفه تكرهـــــــــــها

الخيانة

عطــــــــرك المفضل

الياسمين

افضل اســــم رجالي

محمد

افضل اســــم نسائي

آلاء

خبر اســــــــــــــعدك

نجاح آلاء

خبر احــــــــــــــــزنك

وفاة شقيقتى

اجمل مدينه تتمنى ان تعيش بها

بيلا

اجمل ما في الدنيـــــــا

الأخلاص

اجمل مافي الصــــــــديق

الأمانة

طمــــــــــــــــوحاتك

تفوق اسلام بالثانوية

مـــــــــــــــــــــــــيزاتك

الصراحة وبتزعل ناس كثير

عــــــــــــــــــيوبك

يريت حد يهديها لى

متى تغضــــــــب

لما اشوف الناس بتتكلم فى حق بعضهم

شي يثير اعجابك

تصرفات زوجى

افضل مو ضوع قرأته في المنتدى

والله بحبك

باقه ورد لمن تهديها

لزوجى

رساله حب لمن توجهها

إبنى

الأفطار المحبب لك :

حليب بالشاى

العشاء المفضل لك / لكى :

جبنة وزيتون

هل تفضـل المشى بعد الأكل :

نعم

أفضل أكلة من يقدمها لك / لكى :

الكبدة

ما رأيك فى الوجبات السريعة :

لا أحبذها

ما رأيك فى شرب الماء أثناء الأكل :

غلط وغير صحى

تأكل الحلويات أم الفواكهه بعد الأكل :

الفاكهة

مارأيك فى شرب المياه الغازية بعد الأكل :

بطلت اشربها

ما رأيك فى الشرب الشاى أو القهوة بعد الأكل :

بيحرق الدم ومضر بالصحة

أكلة تناسب الأطفال : ................ ولمن تهديها

كريم كرامل وأهديها لأولادى

اكلة تناسب الشباب : ................ ولمن تهديها

السمك وأديها لأولادى

اكلة تناسب كبار السن : ............. ولمن تهديها

الكوارع وأهديها لزوجى

اكلة تناسب الرجيم : ................. ولمن تهديها

الزبادى والجبنة الرومى وأهديها لأبنتى

اكلة تناسب النحيف : ................ ولمن تهديها

النشويات وأهديها لأبنى اسلام

اكلة تشتهر بها مدينتك أو محافظتك : ............. ولمن تهديها

الأرز والفسيخ وأهديها للشعب المصرى

كلــــــــــــــــــــمه اخيره

الحمد لله

....................................

[أميمة محمد عرفات]

أطالب بتعويض من الأخت / عزة حسن
اسلام أبنى شاف الأكل وصمم إنى أنفذ
وجارى التنفيذ الفعلى الأن
أكيد يبقى دا الحكم إلى هيتحكم عليا بيه
ولا أيه رئيكم
سأذهب إلى المطبخ
إدعولى