يافرحة ماتمت اخذها الوزير و طار

**ابورقية** · 03-06-2010, 03:38 PM

منذ ساعتين كنت فى الادارة التعليمية بالحسينية
نزل قرار بالغاء العقد المميز30\6\2010
والترخيص 30\5\2010 والحصة مع نهاية الدراسة
وسيتم تجديد العقد من خلال الوزارة
دون النظر الى الكادر او التربوي او اي حاجة تانية
يعنى عقد
الله يرحم سعد زغلول حين قال مفيش فايدة
واحنا لاحياة لمن تنادى
راضيين

**نوره فوزي** · 03-06-2010, 03:48 PM

**وسام غانم** · 03-06-2010, 04:20 PM

الحمد لله الذى لا يحمد على مكروه سواه

**عماد عبد الحميد** · 03-06-2010, 04:37 PM

ممكن توضح كلامك اكثر ياابو رقية

**ا/ خالد عبد الله** · 03-06-2010, 05:16 PM

لو سمحت وضح ماذا تقصد

**mero rose** · 03-06-2010, 08:05 PM

في محافظه الغربيه تم مد عقد المكافأه الشامله الى 30/6/2010

**رضاالوادي** · 03-06-2010, 08:25 PM

ارجووووووككككككككككككككك ماذذذذذا تعني

**sally2009** · 03-06-2010, 08:38 PM

تم تجديد التعاقد المميز سنه ثالثه لحين استكمال اجراءات التعيين فقط...

**موناليزا** · 03-06-2010, 08:42 PM

والله الواحد احتار لان احنا لسه مخلصين تدريب تاهيل المعلم المساعد وكانوا بيطمنونا بان قرار التثبيت موجود في المديريه والميزانيه كمان ولكن الاخبار ركباها عفريت كل شويه بحال لما الواحد خلاص كده كده لازم نصبر وياخبر بفلوس في 1\7 هيبقي ببلاش

**سنا مصر** · 03-06-2010, 08:58 PM

من هنا إلى 30/6/2010 يكون قرروا اكتر من 2000 قرار ، فنصبر ،
وما الصبر والفرج إلا من عند الله.

**ابورقية** · 03-06-2010, 11:39 PM

يعنى انسوا التثبيت
اناخريج تربية 2002 جيد
نحن ضعنا والحمدلله
من 2005 وهما بيقولوا تثبيت

**mr.hisham** · 04-06-2010, 12:43 AM

ربنا يرحمنا من الأخبار المحبطة

**احمد الوكيل** · 04-06-2010, 09:12 AM

خليك متفائل يا ابو رقيه

**مني احمد علي** · 04-06-2010, 11:12 AM

ارجو من السادة الاعضاء الي يجيب اي نشرة يصورها حتي بكاميرا الموبيل ويدرجها او يدرجها باي طريقة اخري وبعدين يكتب التعليق علشان محدش يعمل ترويج للاكاذيب ويحرق اعصاب الناس علي الفاضي

**mr.hisham** · 04-06-2010, 02:46 PM

المشاركة الأصلية كتبت بواسطة مني احمد علي

ارجو من السادة الاعضاء الي يجيب اي نشرة يصورها حتي بكاميرا الموبيل ويدرجها او يدرجها باي طريقة اخري وبعدين يكتب التعليق علشان محدش يعمل ترويج للاكاذيب ويحرق اعصاب الناس علي الفاضي

ياريت عشان نعرف مصدر الخبر و مدى صحته

**elsalafy** · 04-06-2010, 06:12 PM

ياعم ارحمنا انت كنت فى الادارة امتى ؟ ونسيت تقول انهم لاغو المدرسين والتدريس والمدرسة والادارة التعليمية والمديرية والوزارة ولغوا الوزير واخيرا لغوا التعليم خالص وشكرا عى اخبارك الجميلة

**ابورقية** · 04-06-2010, 06:40 PM

والله الغاء التعاقد وارد
والله انا لما سمعت الاخبار دى صدمت
ولكن نصبر للسنة السادسة
انا متعاقد والله واموت واتثبت
انا والله جاى لى اليوم الجمعة عقد فى مدرسة فى السعودية وخايف اروح وبعدين يكون فيه تثبيت يبقى انا كده ضيعت نفسي
والصبر طيب

**دعاي** · 04-06-2010, 07:52 PM

لا روح السعوديه احسنلك

**elsalafy** · 04-06-2010, 08:31 PM

المشاركة الأصلية كتبت بواسطة ابورقية

والله الغاء التعاقد وارد
والله انا لما سمعت الاخبار دى صدمت
ولكن نصبر للسنة السادسة
انا متعاقد والله واموت واتثبت
انا والله جاى لى اليوم الجمعة عقد فى مدرسة فى السعودية وخايف اروح وبعدين يكون فيه تثبيت يبقى انا كده ضيعت نفسي
والصبر طيب

السلام عليكم : يااستاذ/ ابو رقية: اولا: كتير زيك متعاقد من 6 سنين وفى ناس متعاقدة قبلك انا زيك دفعة 2002ومتعاقد من سنة التخرج والله العظيم وكنت باقبض 100ج وكان قدامى اكتر من فرصة للسفر وتقديرى جيد جدا بس هنعمل اية ان بعد العسر يسر
ثانيا: ياريت حضرتك توضح الكلام كويس وتقول كنت امتى فى الادارة وسمعت الكلام دة منين وحضرتك من محافظة اية وادارة اية واية حيثيات كلامك دة وبناء على اية ولما هما لاغو التعاقد المعلم المساعد احنا بنعمل اية فى المدارس لحد دلوقتى ولما هما لاغو الكادر بنوا الاكاديمية لية فى جميع محافظات الجمهورية اسئلة كتير وتفتكر انهم لو حتى لغو الكادر دة امر سهل يتاخد فية قرار بالسرعة دة ولما هموا لغو الرخصة الدولية امال المنشور اللى منور على موقع الاكاديمية بيعمل اية؟ ؟ ارجو التوضيح وشكرا

**lolohamed** · 04-06-2010, 09:12 PM

من المعروف انه بنهاية كل عام فى 30 / 6 ينتهى الترخيص الخاص بعمل المدرسين العاملين بالحصة وهذا شئ متارف علية و كذلك سوف ينتهى عقد العاملين التعاقد ( الفراشين) بعد انتهاء موضوع الخنازير