أفيدونى أفادكم الله ..

[dr_Eman]

السلام عليكم ورحمة الله وبركاته

انا عضوة جديدة فى المنتدى اسمى ايمان من اسماعيلية داخلة تانية ثانوى ان شاء الله
المنتدى جميل جدا وفادنى جدا فى ملخصات لمواد اولى ثانوى
انا بس كنت عاوزة نصيحتكم فى حاجة

انا ان شاء الله علمى علوم
اخترت اخد احياء فى تانية لانى انا محددة نفسى علمى علوم
فهل دة ليه عيوب ؟؟
وانا محتارة اوى فى مادة المستوى الرفيع انا بحب اوى الانجليزى بس الناس قالولى صعب جدا
فياريت تفيدونى برأيكم

وشكرا...

[جمال سراج]

شرفتينا ايمان
هقولك وجهة نظرى اللى ان شاء الله تكون صح
بصى
معظمنا فى مجتمعنا الوقتى بتاع منظرة من الآخر - ازاى
الناس بتقسم الكليات لكليات قمة وكليات مش قمة ومن وجهة نظرها ملهاش لازمة
ومن كليات القمة فى علمى علوم طب وصيدلة واسنان --- بس
ومن كليات القمة فى علمى رياضة هندسة وحاسبات وبترول ---- بس
باقى الكليات عند كتير من الناس لا ترتقى لمثل هذه الكليات
ولما كانت كليات علمى علوم بتاخد مجموع اعلى شوية من كليات علمى رياضة فان كثيرا من الناس بتدخل ولادها فى سنة تانية كيميا وتخلى الاحياء لسنة ثالثة
وتشوف اذا ابنهم جاب مجموع عالى من 98 الى 100 فى الماية تقولك نكمل وناخد احياء
قل وجاب 94 او 95 يقولك ناخد رياضة 2 عشان الهندسة بتاخد اقل --- نظام منظرة مش اكتر
وفيه طرف تالث يجيب اقل من كدا يقوم حول ادبى اللى بيسموهم علمى متادب لانهم لو حفظوا فى الغالب بيجيبوا مجموع عالى واهى كدا كدا لخبطت معاه ويقولك اخرى تجارة ولا حقوق ولا اداب
آدى الفكرة
الناس للاسف معدتش بتفكر فى نوع الدراسة اللى بيهواها ابنهم او بنتهم ويمكن عندهم حق الى حد ما لان المجتمع فارض ثقافة خطأ - هى ثقافة المنظرة وناس هاى وناس ......... وشهادة تشغل وشهادة تتركن ولا ليها لازمة
نيجى ليكى
لو انتى مصممة على رايك ادخلى احياء زى ما انتى واجتهدى وربنا مش هيخيب لك تعب باذن الله
بالنسبة للمستوى الرفيع الانجلش من وجهة نظرى صعب فعلا - لانه يتضمن حاجات فعلا مش بتدرس فى الدراسة الثانوية العادية - مش مجرد جرامر او قطع واسئلة ولكن يتضمن حاجات اعلى ربما بتدرس فى الجامعة
اذا كانت عندك المقدرة تدرسيها فى المدة البسيطة دى اوكى تبقى زى الفل - معندكيش اكيد هتكون اى مادة تانية اسهل شوية واهو العبرة بالمجموع العالى للاسف مش بما نهواه
دى وجهة نظرى وبالتوفيق ليكى يارب ولكل ابناءنا