حكم غيرها الزمان !!
من فتره شاغلنى اوى شوية مقولات معروفه
اتقالت عبر التاريخ يمكن من سنين طويله
ولحد النهارده الكل بيرددها
رغم انى شايفه انها يمكن كانت مناسبه فى الزمن اللى اتقالت فيه
لكن دلوقتى .......ما اعتقدش
وسالت نفسى لو اصحاب المقولات دى لسه عايشين لحد دلوقتى
يا ترى هيكون رايهم ايه فى اللى قالوه
يا ترى هايكون نفس الراى والا هايتغير تماما والا حتى هايضيف لمقولته حاجه تناسب زماننا
يعنى مثلا واحد زى المؤرخ الشهير هيرودوت
ومقولته الشهيره اللى كلنا عارفينها
"مصر هبة النيل "
تفتكروا لو جه وشاف النيل النهارده وشاف اللى مصر عاملاه فيه
اكيد هايكمل ويقول
"مصر هبة النيل ... ولكن مصر لم تصن الجميل "
وفيه مقوله او حكمه بصراحه بتستفزنى كل ما اسمعها فى الاذاعه المدرسيه
الحكمه هى " الحق كالزيت دائما فى الاعلى "
والله بتستفزنى لان فى زماننا ده الحق مش فى الاعلى ولا حاجه
واعتقد برضه صاحب الحكمه دى لو جه وعاصر اللى احنا فيه
ممكن يضيف ويقول " الحق كالزيت دائما فى الاعلى كعلو قمة افرست فلا يراه احد "
وبرضه فيه حكمه بتقول " ما ضاع حق ورائه مطالب "
اعتقد برضه قائلها ممكن يضيف ويقول "ما ضاع حق ورائه مطالب الا اذا كان حقه عند ذى منصب او سلطه "
اعذرونى ممكن يكون موضوعى غلس شويه
بس بجد من اللى انا شايفاه بيحصل
حاجه تحزن .. ربنا يرحمنا
لو عندك حكمه والا مقوله شايف انه غيرها الزمان
قولنا عليها
 |
رد مع اقتباس
شكراً لهذا
أعجبني هذا
المفضلات