نقل موجه عام التربية الرياضية بالإسكندرية إلي سوهاج سافر للبحرين بدون تصريح.. وتلاعب

[الدنيا2010]

بصراحه كل كلمه كتبتها حقيقه بس ياريت وزير التربيه والتعليم يحقق مره تانيه فى اللى حصل عشان يعطى الراجل ده حقه الراجل ده اتظلم ظلم بين والله ما يستاهل كل اللى حصله ده عشان هوه انسان طيب عمره ما خون حد عرفه يئذوه ازاى بس ربنا مش هيسيب ربنا اسمه الحق والخير اللى عمله محسن جورج مع الناس كله واللى لسه بيعمله بالرغم من كل اللى حصله اكيد ربنا هيكافؤه عليه وهيقف معاه وهيظهر الحق وكل اللى ضره ربنا هيخلص منهم حتى لو ضحكوا على الناس كلها ربنا اسمه الحق وياريت نقدر نعمل حاجه للراجل ده نرد له اعتباره ده انسان طيب عمره ما دور على مقابل مادى من أى عمل بالعكس ده كان بيصرف على التربيه الرياضيه من جيبه اللى بيقولوا انه تلاعب بمناقصات الزى المدرسى ده المدارس بتاخد اللبس والتلاميذ يلبسوه والسنه تعدى وهوه ممكن ما يكنش اخد تمن اللبس منهم والزى الرياضى عمر التوجيه العام ما كان بيجيب لبس ويوم ما بيجيب بتبقى ملاليم بيكمل عليها من جيبه الخاص عشان خاطر يفرح الطلبه والمخصوص والعروض الرياضيه بيصرف عليها فى اللبس من جيبه واسالوا الادارات وشوفو الفواتير بحق مش كلام جرايد صفراء وافتراء وخلاص محسن جورج عمره مادور على فلوس ده يصرف على وزارة التربيه والتعليم وطول الوقت بيراضى الناس كلها من جيبه حد يوصل صوتنا لوزير التربيه والتعليم وياريت للسيد رئيس الجمهوريه اللى اكيد ما يرضاش بالظلم ومحسن اتفقوا عليه مجموعه من المديريه معجونه بالشر كل هدفها انها تشيله من امامها عشان الناس بتحبه فى كل مكان سواء فى المديريه او فى الكنترول وهما خافوا لايكشفهم ويعرف الناس حقيقتهم دول عصابة حراميه وهوه دخل عش الدبابير برجليه وعشان هوه طيب امن لهم بس همه طعنوه فى ظهره شهروا بيه فى الجرايد بس الحمد لله انها جت على اد كده لأنهم ماكانوش هيسبوه وكانوا هيوقعوه فى الكنترول فى اى حاجه تدينه فى الامتحانات الخاصه بالثانويه العامه هوه كانكل اللى يهمهم انهم يبعدوه عن طريقهم عشان تخلالهم المديريه يعملوا فيها اللى عايزينه بس ياريت حد يدور ورا الناس دى منهم السيد مدير عام الشئون التنفيذيه اللى المديريه اتبلت بيه اللى ملفه كله جزاءات وعنه مخالفات ما يعلمش بيها غير ربنا والكل عارف وسامت وفى الأخر ياخد حق مش حقه يبقى مدير عام شئون تنفيذيه وهوه ما بيفهمش فيها حاجه وازاى يدخل الكنترول وهوه عنده جزاء هيه الدنيا دى ماشيه بالعكس اللى ماشى سليم هوه اللى يتأذى واللصوص والحراميه هيه اللىتطلع على أكتافهم بس محسن جورج هيفضل محسن جورج وهيفضلرافع راسه عمر ما فيه حاجه هتهزمه وربنا هينصرالحق وهينصره ولكل جواد كبوه بس بيقف تانى وهيرجع المديريه زى الملك ما يرجع مملكته وربنا معاه واللى يقدر يساعده ويوصل صوتنا للوزير نكون شاكريين