تحب تدخل الكادر

[أشرف السيد]

السلام عليكم

ازيكم عاملين ايه

موضوع جديد من مواضيع أشرف

وكالعادة انتم بتجاوبوا على الاسئلة

وموضوع اليوم عن الكادر

بس مش كادر التربية والتعليم ولا كادر الموظفين

لا الكادر

المرة دي كادر تاني كلنا بنحبه او ممكن اكون انا

تحب تدخل الكادر


كادر الكاميرا يعني تحب تظهر في الكادر

كادر التلفيزيون تحب تظهر في الكاميرا وتطلع في الكدر بتاع الكاميرا

اهلا بكم

بصوا يا جماعة اكيد ممكن نكون ماشين ونلاقي مثلا قناة بتصور اي حاجة بتحب تروح تقف علشان تجاوب على الاسئلة بتاع الحلقة ولا علشان تظهر في التلفزيون

يعني لو في مثلا مشكلة في بلدكم او منطقتكم والتلفزيون جاي يصور تحب تقف علشان تطلع في الكادر


طيب لو في فرح بتاع حد صاحبك وعلشان اهل الفرح يعرفوا انك وصلت تحب تظهر في الصور مع العريس والعروسة ولا مش عايز تطلع في الكادر

ممكن تكون في وسط جماعة وبتتكلموا في موضوع ما بتحب تتكلم وتظهر انت ابو العريف وتظهر في الكادر

يعني تحب الظهور في الكادر

تحب تكون انت في الصف الاول

تحب تكون انت كبير المنطقة

تحب تكون كبير الطلبة في المدرسة وتكون انت في الكادر

تحب لما تكون مشرف في يوم من الايام في المدرسة وانت المسئول عن نظام المدرسة تحب تعمل نظام علشان النظام ولا علشان يقولوا ده افضل واحد في المدرسة وبيوقف المدرسة صح وتطلع في الكادر

جيرانك في اي مشكلة بتحب تيجي في الاخر للعقدة وتحل المشاكل وتطلع في الكادر


اي هترد على الموضوع ولا مش عايز تطلع في الكادر

تحب لما موبيلك يرن في وسط اجتماع او قعدة او اي مكان ترد عليا بشكل ملفت بحيث تطلع في الكادر

ممكن تكون بتحب تظهر بس مش بشكل ملفت

خلص موضوع الكادر

[طارق ممدوح ذكي محمد]

طبعا حضرتك تعني حب الظهور

المرض العضال الذي يصيب الكثير

من اجل تعويض بعض ما يشعرون به من نقص

لكن بالنسبة لي الحمد لله ليس لدي حب للظهور ابدا

وابعد دائما عن اي تصوير او اقتراب من مسئولين او مشاهير

وحتى ابعد عن اي مكان بارز .. الا اذا شعرت بانه يمكنني ان اضيف من خلاله

[جمعه الدهشان]

موضوع حلو قوى قوى يا أشرف وجامد
لما أنت بتكتب حلو كدا كنت حرمنا من كتباتك ليه زمان
ولا كنت مخبى كل أوراقك

يا ريت كان شكلى وسيم كنت حبيت أطلع فى الكادر
بس فعلا" الناس نوعين نوع بيقول يا حطه درينى وعايش وخلاص
ودول الموظفين يخاف يكح ليتفصل وأنت عارف الباقى
ونوع نفس يبقى فى الكادر على الطول
ودول اللى مش موظفين لأنها مش فرقه معاهم ................ دا غالبا" يعنى

[س ا يوسف]

هناك الكثير ممن يحب الظهور بحق وبغير حق
وهناك الكثير يتجنب الظهور بحق وبغير حق
اختلاف البشر
وكل فريق له مبرراته
مش مهم بالنسبة لي ان كان الشخص محب للزهور ام لا المهم مؤثر ونافع ام لا
مؤثر ونافع ومحب للظهور احسن من غير نافع وغير محب للظهور
نافع وغير محب للظهور خيرهم
غير نافع ومحب للظهور اسوهم

[كريم ماضي]

ومن منا لايحب الظهرو في الكادر
ولاكن بطرق شرعيه
مش مرض والله ولا حب نفس