حاسبوا انفسكم ... قبل ان تحاسبوا

[دعاء شديد]

اسفة لانى هتكلم بالعامية بس الموضوع ده مينفعش بالفصحى

وطبعا الكلام ده مينطبقش على الكل فى كده وفى كمان كده

الا يستحق من اعطونا كل الوقت .... بعض الوقت!!!!!!!!!!
* زمان واحنا صغيرين كان ابونا وامنا بيدولنا كل وقتهم لرعاية كل امورنا

انما لما بنكبر مبنلاقيش وقت لرعاية امر واحد من امورهم ... بجد ليه؟

بس كمان فى ولاد بيسيبوا الدنيا والي فيها اذا حد من اهاليهم احتاجهم

* زمان مهما كانت طلباتنا ضروررية او دلع عيال مرئ كانوا يجيبولنا طلباتنا

مهما كان تمنها ومهما كان ممعهومش

انما الواحد يتجوز مراته تقوله "واحنا معانا علشان تدى امك" ههههههههههههه

او تقوله "خلى ابوك يطلع من الي مكنزه على قلبه" ....... يا ساتر يا رب

او الواحد يقول لمراته "هو انا اعد على بنك علشان تجيبلى لاهلك

بس كمان فى ولاد بيعملوا بمقوله "انت ومالك لابيك"
وكمان فى زوجات بتعتبر ان عرفان جوزها بالجميل لاهله هو الصح كله
وازواج كمان تعتبر ان رعايه زوجاتهم لاهاليهم فرض مش واجب

تعالوا بقى للكارثه الي محدش بياخد باله منها او مش حاسين بخطورتها
لما واحده تقول لجوزها او راجل يقول لمراته اوعى تدى حاجة لاخوك او اختك

او متقوليش اى حاجة عننا لاخواتك او يخاف من الحسد منهم

وفى نفس الوقت يقولوا لولادهم حبوا بعض ... طب وربنا ازاى بذمتكم مش حاجة تغيظ
وطبعا النتيجة اخ بيقتل اخوه وكمان صلات رحم متشرحة مش مقطوعة

طب الي هقوله دلوقت ده بقى مش علاقات مفروضه علينا ده باختيارنا

لما الولد او البنت يشوفه امهم وابوهم بيكدبوا على اصحابهم ...
الولاد دى تتعلم معنى الصداقة ازاى ... وطبعا النتيجة بنشوفها
زميلك الي معاك فى الشغل الي يبديك اسافين مهو نتيجة الي شافه من اهله

والي مش لاقيه اى تعليق عليه انما نتيجته ضياع جيل

لما الابن او البنت يلاقوا امهم بتخبى على ابوهم فلوس او تصرفات
وكمان تقولهم عن تصرفات ابوهم الغلط الي هو كمان مخبيها عنها

طبعا النتيجة جيل حياته مبهمه واهلى متعرفش حاجة
اى حاجة عن ولادهم

طبعا هو فاضيين غير انهم يخبوا على بعض

بس كمان فى امهات بتراعى ربنا فى جوزها وولادها وبيتها
وراجل معندوش اهم من ولاده ومراته وبيته

والنتيجة .... احنا بعقولنا وسلوكنا فى شغلنا ومع اصحابنا ومع اهالينا نفسهم
ومع ولادنا والاهم ... مع نفسنا ادام ربنا
احنا بجد بنحاسب نفسنا قبل منتحاسب




والنبى ده اسمه كلام !!!!!!!!!!!!!!!

[امل لاشين]

كل ده فعلا بيحصل وفيه اسوء كمان......

لما الراجل يكون قاعد وامه بتتهان من مراته وبتمشي من بيته وهو مش بيعمل اي حاجه

لانه خايف علي زعل المدام.....

ولما تكون احد الوالدين مريض وميلاقيش اولاده يراعوة ..بحجه انهم مش فاضين

وعندهم بيوت......ويدخلوهم مستشفي وكمان حتي الزيارة قليله......

نماذج كتيرة من جحود الابناء علي والديهم.........

وربنا سبحانه وتعالي وصانا بيهم ............لانه عالم بكل شيء

وزي ما قلتي يا دعاء........... لو حسبنا انفسنا وراعينا تصرفتنا امام اولادنا وزرعنا فيهم القيم

هيخرج جيل يعرف ربنا ويحترم والديه ومفيد في مجتمعه ........

موضوعك جميل جدااااااا......... بيقول واقع فعلا وياريت نحاسب انفسنا.........

[طارق ممدوح ذكي محمد]

موضوع جميل اخت دعاء ويستحق ان يعاد كتابته باللغة العربية

واذكر نفسي واذكرك بان القسم لا يكون الا بالله

خاص الشكر والتقدير .... وتقبلي مروري

[نعمه محمود]

فيه كده........................ وفيه كده

احنا اللي بنربي ومن يزرع الشوك لا يجن الورود

[leprince]

فيه كده........................ وفيه كده

احنا اللي بنربي ومن يزرع الشوك لا يجن الورود

كلامك صحيح اختى العزيزة

من يزرع الشوك لا يجنى الورد

[راحل مع الراحلين]

اولا جزاكم الله خيرا اختي في الله
فعلا موضوع رائع
و اكيد فعلا لو كان فيه غلط
يبقي مننا احنا
بس بلاش اهذه المقولة

والنبى ده اسمه كلام

[MohammeD el_SadaT]

للأسف كل كلمه فى الموضوع حقيقه
من نكران جميل لحقد وغيره وسفه إحنا فعلاً فيه ناس فى وسطنا ويارب منكونش منهم وصلو لدرجه من الجحود متتوصفش .

بس ده ليه
؟
أكيد التربيه
البعد عن الدين الإسلامى وتعاليمه
الحياه السوده اللى إحنا عايشنها اللى بقى الأخ بيقتل أخوه والأب يبيع عيال عشان القرش

بجد الحال وصل بينا لدرجه رهيبه

بس ده من رأيى راجع لسبب واحد .

البعد عن الدين
شيل الدين من الدنيا هتتحول فى ثوانى لغابه وإحنا شلنا الدين من كل حاجه

" اللهم إرحمنا فأنت بنا راحم "

[zizo2_2]

في كل مكان يوجد النقيضين وفي شتى المجالات
ولكن يجب ألا نعمم السيئة

[dream]

الدنيا فيها الخير وفيها الشر

وال حضرتك ذكرتيه فى موضوعك موجود ويوجد امثله كثيرة غيرها

ولكن الدنيا لسه بخير

والامثله الكويسه كثيره جدا ايضا

فياريت نبدا بانفسنا فى التربيه الصحيحة للابناء

وباذن الله تتبدل الاحوال

شكرا جزيلا على الموضوع

اختى دعاء

[شريف]

من الاخر
كلما ابتعدنا عن المنهج الرباني و الكتالوج الالهي و الاوامر الاسلامية
الحكيمة كلما ازددنا جحودا و بعدا عن الاخلاق القويمة والطريق الصحيح السوي
و كلما ابتعدنا عن سواء السبيل و كلما انتشر كل سلوك مذموم

موضوع يستحق وقفة رجالة لعمل حملة منتدياتية لنشر الوعي
فأنا أؤمن أن تجسيد المشكلة و التحدث فيها كثيرا لن يسمن ولن يغني من جوع

البحث عن الحل و بسرعة.....هو الطريق الصحيح

موضوعك رائع أختي العزيزة

[Mr Gomaa Ashour]

موضوع جميل
هذا بداية لتبادل الخبرات بين أعضاء المنتدى
فذكر فإن الذكرى تنفع المؤمنين
كما تدين تدان
بارك الله فيك
أول الغيث قطرة ورحلة الألف ميل تبدأ بخطوة

[شمس بياض]

موضوع رائع اختنا دعاء كما تعودنا منك

والمثل بيقول اللى ماله خير فى امه وابوه --ماله خير فى احد
دا المثل دا اكيد

واكيد لابد كما قال الاخ شريف
ان نرجع لله عز وجل والسنه النبويه فى محاسبه النفس
غفر الله لى ولكم وجميع المسلمين

[مسيو وليد عسكر]

موضوع يستحق ان نتداوله وبعمق لما له من ابعاد خطيره في حياتنا الاجتماعيه
اتمني من الله ين يهب كل زوجه العقل والحكمه وان تراعي ربها في والدي زوجها والعكس لان من ليس له خير في اهله يستحيل ان يكون له خير في شريك حياته

[جمال الدين عوض]

شكرا استاذة دعاء على الموضوع فعلا موضوع جميل وفية حاجة كمان صلة الرحم بين الأهل وليس الوالدين فقط

[أفنان أحمد]

جزاك الله خيرا أستاذة دعاء على الموضوع الهام وأؤيد كلام أستاذ شريف