القضاء يلزم الحكومة بوضع حد أدني للأجور 1200جنيه

**عماد عبد الحميد** · 02-04-2010, 10:08 AM

جريدة المصري اليوم
تاريخ العدد الجمعة ٢ ابريل ٢٠١٠ عدد ٢١١٩

القوى السياسية تنظم وقفة احتجاجية أمام مجلس الشعب غداً للمطالبة بتنفيذ حكم «تحسين الأجور»

كتب محسن سميكة ومحمود رمزى ٢/ ٤/ ٢٠١٠حمدين صباحى

ينظم عدد من نشطاء الأحزاب والقوى السياسية، وقفة احتجاجية أمام مجلس الشعب، غداً، للمطالبة بتحسين الأجور ورفع الحد الأدنى للراتب الشهرى، إلى ١٢٠٠ جنيه لكل العاملين فى القطاعين العام والخاص.
قال حمدين صباحى، عضو مجلس الشعب، رئيس حزب الكرامة «تحت التأسيس»: «إن التنسيق يتم حالياً مع المركز المصرى للحقوق الاقتصادية والاجتماعية، لدعوة جميع القوى السياسية ونواب المعارضة والمستقلين، فى مجلس الشعب، للمشاركة فى الوقفة، على خلفية إلزام القضاء الإدارى، الحكومة، ممثلة فى الجهاز الإدارى للدولة، بوضع حد أدنى للأجور ١٢٠٠ جنيه شهرياً للفرد، وأن الموازنة العامة للدولة تستوعب زيادة الأجور، وأن اعتصام عمال مراكز المعلومات لليوم الـ١١ على التوالى، سببه تدنى أجورهم، التى لا تزيد على ٢٠٠ جنيه.
قال عبدالرحمن خير، عضو المجلس الأعلى للأجور، إنه سيجرى تنسيقاً مع أعضاء مجلس الشعب، للضغط على المجلس حتى يتم تنفيذ حكم محكمة القضاء الإدارى، الذى أنصف العاملين. قال خالد على، مدير المركز المصرى للحقوق الاقتصادية والاجتماعية: «إن الوقفة الاحتجاجية المقرر لها غداً، ستكون واحدة من حلقات الوقفات الأخرى التى سينظمها المركز بالتنسيق مع القوى السياسية ونواب مجلس الشعب، لإجبار الحكومة على تنفيذ حكم المحكمة، ورفع المستوى المعيشى للعمال».

http://www.almasry-alyoum.com/articl...1&IssueID=1728

**عماد عبد الحميد** · 02-04-2010, 10:11 AM

هل تستطيع قوي المعارضة الضغط علي الحكومة بتنفيذ قرار المحكمة الإدارية ؟ أشك .

**ا/ خالد عبد الله** · 02-04-2010, 02:44 PM

ياريت يتحقق دا تقريبا حلم ........

**دينا احمد** · 02-04-2010, 02:57 PM

من امتى والمعارضة بتأثر على الحكومة اللى الحكومة عايزة تعمله بتعمله وعلى فكرة الحكومة رفضت وقالت انا مقدرش اضع حد ادنى انا عندى قطاعين عام وخاص ومش هفرض حاجة على الخاص

**عبده44** · 02-04-2010, 05:53 PM

لا نملك الا الدعاء الي الله ان ييتغمدنا برحمته ....في العام قبل الماضي تم اقرارالعلاوه الاجتماعيه30في المائه للعاملين في الدوله بدون حد ادني وبما اننا متعاقدين في الازهر فالاساسي بتاعنا حوالي150جنيه فلم يتم احتساب العلاوه علي هذا الاساسي بل حسب علي الاساسي المجرد 48جنيه حسبنا الله ونعم الوكيل ....يا تري العلاوه السنه دي كام لوحد يعرف يقولي ويارب التثبيت للجميع

**عماد عبد الحميد** · 02-04-2010, 06:13 PM

والله ياستاذ عبده بالنسبة للعلاوة الحكومة حددتها 7% زي كل سنة وده الحد الأدني وزي كل سنة برده هيجي الرئيس وهيرفعها لكن التنبؤات بتقول ان الرئيس هيرفعها 10% وعلي الأكثر 15% وده كلام قرأته في الجرائد .

**moha_4moha** · 02-04-2010, 06:29 PM

ياترى الكلام ده للأساسيين ولا للمتعاقدين
الحكومة مش هتغلب
وقانون مصر كله ثغرات
يدين الشعب ولا غير ذلك
يعني ممكن يقول الشغب بيحاول يقلب نظام الحكم لان المرتب من الانظمة الاساسية
وتحيا جمهورية مصر العربية

**سالم62** · 02-04-2010, 06:29 PM

والله ان تحقق ذلك..........يكون يوم خالد في تاريخ مصر .. لا لا لا يا جماعة نحن في مصر ما أكثر وأحلى الكلام وفي الآخر أقصى مايمكن وتكون مفاجأة ما بعدها ،أن علاوة السنة دي 20%أو 100 جنيه للجميع واهي بالمناسبة سنة انتخابات وكل سنة والحزب الوطني بخير ويجعله عامر ياحكومة وعقبال العلاوة القادمة في حياتكم ان شاء الله

**عماد عبد الحميد** · 02-04-2010, 06:48 PM

عندك حق كل شئ جاهز وعلي فكرة هما لو عملوا حاجة كويسة مش هتبقي عشان عيونا هتبقي علشان الانتخابات المهم انهم يعملوا اي حاجة بس ممكن الضغط يجيب نتيجة والدليل تلبية طلبات أي فئة بتعمل إضراب أو إعتصام المهم إن إحنا نصبر ( إن الله مع الصابرين )

**دعاي** · 02-04-2010, 10:49 PM

يااااااااااااااااااااااااااااااااااااااااااااااااا اااااااااااا رب

**سلامة الصعب** · 02-04-2010, 11:10 PM

يارب دة يحصل ويتنفذ بسرعة لكل العاملين باالدولة

**أحمد البرجينى** · 03-04-2010, 06:06 AM

بالمناسبة الاحصائية اللى كانت موجودة قبل كدا هنا عن إن فى أكثرمن كام ألأف مرتبهم فى الشهر مليون جنية هما دول برضة هيزيدوا العشرةفى المئةولا دول ليهم وضع آخر
ما لنا الا الله والدعاااااااااااااااااااااااء

**المهضوم** · 03-04-2010, 10:42 AM

عايزين نتكلم من غير عاطفة عايزين العقل يسود أولاً لو المرتبات وصلت 1200 جنيه ما أسهل ذلك و هو طباعة النقود بس فى مشكلة هتقابلنا وهى زيادة الأسعار 3 أضعاف بمعنى كيلوا اللحمة لو دلوقتى 80 جنيه بعد كدة هيبقى 200 جنيه يعنى هى هى لأن الأستهلاك هيزيد المشكلة مش فى زيادة المرتبات المشكلة فى الأنتاج و لو فرضنا المرتب زاد الناس اللى مش شغالة فى الحكومة هتعمل أيه و هتزيد أزاى أكيد هى كمان هتزود فى كل شيئ خليها ماشية زى ما هية لأن سياسة الحكومة تعيين أكبر عدد بأقل مرتب بمعنى الـ 1000 جنيه بدل ما يخدها واحد ياخدها 5 أو أكثرو بالنسية للى بيقول أن فى كام ألف واحد بياخد مليون جنيه ياريت نتكلم بعقلانية شوية لأن مفيس درجة وظيفية فى الحكومة توصل للرقم ده و لا حتى نصفه

**محمد عبد المنعم زهران** · 05-04-2010, 01:06 AM

أخى العزيز : عماد
أود أن ألفت النظر إلى أن القضاء ألزم الحكومة بضرورة وضح حد أدنى .. ولكنه لم يلزمها بوضع مبلغ محدد .. وما يثار حول كون المبلغ 1000 أو 1200 هو تقديرات خبراء ومحللين .
وعلى أثرها اعتصم 1000 من العاملين بالحكومة أمام مقر مجلس الوزراء ..
ولا أعتقد أن الحكومة يتغامر بوضع 1000 ج كحد أدنى للأجور .. لأن هذا يعنى خراب الميزانية ..
ولكن يمكن للحكومة إذا أرادت أن تفعل ..إجراءات لتنفيذ ذلك برفع جزئى للدعم .

**عماد عبد الحميد** · 05-04-2010, 01:10 PM

ولكن ياأستاذ محمد الخبر منقول من جريدة المصري اليوم بهذا الرقم والقضاء قال أن الميزانية تستوعب ذلك وأنا واثق فعلا أن الميزانية تستوعب ذلك وعلي فكرة ياأستاذ محمد 1000 أو1200جنيه مش كتير علي غلو الأسعار الحالي وهل الدول الثانية أغني منا العملية بس عايزة عدالة ومحاربة فساد ...... ولا أيه ؟ .