خبر سمعته النهارده من دكاترة في الاكاديميه27-3

[logaina]

بصوا ياجماعه والله هذا حصل
ليا صديقه معايا جالها تكليف بالالتاحاق لدورة للمعلم المساعد
في الاول افتكرتها معلم مساعد لكن طلعت (كفاءه تربويه )
ولمده 5 ايام
رحت معاها يوم علشان اسال بعد المدرسه وطلعت دورة للمعلم اللى خلص معلم مساعد وسالتهم هناك
قالولى لسه ماجاش عليكى الدور
سالتهم في التثبيت
قالولى اانه مافيش تثبيت (والله ده اللى سمعته منهم )
وده لان مافيش ميزانيه وقالوا كمان انهم بيناقشوا نظام الاجازات
يعنى علشان يكون فيه سنه بدون مرتب او رعايه طفل يعنى عاوزين يمسكوا العصايه من الوسط منها اننا نتعاقد باستمرار ولنا معظم حقوق المثبتين مع تجديد العقد كل خمس سنوات بامتحان معين

وقالوا كمان انهم مدو العقد سنه وده شرط لانهم عاوزين كل اللى مااخدوش icdl وتربوى ياخدوهم الاول وبعد كده اللى مااخدهاش حيتفصل عقده تلقائي
السنه دى حيكون فيها تقييم من الموجه والمدير وفيه نسبه تقريبا 20 % في ايد المدير و80 % في ايد الموجه
(والله مش متاكده من النسب دى لانى سمعت الخبر واكن انضلربت على دماغي بصراحه فما ركزتش اوى )
والله ياجماعه ده اللى حصل وانا حبيت انقللهولكم واناقشكم فيه

[emila]

يعنى نفهم من كلامك يا اخت logainaان مفيش تعيين ولا تثبيت وان الحكاية كلها عقد بمدة 5 سنين ويتجدد بامتحان تانى وانهم هيستنو لما الكل ياخد الicdl والتربوى عشان ياخرونا على قد ميقدرو ومنتكلمشى ولا نقول فين حقنا انا بقالى 6 سنين تعاقد ودخلت الامتحان ونجحت بس لسة هاخد الاicdl يعنى وعلى فكرة ليا فعلا صديقة هتروح من بكرة دورة التدريب دى واهى سبوبة حلوة للمدربين وكمان بينيمونا فى العسل عشان محدش يتكلم وشكرا

[vip_ame]

اولا الاكاديمية ليست مسئولة عن تثبيت هما كل مسئوليتهم انهم يقيموا المعلمين المساعدين ويقولوا مين اللى يصلح يكون معلم ومن ثم منحه رخصة معلم غير كده مالهمش اى دور

ثانيا الاكاديمية لا تدرب المعلمين نهائيا ولكنها تقوم بتدريب المدربين الذين يقومون بتدريب المعلمون

ثالثا مافيش اى تقييم تانى لينا خالص الا بعد 5 سنين ان شاء الله عند التقدم للترقى الى وظيفة معلم اول

بالنسبة بقى لقصة التثبيت علشان الواحد زهق من كتر الكلام عليها

انا رأيي الشخصى الصبر حتى 1/7 وان شاء الله هانتثبت ولو لا قدر الله مافيش جديد يبقى نتفق كلنا على حاجه نعملها سواء اعتصام او اضراب او ايا كان

[ابوملك]

صبرا جميلا والله المستعان على ماتصفون

[حاتم شوقى]

ياجماعة لغة الاعتصام لا تصلح . هناك جيوش جرارة من المؤقتين هيحلوا محل اى حد يعترض علشان كدة هما خلوا الوظيفة دى بنظام طوابير 1- مساعد ناجح كادر 2- مساعد ساقط كادر 3- مساعد لا تنطبق علية شروط الكادر 4- فى الاخير ياتى الغلبان المؤقت

[ا/ خالد عبد الله]

اولا الاكاديمية ليست مسئولة عن تثبيت هما كل مسئوليتهم انهم يقيموا المعلمين المساعدين ويقولوا مين اللى يصلح يكون معلم ومن ثم منحه رخصة معلم غير كده مالهمش اى دور

ثانيا الاكاديمية لا تدرب المعلمين نهائيا ولكنها تقوم بتدريب المدربين الذين يقومون بتدريب المعلمون

ثالثا مافيش اى تقييم تانى لينا خالص الا بعد 5 سنين ان شاء الله عند التقدم للترقى الى وظيفة معلم اول

بالنسبة بقى لقصة التثبيت علشان الواحد زهق من كتر الكلام عليها

انا رأيي الشخصى الصبر حتى 1/7 وان شاء الله هانتثبت ولو لا قدر الله مافيش جديد يبقى نتفق كلنا على حاجه نعملها سواء اعتصام او اضراب او ايا كان

ياجماعة كلام VIP فعلا Very Important كلام صح الصح وأنا أؤيد هذا الرئي لان
الصبر مفتاح الفرج
وفي الاتحاد القوة

[مصروى عنيد]

ليس امامنا سوى الصبر حتى شهر سبعة وادينا هنشوف

[أسماء عبد اللطيف]

ياجماعة لغة الاعتصام لا تصلح . هناك جيوش جرارة من المؤقتين هيحلوا محل اى حد يعترض

الكلام دة فعلا صحيح
والمسئولين عارفين كدة كويس
والكلام دة إتقالنا باللفظ في وكالة الوزارة لما طالبنا بحقوقنا إننا نكون معلم مساعد أصلا

وغير كدة كمان الإعتصام والإضراب دة بأة دلوقتي في نظر المسئولين موضة
ومحدش منهم بأة بيتأثر أوي دلوقتي
بأت خلااااااااص موضة قديمة
خدت وقتها واتعودوا عليها ومحدش بأة بيسأل في حد معتصم

[nourhan200005]

اولا ياجماعة اللى بيدربو فى الاكاديمية مايعرفوش حاجة لانهم بيستدعوهم للتدريب فقط ومنهم من يكون من اساتذة الجامعات
ثم انى انا اتصلت بالاكاديمية وسالت على التقييم قالوا مش لكم دى للى لسة هيقدم فى الاكاديمية
واحنا بنجدد العقد سالنا على التثبيت قالوا فى تثبيت فى شهر سبعة بس لسة شهادات الصلاحية ماجتش

[logaina]

يااااااااااااااااااااااااااريت يكون كلامك صحيح
ويكون فيه تثبيت
وفعلا لغه الاعتصام بقت غير مقبوله على الاطلاق
واعتقد ان الوزير مش حيقبلها لانك قبلت العقد من البدايه على شروطه ولو مش عاجبك فيه 100000000000000000000000 غيرك يتمناه
ده غير ان ليا صديقه من البحيره حكتلى اان فيه ناس مجرد ماطالبوا بالكادر
وهما مش مدرسين لكنهم في الاداره كانت النتيجه نقلهم لمكان بعيد
فمابالكم بينا احنا بقي!!!!؟؟؟

[حساسية]

اسكت ... وبطل اشاعات

[حساسية]

التعينين 1/7 من مصدر بالوزارة

[mena gerges 123456]

الاكاديمية جه ترخيص فقط الوزير طلع وقال ملتزمين بتعيينهم