محتاجه رأيكم يا زملائى الكرام

**bebo_aref** · 10-03-2010, 07:58 PM

انا معلم مساعد فصل ابتدائى مع العلم انى خريجه تربيه عام شعبه علم نفس بتقدير مرتفع وجائنى التعاقد مثل اى معلم بيحلم بالشغل لكن التعاقد كان معلم فصل مع احترامى لكل معلمين الفصل كنت حزينه ومكنتش عارفه اتعامل مع العربى والحساب لكن ما باليد حيله تأقلمت على الوضع وعملت بالمثل اللى بيقول حب ما تعمل ودخلت امتحان الاكاديميه وانا برضه حزينه وبعد ما نجحت فى الامتحان والحمد لله ربنا فتحها فى وشى وكنت مقدمه طلب ندبى لاداره التربيه الخاصه لانى أشتغلت قبل كده قبل العقد مع الصم والبكم والحمد لله اخيرررررررررررا تم الموافقه على طلبى حيث ندبت الى مدرسه ابتدائيه كمدرس فصل فيها

وها هى الكارثه قرار من السيد الوزير بتعديل العقد لماده التخصص على العلم لو رجعت لمادتى اللى بحبها هيتلغى ندبى وممكن يعاد توزيعى اصلا من جديد وده اكيد وهروح بلد بعيده لان العجز فى علم النفس مش كتير
بالاضافه الى يا عالم هنجح ولا لأ ويا ترى همتح فى الاربع مواد من تانى وكمان انا بحلم بالتعاقد فى الدول العربيه وفرصه معلم الفصل اكبر من معلم علم النفس

بس لو فضلت معلم فصل ابتدائى هيبقى ايه لزمه المجموع العلى جدا فى الثانويه العامه والتربيه العام وف الاخر هتساوى مع تربيه اساسى
غعلا مش عارفه اخد قرار يا ريت حد يتكلم معايا وينصحنى

**مصطفى محمد صابر** · 10-03-2010, 09:52 PM

أعملى استخارة لله سبحانه وتعالى

**vip_ame** · 10-03-2010, 10:22 PM

وجهة نظرى فى الموضوع ان انتى بتحبى تخصصك وكان نفسك تشتغليه

يبقى مش مشكله تعب سنه او اتنين كمان علشان تشتريحى باقى العمر

لانك لو فضلتى على مدرس فصل ممكن فرصة التعديل على تخصصك تبقى اصعب

فتعب شوية وتبقى فى تخصصك احسن من راحة دلوقت لكن تعب نفسى طول العمر وندم على عدم استغلال الفرصة

**منى88** · 10-03-2010, 10:33 PM

بص محدش ضامن اى مكان هو فيه طيب بعد انتدابك ميخلص وممكن يتلغى اى وقت او تتعدل
ارجع لتخصصك لان انت معاك عقد مميز وهتلاقى شغل ان شاء الله كويس مش زى اللى نفس التخصص ومش لاقى مكان ولا عقد وبعدين اعمل استخاره وسيبها على ربنا محدش عارف بكره راي فين ربنا اللى قدر ان العقود تتعدل وانت مكنش فايديك حاجه سواء كده فسيبها زى مربنا ييسرها
والنجاح فى الحياه العمليه ملوش علاقه بمجموع الثانويه ولا الكليه المهم انك تبقى ناجح ومحقق زاتك فاى مكان ممكن تلاقى واحد دبلوم انجح من واحد معاه دكتورته وكلها توافيق ربنا فى الاول والاخر
يارب اكون قدرت اساعدك

**طارق الشعواطى** · 10-03-2010, 10:46 PM

اولا صدقينيى حتلاقى نفسك فى تخصصك اكتر من اى مادة تانى

وبعدين مفيش مدرس بيستقر فى مكان

وممكن تلاقى مكان قريب جدا ان نشاء الله

بس مالهم بتوع تربية اساسى

انا تربية اساسى وشغال اعدادى وزميلاى لغات وترجمة وكليات علوم وتربية عام

وبيشتغلوا ابتدائى ومش عارفين يدوا حاجة

المواد بتاعت اساسى هى هى مواد عام

بس الاسم بيختلف

**مسيو مصطفى** · 11-03-2010, 12:28 AM

موضوع التعديل على اللغتين الانجليزية والفرنسية فقط

**bebo_aref** · 12-03-2010, 10:17 PM

الف الف الف شكر لكل اللى رد عليا والله انا مش بغلط فى بتوع الاساسى على راسى من فوق بس انا مش بعرف اتعامل مع الاطفال خاصه فى مواد العربى والحساب انا فعلا هعمل استخاره ويارب يكون الامتحان فى ماده التخصص بس مش يمتحنونا فى الاربع مواد من تانى

**زهراء** · 14-03-2010, 06:50 PM

صل صلاة استخارة وسبيها علي الله
واللي في الخير ربنا هيقدمه

**shatha** · 15-03-2010, 07:55 PM

السلام عليكم ورحمة اللة وبركاتة
من فضلك كملى فى علم النفس لانة تخصصك وحتبدعى فية ولو ينفع تحولى معلم ثانوى علم نفس طمنينا

**ا/عبدالفتاح شبانه** · 15-03-2010, 09:27 PM

والله الى انا اعرفه ان التعديل للانجليزى والفرنساوى اما اى تخصص آخر فلم اسمع بتعديله وربنا يوفقك ويكون التعديل للجميع

**shatha** · 16-03-2010, 04:56 PM

السلا م عليكم رجاء اخبارى عن كيفية التعديل لان هذا الموضوع يهمنى جدا لانى لما سألت فى مديرية التربية والتعليم بالغربية قالو لا نعلم عن هذه الموضوع رجاء افدتى بالنشرة او كيفية التعديل لان الموضوع هام لى جدا
وهل فعلا خاص بالانجليزى والفرنساوى فقط ولا كل التخصصات