أكلتك في مشاركتك

[نعمه محمود]

السلام عليكم ورحمة الله وبركاته

أحبابي بما انه قسم نون النسوة قلت لازم نتشارك شويه في امور المطبخ اللي تقريبا بنقضي فيه نص عمرنا

كل عضو ( أمرأةأو رجل) يدخل يقولنا أكلته المفضله وياسلام لو جاب صورتها
محتاجين نعرف الوصفه- المقادير- طريقة الاعداد وصاحب أحلى أكله ليه هديه المنتدى كله هيتعزم عنده يلا ورونى الشطارة

[نعمه محمود]

هبدأ بأكلتى المفضلة الكبسه

المكوناتبصل مقطع حلقات- زيت زيتون

فخد ضأن

بهارات الكبسة المطحونة (كمون مطحون – حبهان مطحون – فلفل أسود)

طماطم مقطعة قطع كبيرة

عصير طماطم

ملح
بهارات الكبسة الصحيحة (ورق لورا – قرنفل – حبهان – قرفة – ليمون جاف كامل عند

العطار أسمه ليمون عمانى أو اسود هتلاقوه في كارفور كمان أو حتى عند سعد العطار )

شوربه أو ماء

أرز بسمتي منقوع في الماء

للتزيين

لوز صحيح مُحمص

زبيب

بقدونس مفروم ناعم

الطريقـة
- يُسخن زيت الزيتون في إناء على نار متوسطة ويُضاف ¼ كمية البصل وتُحمر حتى يصبح

لونه بنياً، ثم ُيرفع ويحفظ جانباً.

- يُتبل اللحم بتوابل الكبسة المطحونة حتى تغطيها تماماً ثم تُحمر في نفس وعاء تحمير

البصل حتى يصبح لونها بنياً فاتحاً من جميع الجهات.

- يُضاف إلى اللحم باقي كمية البصل والطماطم القطع وعصير الطماطم وتُتبل بالملح و

الفلفل وتُقلب جيداً حتى تتداخل كل المكونات.

- تُضاف باقي توابل الكبسة الصحيحة ويُراعى فتح الحبهان والليمون من أعلى بسكين حتى تخرج كل نكهته.

- يُضاف للخليط المرق ويُترك حتى يبدأ في الغليان.

- يُصفى الأرز من الماء ثم يُضاف للخليط (يكون مقدار الأرز مساوي لمقدار السائل)

- يُترك الإناء حتى يبدأ في الغليان ثم تخفض الحرارة إلى هادئة يذاب معلقه من الكركم

الى معلقتين ماء ويرشوا في جوانب الاناء فيعطى مزيج من اللون الاصفر مع الاحمر و

يُغطى ويترك حتى تمام النضج.

- تُوضع في طبق التقديم وتُزين بالبصل المحمر واللوز والزبيب والبقدونس.

وبالهنا والشفا جربوها وقولو لى رأيكم

[دعاء شديد]

طبعا فكرة رائعة

وتسلم ايدك وشكلها فعلا جوعنى

انا هشاركم الراى فى الاكلات وده اقصى ما فى وسعى

طبعا طبعا الكبسة اكلتى فعلا المفضله بس بفضلها بالفراخ

"انا اخترت لون الكتابه اخصر علشان يناسب جو المطبخ والخضروات"

[أشرف السيد]

السلام عليكي

ام عمر كلنا عازمين نفسنا على كبسة عندكم

وهنشوف

[أفنان أحمد]

محشى الفلفل

لذيذ جدا









المقادير المطلوبة








6 حبات فلفل اخضر



حوالى نصف كيلو لحم مفروم طازج



نصف بصلة كبيرة مقطعة قطع صغيرة او مبشورة ان حبيتي فطر طازج وهو افضل في الطعم من المعلب بس ممكن تحطي معلب

لكن أنا مش باحط فطر خالص علشان ماعندناش
مش مشكلة
تابع المقادير
ملعقة ملح


نصف ملعقة ثوم بودرة


كوب ارز مشلوق


نصف سلق يعني قريب الاستواء


كوب او علبة طماطم صلصة (افضل انك تسلقين طماطم وتطحنينها مع قليل من الصلصة


يقطع الفلفل بهذا الشكل من فوق





طبعا تنزعي البذر وكل شي




نضع اللحم والبصل على النار مع التقليب




في اثناء ماللحم على النار جهزي المشروم بتقطيعه لشرائح ثم يضاف

على خليط اللحم ونبقيه لخمس دقائق







يوضع الارز على النار ليغلي كالعادة




لا تجعلى اللحم لين ينشف من الماء هينشف معاكي نحتاجه

طري





بالصورة تبين علبة الصلصل بس الصلصة المحضرة الطازجة احلى من

المعلبة نضيف للحم الملح والثوم البودر




ثم الارز (كوب واحد فقط بعد الطبخ يعني القياس يكون بعد مايطبخ مثل

ماعارفين الارز يضاعف حجمه من الطبخ )





نضع الفلفل في قدر به ماء ساخن ويترك ليغلي لمدة 5 دقائق ليلين لاتزيدى

عليه





الآن نضيف الصوص على اللحم (ممكن تخليه يطبخ ان حبيتي مع ان

الخطوة مش ضرورية )ونعبي حبات الفلفل بالخليط








ناخذ الفويل ونغطي الصينية وتدخل الفرن





يترك في الفرن لمدة 30 الى 45 دقيقة قبل اخراجه بقليل يرش الوجه

بالجبن




يقدم مع السلطة وباهنا والعافية




يقدم مع السلطة وبالعافية


شكرا أستاذة نعمة على الموضوع

مستنياكم

[شريف]

موضوع جه ع الطبطاب يا استاذة نعمة

لأني هموت م الجوع أساسا

اسمحولي كرجل المشاركة معكم بأكلة ناااااااااااااااااااااار

مش كل النساء طبعا بتعرف تعمل الأكلة دي

بس أنا هضطر اشرح لكم

يمكن ربنا يبعت طبق ولا حاجة

و الأكلة هيا ((( الممبار ))) اللي بعشقه

ياللا بقا ان شا الله ما حد حوش

مع انه مش أكتر أكلة بحبها و في حاجات جامدة لسه

بس هبدأ بيه

((( الله يجازيكو ))) قلبتوا علينا المواجع و دخلتونا المطبخ و جوعتونا

بعد الغسيل والكحت والنقع فى الملح والخل

الحشوه تختلف من شخص لاخريفضل لما تكون الممبار ضانى ان يدخل فى الحشو لحمه مفرووووومه وقليل من الطماطم المقطعه مكعبات
انما فى اللمبار البقرى
خليط من الطماطم المسبكه او صلصه
بصل مقطع
شبت+بقدونس+كسبره+فلفل اخضر
ارز مصرى غير منقوع
طماطم مقطعه مكعبات صغيره
زيت
شطه+ملح+فلفل+اى توافل تفضليها على خلطه المحشى

(((كيلو ونصف ممبار معها حوالى 3 كيلو ارز))

نخلط كل المكونات مع بعضها ونبتدى فى حشو الممبار بعد تقطيعه الى الطول المناااسب

طبعا ده جزء من الممبار

نضعه فى الماء المغلى مع اضافه الملح

نتركه حتى ينضج تقريبا ساعه الا ربع
نطلع الممبار من الحله ونحطه فى مصفى حتى ينشف تماماا من الماااااااااااء
مهمه الخطوه دى علشان التحمير

نحمر الممبار فى زيت ساخن من كل الجوااااااااانب حتى يكتسب اللون الذهبى
ونطلعه على ورق مطبخ حتى يمتص الزيت الزااائد
وده شكله النهائى
ا

وده من الدااااخل احمر وفى نفس الوقت طرى من الطماطم المقطعه والبصل

بالهنا و الشفا
أي خدمة

[امل لاشين]

جميل يانعمه الموضوع جداااااا........وجوعتيني اوي

بس كنتي غيري اسم الموضوع الي اتعلم كيف تطبخ

لاني فعلا بتعلم طريقه الاكلات الجميله .......

بس في مشكله كبيره عندي وهي التنفيذ ......ودايما دخول المطبخ يصحبه كوارث...

وبدبس في الاكل في الاخر .........هههههههههه

ولازم تحلي المشكله دي ياما تعلميني ..او تقوليلي منين اجيب جاهز ......ههههههههه

مفيش حل تالت ....!!!!!!!

[شمس بياض]

هبدأ بأكلتى المفضلة الكبسه

المكوناتبصل مقطع حلقات- زيت زيتون

فخد ضأن

بهارات الكبسة المطحونة (كمون مطحون – حبهان مطحون – فلفل أسود)

طماطم مقطعة قطع كبيرة

عصير طماطم

ملح
بهارات الكبسة الصحيحة (ورق لورا – قرنفل – حبهان – قرفة – ليمون جاف كامل عند

العطار أسمه ليمون عمانى أو اسود هتلاقوه في كارفور كمان أو حتى عند سعد العطار )

شوربه أو ماء

أرز بسمتي منقوع في الماء

للتزيين

لوز صحيح مُحمص

زبيب

بقدونس مفروم ناعم

الطريقـة
- يُسخن زيت الزيتون في إناء على نار متوسطة ويُضاف ¼ كمية البصل وتُحمر حتى يصبح

لونه بنياً، ثم ُيرفع ويحفظ جانباً.

- يُتبل اللحم بتوابل الكبسة المطحونة حتى تغطيها تماماً ثم تُحمر في نفس وعاء تحمير

البصل حتى يصبح لونها بنياً فاتحاً من جميع الجهات.

- يُضاف إلى اللحم باقي كمية البصل والطماطم القطع وعصير الطماطم وتُتبل بالملح و

الفلفل وتُقلب جيداً حتى تتداخل كل المكونات.

- تُضاف باقي توابل الكبسة الصحيحة ويُراعى فتح الحبهان والليمون من أعلى بسكين حتى تخرج كل نكهته.

- يُضاف للخليط المرق ويُترك حتى يبدأ في الغليان.

- يُصفى الأرز من الماء ثم يُضاف للخليط (يكون مقدار الأرز مساوي لمقدار السائل)

- يُترك الإناء حتى يبدأ في الغليان ثم تخفض الحرارة إلى هادئة يذاب معلقه من الكركم

الى معلقتين ماء ويرشوا في جوانب الاناء فيعطى مزيج من اللون الاصفر مع الاحمر و

يُغطى ويترك حتى تمام النضج.

- تُوضع في طبق التقديم وتُزين بالبصل المحمر واللوز والزبيب والبقدونس.

وبالهنا والشفا جربوها وقولو لى رأيكم

شكرا لك يا غاليتى

لقد ذكرتينى بالايام الجميله

والصحبه النقيه والاخوة فى الله التقيه الغير منسيه
تحياتى من اعماق فؤادى على موضوعك الرائع

هارد عليك اختاه بأكلة مفضلة

مصرية

[نعمه محمود]

طبعا فكرة رائعة

وتسلم ايدك وشكلها فعلا جوعنى

انا هشاركم الراى فى الاكلات وده اقصى ما فى وسعى

طبعا طبعا الكبسة اكلتى فعلا المفضله بس بفضلها بالفراخ

"انا اخترت لون الكتابه اخصر علشان يناسب جو المطبخ والخضروات"

رأى يعنى أخرك تقولى رأيك بلاش تقولى الكلام ده على الملأ عشان الحيتان ليها ودان

[شمس بياض]

الحواوشى البيتى
المقادير :
نصف كيلو لحمة مفرومة.
حوالى عشرة ارغفة عيشبلدى صغير.
حبة طماطم.
حبة فلفل اخضررومى او حراق .
اربع بصلات متوسطين الحجممبشورين.
ملعقة كبيرة سمن بلدى.
فلفل اسمر.
ملح.
بهارات.
ذرةقرفة.

الطريقة:

نحضر العيش ونفتحة من الجنب اى نشقة بالسكين من الجنب ونتركةجانبا
ونحضر اللحمة المفرومة فى طبق ونضع عليها البصل المبشور وحبة الطماطمالمقطعة قطعا صغيرة وحبة الفلفل الرومى مقطعة ايضا شرائح صغيرة وعليهم السمنةوالبهارات والملح والفلفل
ثم نعجنهم سويا حتى تلاحظى انهم اصبحومتماسكين
نحضر العيش ونضع اللحمة المفرومة بداخلة وتفرد وتساوى فى منتصفالرغيف
ثم نقفلة كما كان ونضغط علية براحة يدينا وندهن الوجة بزيت الزيتونبالفرشاة(او زبدة)
ثم يرص كالاتى
نحضر صاج فرن ويفرش بورق الالمونيوم او ورق الذبدةثم نضع الرغيف بحيث يكون وجهة لاسفل
وعلية الرغيف الثانى بحيث يكون وجهة لاعلىونرص هكذا الى اخرة
بعدما ننتهى من الرص
نغطى الوجة ايضا بورقالالومونيوم
ويدخل فرن متوسط الحرارة

ملاحظات
لا تكثرى من الملح لاناللحمة تخم فى تذوق الملح
اكثرى من البهارات
لاتنسى ذرة قرفة فان القرفة تزيلاى ظفارة باللحمة
اكشفى على الحواوشى من وقت الى اخر وان احتاج الى تقليب اقلبية

على فكرة انا باضع زبدة على الوجه وبرصه فى صينيه القالب يشيل اربعه
وقلبها واخرجهم من الفرن واضع غيرهم

بالهنا والشفا

[مسيو وليد عسكر]

طب ياريت حد يعرفنا طريقه عمل الكيكه بالبرتقال علشان كل ما بنعملها بتطلع محوجه مش عارف ازاي وياخوفي لتكون كلها موضوعات منقوله واخركم ياستات بيض مسلوق

[شمس بياض]

طب ياريت حد يعرفنا طريقه عمل الكيكه بالبرتقال علشان كل ما بنعملها بتطلع محوجه مش عارف ازاي وياخوفي لتكون كلها موضوعات منقوله واخركم ياستات بيض مسلوق

هههههههههههههههههههههههههههههههههههههههههههههههههه ههه

ليه كده يامسيو

طيب انتظر منى بقى اكلات جدتى

ما نى خايفه يقولوا على بيئة

يعنى لما اجى اقولهم اكلات ارياف

المهم كيك البرتقال دى من اسهل مايمكن

المقادير

الاول قول بسم الله الرحمن الرحيم

ثانيا نقول المقادير

خمس بيضات بلدى -او-- اربعه مزرعه -- اربع ورقات فانيليا

(كوب اللى هو الشوب) ملئ سكر -- ملعقه كبيرة بيكنج بودر
كوب الا ربع سمن

كوب عصير برتقال( ملاحظة -يجب ان توحد مكيال المقادير يعنى الكوب موحد

كوبان الى ثلاثه دقيق
او على حسب احتياج العجينه

واهم حاجه الفرن يعنى عندما نجهز الاشياء نكون مشعلين الفرن قبلها على نار متوسطه

ونجهز صينيه مقاس 28 -ونبطنها بالسمن ونرشها بالدقيق

الطريقه


نضع السمن الاول ونضع فوقه السكر ونضرب بالمضرب الكهربى

وممكن فى الخلاط --- حتى يصير كالكريمه البيضاء

ثم نضع البيض فوق المخلوط السابق ونضربه ايضا مع الفانيليا

ثم نضع فوقه الدقيقالمخلوط بالبيكنج باودر - ونقلبه تقليبا فى اتجاه واحد ونضع الدقيق مع العصير بالتبادل

حتى نحصل على عجينه لينه تغطى ظهر الملعقه وتصب صبا واذا احتاجت دقيق ممكن تضع (هبابه)بعنى شويه قليلين

ثم نضع العجينه فى الصينيه ونتركها ترتاح ثم

نضعها فى الرف الاوسط من الفرن

لمده نصف ساعه حتى تستوى وتاخذ اللون الذهبى ونخرجها نضع فى وسطها السكين لاختبار السوا اذا خرجت السكين نظيفه يبقى استوت ثم نقلبها على منخل سلك حتى تبرد ثم نضعها فى قالب التقديم مع تزويقها حسب الرغبة

وبالهنا والشفادى الطريقه اللى بعمل بيها فى البيت اما المنقول فاكيد الذوهو كالاتى

كيكة البرتقال بالفواكه و الكريمة الذ من الكيك الجاهز ... بالصور

المقادير

أولا مقادير الكيك:

3 اكواب دقيق
3 بيضات
3 ملاعق صغيرة بيكنج باودر
3 ملاعق صغيرة فانيلا
كوب سكر
كوب عصير برتقال
كوب زيت ذرة

ثانيا مقادير التزيين:

كريمة دريم ويب






مربى فراولة (حيث نضع قليلا من السائل الموجود مع الفواكه على المربة لكي يصبح سائلا نوعا ما )





فواكه معلبة ( حيث قمت بتقطيعها الى قطع صغيرة )









الطريقة :

اولا نضع البيض و السكر و الزيت و الفانيلا في حوض الخفق و يخفق الخليط قليلا
يخلط الدقيق بالبكينج باودر في وعاء ثم يضاف بالتتابع مرة دقيق مرة عصير بكميات قليلة على الخليط الى ان نخلط جميع المكونات و نقوم بتبطين صينية متوسطة بالسمن و الدقيق و نصب الخليط و نضعه بالفرن على درجة حرارة 120 تقريبا لمدة 35 دقيقة او اكثر قليلا
و عندما نخرج الكيكة من الفرن تكون بهذا الشكل









نقوم بشق الكيكة افقيا الى قسمين و وضع القسم العلوي جانبا وهاهي صورة القسم السفلي









ندهن القسم السفلي بالمربى









ثم نضع عليه الفواكه









ثم نعيد القسم العلوي و نضعه على الفواكه









و نبدأ بتزيين الكيكة بالكريمة









و نزين ايضا باستعمال القمع









وهذي صورة لقطعه ما رأيكم !!!









طبعا انا اضفت على الوجه المربى بشكل خفيف ايضا هناك الحبيبات الملونة الخاصة بالكيك

منقوووووووووووووووووووولة

[مسيو وليد عسكر]

ماشاء الله يا استاذه نور
واضح ان ست بيت بريمو
طبعا انا متاكد ان سيدات المنتدي طاهيات بدرجه ممتاز
بس انا كنت عاوز استفزكم علشان تطلعوا كل خبراتكم في الموضوع الجميل ده
ومنتظر مشاركات اكتر لاني هيكون ليا مشاركات فيه علي اد علمي برضه

[نعمه محمود]

المقادير-

لكل زوج من الحمام نحتاج الى
من 1\2 الى 3\4 كوب فريك أو رز (حسب حجم الحمام )
بصلة متوسطة مفرومة
ملعقة صغيرة سمن
ملح + 1\2 ملعقة صغيرة فلفل أسود أو حسب الرغبة
حوايج الحمام يعني الكبدة والأونصة



الطريقة
-----
يدعك الحمام جيدا بالدقيق والملح ويترك نصف ساعة ثم يغسل جيدا ويترك قليلا ليصفى من الماء
فى هذه الأثناء نحضر خلطة الحشو من الرز مع البصل المفروم المدعوك بالملح والفلفل + السمن + الكبدة والأونصة
أو الفريك وممكن أن يُحمر الفريك شوية قبل الحشو ثم بعد أن يبرد نضع عليه باقي المكونات ماعدا السمن لأنه قد تحمر بالسمن









يكتف الحمام





يدعك الحمام من الداخل بقليل من الملح والفلفل
نضع الحشو سواء كان الرز أو الفريك ونترك فراغ قليل بالحمام لأن الحشو سيتمدد




هذه الصوره فى حاله الحشو بالارز




تخيط فتحته من اسفل وكذلك من عند الرقبه











نسلق الحمام في الماء المغلي والمضاف اليه بصلة متوسطة صحيحه وحبهان (هيل)ثم بعد شويه نهدي النار ونضع فص مستكة ويترك حوالي ساعة وفي نصف وقت النضج نضع قليل من الملح معه
بعد النضج يرفع طبعا من الحلة ويترك ليجف وهذا ضروري جدا



ثم يحمر في السمن ويقلب على كل الجوانب




او نقدمه بالفريك حسب الرغبة


وبالهنا والشفا
اوعو تنسو تشيلو الخيط قبل التقديم وممكن نستخدم الخلة بدل الخيط

أتمنى من الله عز وجل أن تعجبكم الاكله

[مسيو وليد عسكر]

وحمام كمان
لا كده انا مش هقدر اسكت
انا عازم نفسي عندكم علي الغدااا
جهزو لي يله سيعين جوز حمام يدوب اسخن بيهم علي ماتخشوا بالرومي

[محمدمحمود]

ايه الحلاوة دى الاكل من اديك شهد دايما يام عمر تسلم اديك

[نعمه محمود]

وحمام كمان
لا كده انا مش هقدر اسكت
انا عازم نفسي عندكم علي الغدااا
جهزو لي يله سيعين جوز حمام يدوب اسخن بيهم علي ماتخشوا بالرومي

سبعين بس لا مش أكلتك يا مسيو اكيد حضرتك عيان ولاحاجة

[نعمه محمود]

ايه الحلاوة دى الاكل من اديك شهد دايما يام عمر تسلم اديك

ربنا يخليك يا أطيب واحن واحلى أخ في الوجوووووووووووووووووووووود

[مسيو وليد عسكر]

سبعين بس لا مش أكلتك يا مسيو اكيد حضرتك عيان ولاحاجة

انا بصراحه محرج اقولك خليهم 100 زوج حمام لتفتكري اني داخل عي طمع ولا حاجه
وحيث انك من بيت كرم مش هتكسف ..
مش هنختلف
نخليهم 100
بس معلش بلاش الحمام المسلوع اللي في الصوره دي لانه شكله جايلك من اثيوبيا
والانيميا شايفه شغلها جامد معاه...
انا عاوز حمام متزغط صح وموظوظ....
مش هوصيكي بقي علي الرز المعمر والديك الرومي بسلاطاته وبابا غنوجه
وربنا يجعل بيوت المحسنين عمار

[محمدمحمود]

والله كويس يامنى اقصدى يانعمة انا عارف انالمواهب عندك متعدده ولسه ياما هنشوف اجمل وانا عارف انك لسه مخرجتيش كل المواهب ربنا يحفظك ويكفيك شر العين يارب ااااااميييييين