إحباط و ظلم للمعلم المساعد

**سامح غريب** · 01-03-2010, 09:27 PM

أنا من شهر 11 تقدمت بأوراقى الخاصة بالنقابة بعد فتح الباب للمعلمين المساعدين بالانضمام للنقابة و دفع جميع المتعلقات الاشتراك و 540 جنيه متأخرات منذ بلوغى سن ال25 إلى الآن و يتم خصم مبلغ النقابة من راتبى منذ شهر 7 الماضى و فوجئت اليوم بأخبار فى المدرسة عن الغاء النقابة لنا نحن المعلمين المساعدين و اعادة دفاتر المرتبات لكى تكتب دون خصم مبلغ النقابة و انا الأن لا اعلم مصير مستقطعاتى من شهر 7 الى شهر 2 و رسوم اشتراكى 36جنيه + 540 جنيه هلى سأستعيدها ام ماذا و هل هذا الخبر صحيح أم ماذا ؟
أفيدونى أفادكم الله
أنا سامح غريب من طنطا مدرس متعافد بإدارة شرق

**سامح غريب** · 04-03-2010, 01:11 PM

ايه يا جماعة كل دى مشاهدات و محدش عارف يرد بأى حاجة ؟

**منى88** · 05-03-2010, 01:02 PM

لالا يا سامح احنا بنعمل الكارينيهات الايام دى لو اتلغت كانو قالولنا فى الادراة

**سامح غريب** · 05-03-2010, 01:25 PM

المشاركة الأصلية كتبت بواسطة منى88

لالا يا سامح احنا بنعمل الكارينيهات الايام دى لو اتلغت كانو قالولنا فى الادراة

طيب هو حضرتك فى محافظة ايه و ادارة ايه ؟
أنا اللى ماسكين المرتبات عندنا فى المدرسة بيعملوا مرتب شهر 3 و مخصموش منه اشتراك النقابة يا ريت حد يسأل و يقول فى الموض
وع ده

**سامح غريب** · 06-03-2010, 11:16 PM

ممكن اى حد معاه المنشور اللى راح المدارس اللى مكتوب فيه ان المعلمين المساعدين يتقدموا للنقابه يا ريت يا ريت

**وسام غانم** · 12-03-2010, 08:54 AM

يا استاذ سامح
مجلناش نشره ان المعلم المساعد يروح يقدم على الكارنيه
انا قدمت الورق و دفعت الفلوس و قدمت على الكارنيه
وده كان من فتره طويله جدا
ومن حوالى اسبوعين استلمت الكارنيه
و الحمد لله مكانشى فى مشكله
ربنا يوفقك

**اللؤلؤة المصونة** · 12-03-2010, 02:55 PM

يا أستاذ سامح
احنا عندنا حصل استقطاع من المرتب من شهر 7-2009 وحتى الآن وقدمت على كارنيه النقابة من شهر أكتوبر وجميع الكارنيهات تم تسليمها كلها تقريبا . ربنا يوفقك.
اللهم انك لك صفوة تدخلهم الجنة من غير حساب فاجعلنا منهم يارب العالمين . آمين

**منى88** · 13-03-2010, 10:37 PM

المشاركة الأصلية كتبت بواسطة سامح غريب

طيب هو حضرتك فى محافظة ايه و ادارة ايه ؟
أنا اللى ماسكين المرتبات عندنا فى المدرسة بيعملوا مرتب شهر 3 و مخصموش منه اشتراك النقابة يا ريت حد يسأل و يقول فى الموض
وع ده

انا اتخصم من مرتبى 139 جنييييييييييييه نقابه وده اللى خلانى اروح اعملها مع العلم انى لسه متعاقده 1\1\2010

انا هروح بكره الادارة وهقلك الاخباار

**سامح غريب** · 15-03-2010, 09:40 AM

انا من محافظة الغربية ادارة شرق طنطا و انا بعد خصم فلوس النقابة بقبض 349 جنيه و بعد موضوع عدم الخصم و الغاء النقابة ده هيرجعلنا حوالى 16 جنيه يعنى هنقبض 365 جنيه فمش عارف ايه النظام ربنا يسهل

**sherif2020** · 29-06-2010, 05:57 PM

انا من سوهاج اداره طهطا التعليميه وعندنا ممنوع المعلم المساعد يشترك فى النقابه وقدمت الاستمارات لللاداره 100 مره واشتكيت 20 مره وكل مره يرفضوا ختم الاستماره بتاعتى ويقولى ليه ان ملنا ش الحق فى الاشتراك فى النقابه فانا ارجو من كل من استخرج كارنيه من المعلمين المساعدين يقولى هو محافظه اه والاداره كمان عشان اشتكى اسوه بيكم واشترك فى النقابه