تم تجديد العقد سنة أخرى تلقائياً

**مسيو مصطفى** · 19-02-2010, 01:36 AM

اسف على نقل هذا الخبر المؤسف ولكن سيكون فى صالح بعض الزملاء الذين لم يحصلوا على الدبلومة التربوية
والرخصة الدولية لقيادة الحاسب الالى وعدم اجتياز امتحان الكادر
جاء منذ شهر او أكثر ورقة الى الادارات التعليمية تفيد بتجديد العقد سنة أخرى ودة فعلا موجود فى العقد اللى احنا مضيناه من سنتين قابلة للتجديد سنة اخرى وتم وضع هذة الورقة فى كل دوسية خاص بكل معلم .
المصدر : مدير عام التعليم الاعدادى والثانوى وهو قريب لى . ودة كلام اكيد بنسبة 100%
انا كتبت الخبر للامانة العلمية وانا عارف ان فية بعض المدرسين سوف يقومون بتعليقات غير لائقة ومش مشكلة

**همسات الجنوب** · 19-02-2010, 02:16 AM

وربما يكون هو دا الحقيقي فعلا
واللي هيحصل

**ahmed fouad** · 19-02-2010, 02:26 AM

جزاك الله خيرا
وتذكر دائما ان هناك اعداء النجاح الذين سقطوا فى مستنقعات الفشل
ويريدون جر الاخرين الى الوراء فلا تلتفت الى من يسفه عملك واعلم
انه لو استطاع ان يشغلك بالالتفات اليه فانك لا محاله تتعثر وتسقط
فانظر امامك تر ى طريقك ولا تتعثر

**Mark Nazmi** · 19-02-2010, 06:54 AM

ياجماعة ماتقلقوش خير ان شاء الله كل ما فى الموضوع ان الكلام ده ينطبق فقط على الناس اللى انتهى مدة عقدها (السنتين ) قبل ظهور النتيجة
مثلا فى اللى انتهى عقدها فى 1 - 2 -2010 ازاى المدير يسمح له بالتوقيع فى سجل الحضور والغياب الا بقرار رسمى بمد فترة التعاقد لحين صدور قرار التعيين

**marwa_td** · 19-02-2010, 07:32 AM

طب ده خبر كويس لان اغلب المتعاقدين اللى امتحنوا حتنتهى فترة عقدهم خلال الايام اللى جايةو انا عن نفسى كنت خايفة يدوخونا ويقولوا لنا روحوا ابعتوا للوزير......الخ
ونجرى من هنا ومن هناك وفى حاجة حقولكم عليها ابــــشـــــروا بالخير احنه فى سنة انتخابات وانا شفت بعينى العجب بيحصل فى السنة دىبالمناسبة انا من السويس وفى انتخابات الشورى اللى فاتت دخلها عندنا سامح فهمى وزير البترول وعلشان كده عين كل المتعاقدين فى شركات البترول ودول كان حلهم زينا بالضبط لذا وكما قلت ابــشـروااا.

**احمد الشلقامى** · 19-02-2010, 08:56 AM

كلامك فيه بعض الصح مسيو امير وفعلا هناك مد للى انتهى تعاقده اللى امتحن خلاص المد فقط لحد التثبيت

واللى امتحنش تمد له الفرصة حتى يمتحن, يحصل على الدبلومة ماشى وده قرار من 31/12/2009 من السيد الوزير
واى مخالفة سوف تحذف لا تقلق يا جماعة احنا مدرسين محترمين مصلحتنا واحدة اذا لم تكن الاخبار صحيحة ممكن تكون اجتهادات وطالما فى الخير مفيش مشاكل اعتبروا احنا بنتناقش كل واحد يقول رايه والاتنى يرد عليه بس بدون تعليق غير لائق او استهزاء طالما ان الطرف الاخر كلامه مهذب ولا يحمل استهتار بعقولنا برضه وارجع واقول كلكم مسؤل اى واحد يلاقى مخالفة ياخد الرابط ويرسلها الى اعضاء مجلس الادارة صفحة الدعم الفنى المشرفين وسيعالج الامر وربنا يوفقنا كلنا

**ابوملك** · 19-02-2010, 10:42 AM

كلا م اقرب للحقيقه بسب صمت المسئولين وتجاهلهم لنا وكان لم يحث هناك جديد من امتحان ونتيجه وما الى ذلك يارك الله فيك

**مسيو مصطفى** · 19-02-2010, 01:44 PM

أشكر أخوانى المتعاقدون واخص بالشكر استاذى اخى الاستاذ / أحمد الشلقامى على سعة صدرهم والردود اللائقة والمحترمة وعدم التجريح ولكن انا قلت للامانة العلمية ويارب يكون تثبيت والخبر دة يكون غير صحيح عشان احنا تعبنا من كلمة عقد وبالرصاص فلندعو الله جميعاً انا يرفع عنا البلاء ولتعود كرامة المعلم وهيبتة كما كانت لان الوضع الان اصبح مؤسف للغاية وفقنا الله جميعا ونتمنى لباقى الاخوة قبول شكواهم فى النتيجة والاجتياز فى الكادر أخوكم / مصطفى

**mmyr14** · 19-02-2010, 02:20 PM

كلامك خاطئ لأن القانون حدد مدة العقد سنتان وفى خلالهما من استوفى الشروط وحصل على التربوى وشهادة الصلاحية يتم تعيينه فى وظيفة معلم أما من لم يستوفى الشروط فيجدد له سنة أخرى لحين استيفاءه الشروط وهذه السنة تكون بقرار من وزير التربية والتعليم فإن لم يستوف بعدها الشروط لا يتم تعيينه ويفصل نهائيا من التربية والتعليم ويمكن اطلاعكم على قانون التعليم رقم 155 لسنة 2007 وسوف تجدون ما قلت ولا داعى لسماعكم أخبار كاذبة لأن القانون جديد والموجودون فى الإدارات لا يعرفون شئ وإذا أردت الرجوع ارجع للقانون واترك الأكاذيب والإشاعات

**معاذ سليمان** · 19-02-2010, 09:44 PM

الكلام صحيح فعلا
وصلت المدرسه عندنا نشره بتفيد بتجديد العقود لمده سنه اخرى ومعاها كمان اقرار للتثبيت لازم ان تقوم بمحو اميه خمس اشخاص ويكونوا اقل من 35 سنه ومحدش عارف اخرتها ايه