أيه رأيك فى مستوى التعليم المصرى بكل صراحه ؟؟؟؟؟؟؟؟؟؟

[مستر أشرف فوده]

بوابة التعليم المصرى
أفضل المنتديات التعليميه

أيه رأيك فى مستوى التعليم المصرى بكل صراحه
؟؟؟؟؟؟؟؟؟؟؟؟؟؟؟؟؟؟؟؟

يعنى أيه رأيك فى

المسئولين ( الإداره )

المدرسين ( هيئة التدريس )

الطلاب ( مستوى و سلوك )

يا ريت الكل يقول رأيه و يصوت
بكل صراحه
!!!!!!!!!!!!!!!!!!!!

مع أرق تحياتى
الفارس أشرف فوده

[مستر أشرف فوده]

هبدأ أنا
نظام التعليم المصرى فاشل بكل المقاييس
المسئولين فاشلييييييييييين
المدرسين مظلومييييييييييين
الـطـلاب ضايعييييييييييين

[س ا يوسف]

بالنسية لدول العالم المتخلف
يعتبر معقول

[محمد بن عباس]

المسئولين ( الإداره )
تحتاج لمزيد من الجهد والتدريب والإخلاص

المدرسين ( هيئة التدريس )
بأمانة يحتاجون الكثير من الجهد والتدريب لممارسة المهنة ومش أى حد يبقى معلم

الطلاب ( مستوى و سلوك )
أخلاقهم وعلمهم بيد المعلم بنسبة 85%

[زهره المدائن]

فعلا يا مستر مستوي التعليم عموما في مصر في حاله تدهور مستمره من سئ الي الاسوء احنا كمعلمين بنحاول مجاهدين في اصلاح الاوضاع لكن المعلم لوحده لايكفي لابد من اشتراك جميع الفئات في التطوير
هل يوجد من يوافقني الرأي

[ميس سوزان]

المسئولين ( الإداره )مكبرين دماغهم على الاخر بصراحة

المدرسين ( هيئة التدريس )
هما أول ما يتخرجوا بيكون معظمهم عندهم ضمير لكن بعد كام سنة للأسف الوضع بيتغير
ألا من رحم ربى


الطلاب ( مستوى و سلوك )
بصراحة فيه الكويس والوحش
وده حسب المدرسة نفسها والاهالى
انا شفت ناس كويسين جدا بسم الله ما شاء الله عليهم
أولياء الامور يهتموا بيهم من ناحية والمدرسة من ناحية تانية
لكن كل أسف فيه طلاب كتير أتظلموا اوى اوى
نتيجة ظروفهم الاجتماعية او المادية والمدرسة نفسها بتبقى حكومية وزى الزفت
على رأى الاستاذه دعاء لازم نظام التعليم يتغير
من الكم والحفظ الى الكيف والفهم
ويارب يفهموا !!

[ميس صافيا]

على فكره الاستطلاع ناقصه اختيار
سىء جدا
لانها الحقيقه للاسف
والنظام ككل فاشل
لان ما بنى على باطل فهو باطل

[مستر أشرف فوده]

شكراً لكل من قام بإبداء الرأى و الإستطلاع
و أتفق تماماً مع معظم الآراء
و خصوصاً ميس صافيا

[دعاء شديد]

المسئولين ( الإداره )

ميهمهاش غير لورق وبس
مدام الورق سليم ... يبقى كله تمام
مش مهم انه اتنفذ ولا لأ
المهم الورق كامل والامضا الكريمه عليه
وختم النسر منور
يبقى كله تمام

المدرسين ( هيئة التدريس )

وبالتالى طبعا وبديهى
بيهتموا يجهزوا الورق للادراه
ودفاتر التحضير نسخه من دفارت سنين فاتت
بلا تجديد او تغير او تطوير
المهم الدفتر فى التاريخ
والدباجه وتوزيعه المنهج
والشكل العام تمام

الطلاب ( مستوى و سلوك )

نيجى بقى هنا
الكشاكيل مكتوب فيها الدرس
ومتصحح ... حلو اوى
نظبط الدروس بره
او لو مدرس بيراعى ضميره
ادام مدرسين تانين مش بيراعوا ضميرهم
يطلع عينه علشان يظبط الفصل
الي متعود على الهيصه
والفوضى والاتكال على الدروس

******************
اعتقد ان رايي واضح جداااااااااااا
التعليم كله ورق
ولذلك اصبحت الشهادات
مجرد ورق
:bosyht9:
للاسف

[mr.osama]

بارك الله فيك أيها
الفارس / مستر أشرف فوده

وهذا رأيي:

المسئولين ( الإداره )

ككل شيء في الحياة هناك الايجابي الذي يعمل بجد واجتهاد وأخلاص واتقان وهناك السلبي (وللأسف يشكل الغالبية) الذي لا يخلص في عمله ويهمله ولا يراعي العدل .. وهكذا

المدرسين ( هيئة التدريس )

نفس الأمر فهناك المخلصين والذين يتفانون في عملهم ويتقنونه وهناك عديمي الضمير والمهملين والذين لا يصلحون لأن يكونوا قدوة ويعملوا بأسمى المهن

الطلاب ( مستوى و سلوك )

نفس الأمر فهناك الطلاب المؤدبون الملتزمون المجتهدون .. وهناك أيضاً عديمي التربية والأخلاق والعلم وكل شيء
ولكن المسئولية تقع على البيت والمدرسة بالتساوي

[أبوبكر أحمد العملة]

الاستاذ الفاضل / أشرف فودة

التصويت : ممتاز


وممكن يكون فوق الممتاز لو فيه شوية ضمير وتعاون فقط(المسئولين والمدرسين والطلاب)

الاتاحة : تم تحقيق نسبة كبيرة منها على مختلف المحافظات.

النظم : تم تحديثها بشكل عملى وتطبيقى وجارى التعميم .

الجودة : تحتاج الى الضمير والتعاون ويتحقق 80% من التطوير الصحيح.

اسمح لى بالاختلاف مع الزملاء لان

ما نعانيه مرتبط بالثقافة والتربية وليس بالتعليم والاستطلاع خاص بالتعليم فقط

مع خالص تقديرى لشخصكم الكريم
ابوبكر احمد العملة
عضو فريق مجتمع المعرفة بالمنتدى الكريم

[مستر أشرف فوده]

شكراً جزيلاً
كل رد فى المشاركه
أكثر من ممتاز

[ahmed fouad]

التعليم اصبح فى خطر
عفوا هذا زمن اللاتعليم واللاجهل

[مستر أشرف فوده]

شكراً لكل من قام بإبداء الرأى و الإستطلاع
أرجو تفاعل الأعضاء سواء مدرسين أو طلاب
بما أننا موقع تعليمى فالموضوع هام
بارك الله فيكم جميعاً

[مستر أشرف فوده]

[Madame/Basmalh]

[quote=مستر أشرف فوده;188668]

بوابة التعليم المصرى
أفضل المنتديات التعليميه

أيه رأيك فى مستوى التعليم المصرى بكل صراحه
؟؟؟؟؟؟؟؟؟؟؟؟؟؟؟؟؟؟؟؟

يعنى أيه رأيك فى

المسئولين ( الإداره )

المدرسين ( هيئة التدريس )

الطلاب ( مستوى و سلوك )

يا ريت الكل يقول رأيه و يصوت
بكل صراحه
!!!!!!!!!!!!!!!!!!!!

مع أرق تحياتى
الفارس أشرف فوده

بشكرك جدا على طرح موضوعات مهمه كالعاده وزى متعودنا من حضرتك طبعا التعليم من غير نقاش من حيث الاداره والتدريس والطلاب سىء اما المدرسين فلا تعليق
انا ليه سوال واحد فقط واتمنى الاجابه عليه
ليه مدارس اللغات واقصد اللغات مش التجريبى والانترناشونال ليه النظام ناجح عندهم جدا انا عارفه الاجابة بس مستنيه اشوف اجابة حضرتك والمشاركين

[مستر أشرف فوده]

[quote=Madame/Basmalh;202308]

بشكرك جدا على طرح موضوعات مهمه كالعاده وزى متعودنا من حضرتك طبعا التعليم من غير نقاش من حيث الاداره والتدريس والطلاب سىء اما المدرسين فلا تعليق
انا ليه سوال واحد فقط واتمنى الاجابه عليه
ليه مدارس اللغات واقصد اللغات مش التجريبى والانترناشونال ليه النظام ناجح عندهم جدا انا عارفه الاجابة بس مستنيه اشوف اجابة حضرتك والمشاركين

شكراً على الرد مدام/ بسمله
فى مدارس اللغات النظام ناجح لأن فى نظام
فى كل شئ و كل واحد عارف شغله
و لا مكان للكسالى و الفاشلين
كما أنه تعليم مدفوع الأجر و ليس مجانياً
و هذا هو السبب الرئيسى
و لأنه يضم خيرة و صفوة أبناء مصر

[يمامة الصعيد]

والله الموضوع جميل

انا لما هقول راى حد هيسمعنى ولو حد هيسمعنى حد هيغير حاجة طبعا لالالالالالالالا

المهم

انا والله ما اقدر اقول رايى الا فى الحاجة اللى انا فيها

لان محدش شايف نفسه واخد حقه

يعنى مثلا الاستاذ اشرف قال على المدرسين مظلومين

خلالاص هقول راى غى الطلاب

بالنسبة لية كطالبة فى الثانوية الازهرية

احنا مش ضيعين احنا فوق الضياع بمراحل كتتتتتتتتتتتتتييييييييييييييير قوى

والاسباب كتتتتتتتتتتتتتتتتتتتتتتتتتتتتتتتتتتييييييييييييييي ييييييييييييييييييييير

[مستر أشرف فوده]

والله الموضوع جميل

انا لما هقول راى حد هيسمعنى ولو حد هيسمعنى حد هيغير حاجة طبعا لالالالالالالالا

المهم

انا والله ما اقدر اقول رايى الا فى الحاجة اللى انا فيها

لان محدش شايف نفسه واخد حقه

يعنى مثلا الاستاذ اشرف قال على المدرسين مظلومين

خلالاص هقول راى غى الطلاب

بالنسبة لية كطالبة فى الثانوية الازهرية

احنا مش ضيعين احنا فوق الضياع بمراحل كتتتتتتتتتتتتتييييييييييييييير قوى

والاسباب كتتتتتتتتتتتتتتتتتتتتتتتتتتتتتتتتتتييييييييييييييي ييييييييييييييييييييير

شكراً على الرد ( يمامة الصعيد )
على فكره أفضل طلبه فى مصر هم طلبة الأزهر
ده من خلال شغلى معهم
منتهى الذكاء و الجمال و الأدب و الإحترام
بس المشكله إن الأزهر و طلبة الأزهر بيتحربوا
و عايزين يفقدوهم الثقه فى نفسم و يطلعوهم حفيظه و مش بيفهموا
بلاش التشائم ده أنت طالبه ممتازه بالرغم من كل الظروف
إعملى اللى عليك و ربنا هيكرمك

[يمامة الصعيد]

شكرا كتير قوى مش الازهر بس هو اللى بيتحارب دا دا فى حجات كتير بتتحارب واحنا ولا حسين اما انا لا طالبة ممتازة ولا حاجة انا عادى واقل كمان ودا ذوق من حضرتك