بجد ما عرفتش الاقى عنوان يشدنى كدا شد
يهزنى من جوا واخدين بالكوا
ما علينا
خلينا فى المضمون باه شويه لو سمحتوا
من يومين كده مش عارفه ليه افتكرت يوم ما جه جوز اختى من اكتر من عشرين سنه
عشان يطلبها للجواز



كنت انا لسه يدوب سبع تمن سنين كده
ومن الحاجات اللى افتكرتها حاجه غريبه لفتت انتباهى
وهى ان ابويا وامى ما كانوش موجودين لما العريس جه
اه والله
حد يقولى ليه
انا اقولكم ليه
انا مش فاكره الصراحه هم كانوا فين بالظبط
المهم هم كانوا فى مشوار يعنى بالموتسيكل
_ اصل احنا كان عندنا موتسيكل زمان _ يعنى كنا عين اعيان البلد _
المهم من الاخر
انا عاوزه اقولكم انهم ما كانوش يعرفوا اساسا ان العريس دا جاى
سيبك من ان ما كانش فيه تليفونات زمان عشان يتصلوا قبل ما ييجوا
لا مش دا القصد
القصد انهم او اننا ما كناش نعرف حاجه عن الموضوع من الاساس
كان زمان كده
يعنى لو واحد عاوز يخطب واحده و طبعا ما بيخترش الا اللى عارف انها هاتوافق عليه
كان ياخد ابوه وامه ويروح كده على طول من الباب ويقولهم عاوزين بنتكوا للمحروص ابننا


لكن تعالوا شوفوا دلوقتى ايه اللى بيحصل
اول ما الواد يشوف البت ويقرر يتجوزها
يا اما يخلى بينهم وسطه صحبتها مثلا
يا اما يكون واد جرىء ويروح يكلمها بنفسه
ويقولها عاوز اتجوزك
المهم وافقت باه ما وافقتش
بيتفقوا على كل حاجه لحد اجرة الماذون على مين

وبعد كده يقولها حدديلى باه معاد مع عمى عشان اجى اخطبك رسمى
يروح فعلا ويبقى ابوها وامها واخالها وعمتها والعيله كلها عارفه وقاعدين مستنيين العريس ومحضرين الجاتوه ولابسين رسمى رغم ان عمر العيلتين ما اتقابلوا ولا يعرفوا بعض من الاساس


من الاخر باه بجد المره دى
انت ايه رايك
ايه الاحسن
يروح العريس من الباب خبط لزق ؟
والا يروح وتبقى قعدة العيلتين مجرد تحصيل حاصل وانهم يقولوا امين
طب وتفتكر ان ارتفاع معدلات الطلاق لها علاقه بالموضوع ده ؟؟

مستنيه ارائكم
..........

نسيت اقولكم حاجه مهمه
يوم عريس اختى ده اللى هو جوزها دلوقتى
كانت اول مره اشوف فيها اختى بتتمنى ابويا وامى يرجعوا من مشوارهم بسرعه
ههههههههههه
كانت بت لئيمه