كلمة أخيرة بخصوص التثبيت

[مصطفى محمد صابر]

ا أساتذة أنا آسف لو كلامى عن التثبيت اتفهم على انه تشائم او اثارة للشائعات
انا كل قصدى والله يعلم كشف الحقائق وعدم وضع الرأس فى الرمال كالنعام ومتمسك بالساكت عن الحق شيطان اخرس
بس الايام اللى جاية هتثبت انه مفيش تثبيت فعلا
لانه
اولا ببساطة لو فى تثبيت كان الكل فى الصحف والفضائيات قالها صريحة سوف يتم تثبيت المعلمين المساعدين بعد نجاحهم فى امتحان 20/11/2009 صح الكلام وكانت قامت الدنيا طبل وزمر والكل عايز ينسب القرار بالتثبيت ليه
لكن للاسف ده محصلش ولا ايه
ثانيا احنا ليه ساكتين عن ابسط حقوقنا اننا نحس بالامان على انفسنا وعلى اسرتنا من بعدنا بالمعاش اهم ما فى التثبيت
تعالو شوفو لما يتاخر المرتب بس للمثبيتن ولا البدل النقدى ولا الوجبة ولا الخروج للملاحظة والتصحيح اكثر من مرة والانتخابات وغيرها واذا محصلش ده يتظاهرو ويرفعو قضايا ويولعو الدنيا علشان اتاخرت مستحقاتهم المالية
واحنا لما نطلب بس تثبيتنا نبقى نخرج من البلد ونشرب من البحر ونرمى نفسنا فيه ومثيرى شائعات
انتو عارفين انهم رافعين قضية علشان الوجبة والبدل النقدى لمجرد تاخره فقط
وعملو مظاهرات على الرغم من سقوطهم فى امتحان الكادر واستمرارهم فى وظايفهم اللى مابيدرسوش ومش هيدرسو وعاملين جداول وهمية على الورق بدون عمل فعلى فى الفصول
واحنا لو سقط حد فينا يلغى عقده بمنتهى البساطة وراحت علية الخمس سنوات ولا ليه مكافاة ولا معاش وكلام سم هيسمع انت لاتصلح ان تكون معلم ففسخ العقد
فهل طبق ذلك على المثبتين اللى سقطوا فى الكادر ابدا يمتحن لغاية ما ينجح ومستمر فى عمله غصبة عن اى حد
وشكراااااااااااااااااااااااااااا

[اسماعيل]

انا اري ان وزارة التربية والتعليم تريد ان تتزوجنا زواجا عرفيا غير شرعي فمن يرضي بهذا فليتحمل وادعو كل الشرفاء الي رفض هذا الوضع والسعي بكل السبل الي المساواة بكافة الموظفين في الدولة في كافة الوزارات فنحن ليس اقل من ضباط الشرطةاو الاطباء او التمريض فلا يوجد عندهم عقود او icdl او محو امية خمس افراد فلماذا كل هذا التعقيد لنا وهل بهذه الطريقة يأملون ان يخرج من تحت ايدينا مستقبل هذا البلد من اجيال قادمة .

[عمر العدوي]

سواد سواد سواد

[master Osama]

للأسف كلام خطأ ومبنى على أدلة خطأ لو تعرف قانون تعرف ان لا وزير التربية والتعليم ولا رئيس الوزراء ولا بتاع التنمية يقدر يمنع التعيين المنصوص عليه صراحة فى قانون الكادر 2007 واللى انت بتفسره خطأ ومفكر انه تعاقد تانى ولو انت لك أى حد قريبك محامى او مستشار اسأله
هم اخرهم يماطلوا فى موعد التثبيت انما اتى لا محالة رغم انف الجميع ولو تأخروا انا اول واحد هيرفع عليهم قضية وهكسبها لانى مستوفى الشروط المنصوص عليها فى القانون واولها مرور عام على الاقل والحصول على شهادة الصلاحية اللى هى النجاح فى الامتحان ومعنى انه لا ينفذ القانون يبقى تعسف تقدر تواجهه بالقضاء وصدقنى ساعتها قضية كسبانة لانهم غلطوا لما وضعوا نص صريح فى التعيين
انت على قد علمك فسرت كلام الصحفى بتاع اليوم السابع اللى بيكرر كلمة عقود التعيين أو الشائعات التى لا وزن لها لان هذا أو ذاك للاسف لم يقرأ أو يفهم القانون انما هييجى اليوم اللى هتتأكد انك وهم على خطأ

[مصطفى محمد صابر]

بقولها تانى
يارب اكون على خطأ يا مستر أسامة

[حاتم شوقى]

يا جماعة ما فيش قوانين تنفذ هنا فى مصر عندك مثلا فى وزارة البترول بتقول ان اللى يستمر 6سنوات بالعقد يتم تعيينه و رغم ذلك لا يحدث تعيين ولا دياولو

[حبيبه المصريه]

هم اخرهم يماطلوا فى موعد التثبيت انما اتى لا محالة رغم انف الجميع ولو تأخروا انا اول واحد هيرفع عليهم قضية وهكسبها لانى مستوفى الشروط المنصوص عليها فى القانون واولها مرور عام على الاقل والحصول على شهادة الصلاحية اللى هى النجاح فى الامتحان ومعنى انه لا ينفذ القانون يبقى تعسف تقدر تواجهه بالقضاء وصدقنى ساعتها قضية كسبانة لانهم غلطوا لما وضعوا نص صريح فى التعيين
انت على قد علمك فسرت كلام الصحفى بتاع اليوم السابع اللى بيكرر كلمة عقود التعيين أو الشائعات التى لا وزن لها لان هذا أو ذاك للاسف لم يقرأ أو يفهم القانون

أوافقك تماما مستر أسامه فيما قلته
هذا مايجب علينا فعله
بعد حصولنا على شهادة الصلاحيه
اللى بيماطلوا فى اعلان نتيجتها
فعلا من خلال نص قانون الكادر
وكتابتهم صراحة
كلمة تعيين دون تحديد ( تعيين بالعقد )
هذه ثغره قانونيه
سوف تأتى لنا بحقنا دون اى كلام
شكرا مستر اسامه لوجهة نظرك
وتفهمك مواد قانون الكادر