مصرى عمل بالسعودية مدرس اول لغة انجليزية

[اسماعيل]

هو طبعا كل شعب فية الكويس والوحش فية الملاك والشيطان فية الحمار والعبقري لاكن عمري ما رأيت شعب عنصري كله الا في بعض دول الخليج وعلى كافة المستويات يعني ممكن تلاقي عسكري المرور اعطاك مخالفة لمجرد انك راكب سيارة كويسة ولابس بنطلون وقميص يعني مش من ابناء جلدته وكذلك المصريين ممكن تلاقيه يذبح اخوانة المصريين مقابل التقرب للادارة واحلى شيء في الدنيا العدل يعني لما تلاقي راتبك 3000 واخر 18000 مع انك اقدم وافضل ومش كدا وبش وهتشيل 24 حصة وهو بالكتير 14 لو زادو قوي غير لو انك في مدرسة نائية انته راتبك مش هيتغير والاخر هياخد راتب ونصف يعني ممكن تقول 27000 في الشهر وانتي الـ3000 لا يحدث لهم اي تغير اكيد في كل الحالات دي هتشتغل وانت مرتاح والمشكلة ان الاخر يقول لك يا اخي انا مش عارف المصريين بياخدو 3000 ويصرف ويوفر كيفواخر الشهر يقولك سلفني 500 لاني خلصت الراتب وهناك بعض المصريين همة اللي بيكونو سبب في العنصرية لكافة المصريين يعني على سبيل المثال كان زميل لنا مش مصري وكان بيكره المصريين فجلست ادردش معاه واقو له ليش تكره المصريين قالي وانا طالب كان بيدرس لنا مصريين وكان فيهم مدرس كل ما يشوفني ينادي علي ويقولي تعاله يا ولا يا ابن الصرمة ويضحك وزملائه يضحكو وانا ايضا اضحك وافكر الصرمة دي حاجة كويسة وبعد ما تخرجت سألت واحد مصري قلت له الصرمة يعني اية قالي الجزمة القديمة ومن ذلك الوقت وانا اكرة كل المصريين وطبعا كل بلد فيها الكويس والوحش بس على مستوى البلد بشكل عام المميزات عندهم افضل بكثير عن بلدنا يعني تلاقي مفيش قانون طوارئ بيحترمو كبار السن والمرأه بشكل ممتاز اذا حدث لك اي مشكلة على الطريق تجد الشرطة تتعاون معك بشكل ممتازيعني تجد في كثير من الناس الشهامة والمرؤه مفيش حاجة اسمها بلطجة زي الموجودة في بلادنا اتمنا ان الايجابيات اللي عشتها في دول الخليج اجدها في مصر