حقيقي احساس جميل...

[امل لاشين]

انا مش بكتب موضوع او قكره خطرت علي بالي ...

ولكن بجد هكتب عن احساس جميل ....

بحسه لما اكون موجوده معاكم ..
احساس نساني المذاكره والكتب ...وبرده بيصبرني عليها

وعرفت قيمته بجد وافتقدته ...لما بعدت عنكم الفتره اللي فاتت

بس مش بمزاجي غصب عني ..

بسبب النت الحمدلله اشتغل ..بعد اكتر من 15 يوم ..كل يوم كانه سنه ....

معاكم الوقت بيمر بسعاده وبسرعه جداااا ....

ومعاكم الواحد بيقدر يستحمل الحياه ...

كنت بجد مفتقده بوابه التعليم واللي بضم اجمل ناس عرفتها ..

واللي بيجمعهم الحب في الله ....والعمل لوجه الله

بجد وحشتني نعمه وشمس واحلام ورانيا واميره وحسناء وصفاء وسوزان وافنان...

واستاذ اشرف واستاذ اسامه ومستر ياسرواستاذ ممدوح واسلام واحمد وعمرو وعز ..

وكل اللي مقلتش اسمه وكل عضو في بوابه التعليم ..بجد كلكم وحشتنوني

وحشتني دعاء... اللي عماله تجيب الناس علي كرسي الاعتراف .

استاذ محمد عباس ...والاخبار...

وليد ومواضيعه المنتوعه اللي دايما في اتجاه واو الجماعه ..

وشريف... ومواضيعه الاجتماعيه والانسانيه جدااااا

وسيه .....ويومياته في الغربه ..

واستاذ طارق ..ومحاولاته انه يفهم عقل نون النسوه وازاي بيفكروا ( وصدقني مش هتعرف لان نون النسوه مش فهماه اساسا )

وكريم والفراق والحزن ... وواحه الادب والشعر..

بجد مفيش تغيرفي طبيعتكم ...وان كان التغير اللي هيكون موجود هو ان العلاقه اللي

بتجمع بينا دايما بتزيد محبه وارتباط مع الايام ...

انا مهما قلت من كلام .بجد مش هقدر اعبر عن جمال هذا الاحساس ..

وبجد بشكر كل اللي سال عليه .....وكمان بشكر كل اللي كان عاوز يسال عليه ومعرفشي

لاني متاكده ان اللي اتجمعوا علي الحب في الله ..اكيد مش هينسوا حد منهم ..

ويارب.... دايما بينا الحب في الله ...