حياتك ... من حياتك

[دعاء شديد]

حياتك من حياتك

استنى بس الاول هو ...
ايه الموضوع

اقولكوا
طبعا حياتنا فيها جوانب كتير جدا بشكل رهيب
لكن دايما نبصلها على انها مجرد احداث او محن
او حتى افراد بنقابلهم

الغريب كمان اننا باستمرار بنتعامل مع رؤيتنا لحياتنا
على انها ممكن تكون اسئله واجابات فقط
مثلا انت سعيد؟ او حقتت اهدافك؟ او ايه عيوبك؟

لكن عمرنا مفكرنا نحولها لاشياء من الواقع
وبالتالى رؤيتنا لحياتنا هتختلف وهنكتشف جوانب
كتير ربما نظرتنا التقليديه منعتنا نشوفها

وبعد تفكير قلت لنفسى حاجة
هو انا لو بصيت لحياتى على انها

جريده
"لقيتها مليانه اخبار كانت تايهه فى وسط نظرتى الضيقه لحياتى"

مسرحيه
"اكتشفت انى لما قسمتها فصول ووصلت لدورى فى حياتى ورؤيتى فى اخراجها
وكمان الابطال الي ساعدونى ... اكتشفت حاجات تانيه خالص"

فيلم
"لقيت انى مطلوب منى اركز على اهم احداث حياتى بشرط انها تكون
مترابطه علشان الفيلم يكون له بدايه ونهايه ... هنا بقى فعلا اختلفت نظرتى لحياتى"

بمعنى
حضرتك هتتعامل مع حياتك من رؤى مختلفه
وصدقنى كل مره هتكتشف حاجات فظيعه

وقلت ابدأ بأخف حاجة ... جر شكل يعنى
اذا الفكره نجحت هنكمل
لحد لما نكتشف كل حاجة فى حياتنا
واكيد حوارنا مع بعض ونقل خبراتنا هيفرق كتير

معلش المقدمه طويله شويه
بس حبيت اعرض الصورة كامله

هنتظر الاراء
علشان نبدأ عمل اجزاء
الاول "الجريده"
الثانى "مسرحيه"
الثالث "فيلم"
علشان نشوف هندأ ولا احذف الموضوع
ولا من شاف ولا من درى