مبروك عليكي عريسك الخفه ........... أنا بحذركم وقد أزعر من أزعر

**محمد عبد العظيم وسية** · 29-03-2009, 12:55 AM

السلام عليكم ورحمة الله وبركاته .......... جمييييييييييعا

يا جماعة ...

اسمحولي ..

بلاش موضوع مبروك علينا لأن معناها صعب أوي

حتى مبروك عليكي عريسك الخفه .. طول عمرنا بنسمعها ومش فاهمين معناها الأصلي ..
المهم

معنى مبروك علينا الأستاذ جمال ( مثلا مثلا )

يعنى معناها ان الأستاذ جمال طلع فوق كتافنا وبارك علينا وكاتم على نفسنا وهيطلع روحنا ( دا مثلا مثلا )

ـــــــــــــ
فمن فضلكم ........ يا إما نتكلم لغة عربية صحيحة بسيطة .. يا إما نتكلم عامية خفيفه

وإليكم أصل الموضوع :

( مبروك ) اسم مفعول : من الفعل الثلاثي ( برك )
فالجمل مبروك على الأرض

( مبارك ) اسم مفعول : من الفعل الرباعي ( بارك )
مبارك على ..............
المهم مبارك على أي حاجه تيجي على بالك لما تحب تبارك لحد .. بس مش اي حاجه تيجي على بالك .. خلي بالك ... خلي بالك

المهم

بلاش كلمة مبروك عليكي عريسك الخفة
لأن أعتقد دلوقتي إننا بدأنا نفهم معنى جديد للجملة دي وتخيل جديد لما بنسمعها .

**dream** · 29-03-2009, 12:58 AM

هههههههههههههههههههه

ما بلا ش مبارك يا استاذ وسيه

حد يفهمنى بنتكلم فى السياسه

علم وسينفذ

شكرا للتنبيه

**محمد عبد العظيم وسية** · 29-03-2009, 01:05 AM

المشاركة الأصلية كتبت بواسطة dream

هههههههههههههههههههه

ما بلا ش مبارك يا استاذ وسيه

حد يفهمنى بنتكلم فى السياسه

علم وسينفذ

شكرا للتنبيه

إحنا ما بنتكلمش في السياسة
فليس لنا أي أهداف سياسية ولا اقتصادية ولا ........

لكن اللي لازم تعرفيه كويس

إن

مبارك علينا دايما
مبارك علينا دايما
مبارك علينا دايما
مبارك علينا دايما
مبارك علينا منتدى بوابة التعليم المصري
ورزقنا على الله

**نداء الجنة** · 29-03-2009, 12:59 AM

جزاك الله خيرا
قد سبق لى معرفتها من حضرتك
فى موضوع سابق ومن يومها استبدلت كلمة مبروك بمبارك
فى كلامى وكتاباتى
ربنا يعزك ويكرمك لحرصك على جمال ودقه اللغة العربيه
فى امان الله

**محمد عبد العظيم وسية** · 29-03-2009, 01:07 AM

المشاركة الأصلية كتبت بواسطة نداء الجنة

جزاك الله خيرا
قد سبق لى معرفتها من حضرتك
فى موضوع سابق ومن يومها استبدلت كلمة مبروك بمبارك
فى كلامى وكتاباتى
ربنا يعزك ويكرمك لحرصك على جمال ودقه اللغة العربيه
فى امان الله

وجزاك أنت خير الجزاء يا أختنا الغالية
ومبارك الإشراف والتكليف والمسئولية
أعانكم وأعاننا الله جميعا عليها .

**Mr Gomaa Ashour** · 29-03-2009, 01:00 AM

مبارك علينا جميعاً موضوعاتك الجميلة لتكون لغتنا الجميلة هى اللغة الأولى عالميا

**شمس بياض** · 29-03-2009, 01:08 AM

انت فظيع يا اخى

حرام عليك
يعنى مبارك لحد دلوك

على كتاف جميع المصريين

شكرا ومبارك على كتافك حمل اللغه العربيه

**مسيو وليد عسكر** · 29-03-2009, 01:12 AM

لا يا شيخ؟
هي الالوان يتغير النفوس كده ولا ايه؟
واضح ان مزاجك عالي غلشان كده بتعرفنا انك بقيت مدير للغة العرببة
وبتعرفنا ده بموضوع ناري وعنوان من عناوينك القويه
اعزك الله اخي الحبيب وشكر ا جزيلا يا سيبويه المنتدي

**امل لاشين** · 29-03-2009, 01:13 AM

مباااااااااااااارك....... استاذ محمد

ميرسي جداااااااا علي المعلومه .....اول مرة اعرفها

مباااااااارك وبالتوفيق دائما ....

**جمال الدين عوض** · 29-03-2009, 05:11 AM

حبيبي محمد انا حابب مبروك عن مبارك علشان اتني كاتم على نفسك ومبارك علينا جميعا رجوع محمد لمستواة

**شريف** · 29-03-2009, 07:37 AM

طب عندا بقا
مش هقول غير مبرووووووووووووك

انا مش عارف ايه سر حبك في الكلمة دي؟؟؟؟؟؟
انت حزب وطني؟؟؟؟؟؟؟؟

و خلي بالك
الشعب المصري دوما سيبقي فوق الجميع
و تحيا مصر يا عم الحاج

**السيد سليم** · 29-03-2009, 07:58 AM

يا موضعاتك الجميلة يا استاذ محمد
ومبارك علينا كلنا هذه الروح الجميلة التي بدأت تنتعش من جديد
روح المحبه في الله
ومبارك علينا جميعا

**zizo2_2** · 29-03-2009, 10:15 AM

هههههههههههه

ماشي كلامك يا استاذنا

**nanes** · 29-03-2009, 03:14 PM

هههههههههههههههههههههههه

شكرا على التنبيه استاذي الفاضل ........

**السيد سليم** · 29-03-2009, 04:57 PM

بارك الله فيك على هذا المجهود الرائع

**شريف** · 30-08-2009, 06:51 PM

من موضوعات استاذ اللغة الجميلة الجميلة

**المهندس هشام كمال الدين** · 30-08-2009, 08:41 PM

تقول مبارك تقول مبروك
أنت علي القلب بارك
ومبروك مفعول به
وبارك فعل أمر
والأمر لله وحده
دمت لنا
أوبرا

**محمد عبد العظيم وسية** · 01-09-2009, 02:56 PM

المشاركة الأصلية كتبت بواسطة شريف

من موضوعات استاذ اللغة الجميلة الجميلة

اه والله ــ معلشي يا شريف باشا

ما خدتش بالي خالص من التاريخ ...

أنت الجندي المجهول اللي طلع الموضوع من مكتبة الموقع القديمة ..

شكرا يا حبيبي

وبارك الله فيك

ومبارك عليك ــ وما تفهمش صح ــــــــــ قصديييييي ........ ما تفهمش غلط .

**Blanche Neige** · 01-09-2009, 06:19 PM

والله مليــــون مبارك علينا
انك رجعت تستعيد نشاطك تانى
بعد فترة السكون المؤقته من اول رمضان
ولو ان كلمة مبارك دى تقيله اوى على قلبى بجد
بس هانعمل ايه؟؟؟ ما باليد حيله
للضروره احكام

**ابلة هدى** · 30-08-2009, 11:11 PM

بارك الله فيك استاذ محمد
وزى ما قالت استاذة رانيا سبق وعرفتهالنا
ومن يومها بنسمع الكلام وبنقول مبارك

لكن بينى وبينك فى حكاية العريس الخفة دى بالذات مبروك انسب
لانه خفة يعنى وزن وبالتالى مادام اوزان وكده يبقى مبروك انسب
كمان هو هيفضل بارك على قلبها وكاتم نفسها وحريتها اكيد عشان كده بيغيظوها ويقولولها عريسك الخفة يبقى نخليها مبارك لكل حاجة الا العريس الخفة هنخليها مبرووووووووووك