العصفورة قالتلى !!!!!!!!!!

[دعاء شديد]

العصفوة قالتلى !!!!!!!!!!

جمله زمااااااااااان كنا دايما نسمعها لما نعمل شقاوات
ونخبيها بس حد لطيف يروح يفتن علينا
كانت جمله بنتعلم منها كتيييييييييير
جملة بريئة جدااااااا

انما النهارده
الجمله بقى لها معنى تانى اوتقدر تقول
معانى كتييييييييييييير
منها
العصافير الي معانا فى الشغل
الي مهمتهم نقل اى خبر للرؤساء

وممكن معنى تانى
انك تعرف خبر غير معلن وتقوله
باعتبارك خميس ابو العافيه

احنا موضوعنا انهارده بيعتمد على انك تعرف
اى خبر قبل اى حد
وتدخل تقولنا
العصفوة قالتلى !!!!!!!!!!
اى خبر تكون عرفته
عن اى حاجة - عن اى شيء
يعنى اتكلم براحتك

ولو ليك اى تعليق على عصافير الشغل ماشى
لو قابلت نوع تانى كم العصافير قول ولا يهمك

بس

[امل لاشين]

ولو ليك اى تعليق على عصافير الشغل ماشى
لو قابلت نوع تانى كم العصافير قول ولا يهمك

العصافير دايما كتيره ومتوفره حوالينا يا دعاء..

وياريت بس عصافير بتنقل خبر ويكون كما هو لالالالالالالا...

في نوع من العصافير دايما بتحب بتهدي النفوس...

والخبر عندها في الطريق اليكي ... بيعدي علي قسم المونتاج..

الخاص بتهديه النفوس ..

ووقت ما يوصل الخبر مش عاوزة اقولك بيكون اكتر من القنبله النوويه ....

ورده الفعل للعصفور المميز ده ...دايما البراءه وانه قصده خير وبيهدي

النفوس ..بريء جداااااااااا..

ومنكرشي ان فيه نوع تاني مميز بس للخير بجد ..

ياخدك لمكان تاني خالص ..ويعرف يوصل اي خبر حتي لو كان وحش

بطريقه تقدري تفهمي اكثر من ان تنفعلي ..

وفي النهايه يادودو ..دايما العصافير هي اللي بتيجي الينا ..

ولانسعي اليها ...

موضوع طبعا طاير بعصافيره ...جميل اكيد ..

[نعمه محمود]

العصفورة قالت لى ان اجازة العيد ال 10 أيام للطلبة بس؟؟؟؟!!!!!!!!

[شمس بياض]

موضوع رائع بس احنا معنديناش عصافير
غربان تنفع اصل الصعايدة مايعترفوش بالحاجات الرقيقه دى
حرام عليك يا استاذه نعمة غراب مين اللى قالك على الخبر دهوت

دا انا قولت هارحرح فى ايام العشرة الاجازة واروح زيارات كتير ان شاء الله

[صوت الامة]

العصفورة قالتلى النهاردة ان العيد يوم الجمعة
حلوة دى
هههههههههههههههههه
موضوع راااااااائع جداااااااا
استاذة دعاء يبارك الله فيكى
ومواضيع حضرتيك كلها جميلة
جزاكم الله خيرا

[7asnaa kareem]

العصفوره قالتلى


ان انا هيتشطب عليا بكره

لانى مش هروح الشغل


موضوعك رائع كالعاده

[المجاهد فى سبيل الله]

ولو ليك اى تعليق على عصافير الشغل ماشى
لو قابلت نوع تانى كم العصافير قول ولا يهمك

فى انواع كتير اوى
يعنى مثلا المرشد بتاع امن الدولة بنسميه عصفورة
و امين الشرطة بنسميه حمامه
و الظابط نسر
مسميات عجيبه كدا
انما انا العصفورة مخصمانى الايام دى ومش بتقولى اى اخبار جديده

[دعاء شديد]

العصفوة قالتلى
ان
اجازة العيد بدأت من انهارده وهتنتهى 5/12

[أشرف السيد]

العصفورة قالت لي ان العصفورة ماتت

[دعاء شديد]

العصفورة قالت لي ان العصفورة ماتت

ده حتى بيقولوا الملافظ سعد يا عبد العال

[امل لاشين]

انا العصفوره قالتلي .... ان الامتحانات العملي هتبدا من ...12\12

يعني العيد رااااااااااااااح .....
بس علي مين ولا بيهمني

[MALK5]

العصفورة قالتلى ان الكلام اللي حصل ده كله كلام فاضى

وما تتعبيش دماغك بيه خالص

[نعمه محمود]

العصفورة قالت لى ....... عصفور وزن على خراب عشه

[IMG]http://saud73.***********/photos/1548782_l.jpg[/IMG]

[dream]

العصفورة قالت لى

ان مش بس خروف العيد

ال هيدبح على العيد
!!!!!!!!!!!!!!

[دعاء شديد]

العصفورة قالت لى

ان مش بس خروف العيد

ال هيدبح على العيد
!!!!!!!!!!!!!!

العصفورة قالت لى
ان dream شاركت فى الموضوع
مصدقتش العصفورة
بس طلع صح

كل عيد وانت بخير وسعاده وراحة بال

[dream]

العصفورة قالت لى
ان dream شاركت فى الموضوع
مصدقتش العصفورة
بس طلع صح

كل عيد وانت بخير وسعاده وراحة بال

ربنا يخليكى

ويكرمك

عيد سعيد عليكى

ونفرح بالدكتوراة معاكى باذن الله

[Blanche Neige]

انا بقى العصفوره قالتلى
اصلها صاحبتى وبتحبى شويه كده زياده
ان دعاء هاترجع تانى المنتدى
ومش هاتقدر تبعد عننا
عشان هى عارفه اد ايه احنا بنحبها
وانها اد ايه بتوحشنا اما بتغيب
وان شاء الله سحابة شتا رخمه وتعدى على خير باذن الله
أو حتى تمطر مافيش مشاكل المهم
كل شئ يرجع لأصله باذن الله

[نعمه محمود]

العصفورة قالت لى ان نعمه قالت لدعاء لو مش رجعتى المنتدى مش هعرفك تانى وحطتها في خانة اليك