اخيرا نعمه هتقر وتعترف

[نعمه محمود]

ياعني يادعاء نعمه اقنعتك ..انك تكوني معانا تاني ..

تخليها علي كرسي علي الاعتراف في يوم عيد ميلادها ...

بجد شريره حقيقي .....

ازيك يانعمه ..منوره كرسي الاعتراف الجميل ...

ومعلشي دعاء ...هنعمل ايه ...مش هتتغير

وعلشان عيد ميلادك هحاول تكون الاسئله بسيطه ..

ولو حتي صعبه انتي دايما قدها ....نبدا

اولا ....

كل سنه وانتي طيبه وعقبال مليون سنه ..

والسنه القادمه تكون اجمل وتحققي فيها كل اللي تتمنيه ..

ليكي ولاسرتك الكريمه ..

وانتى طيبة يا ارق أمل في الدنيا

ثانيا ...

1- بمناسبه عيد الميلاد ...احكلنا علي موقف طريف حصل فيه واستحاله يتنسي ؟؟؟
وانا في الليسانس يوم عيد ميلادى كانت العادة اننا خمسة اصحاب بنحتفل مع بعض باعياد ميلادنا ,اتفاجأت يوم عيد ميلادى ان القسم كله اشترك مع بعض وعملولى حفلة جميلة جدا وعزموا الاساتذة كلهم والأجمل من كده ان كلهم جابولى هدايا
بجد كانت مفاجأة اكثر من رائعة مش ممكن انساها ابدا

2- في يوم عيد ميلادك ..ماذا تتمني ؟؟

أتمنى ان ربنا يبارك لى في عمر أمى ويحفظ لى زوجى وأبنائي من كل سوء

3-وايه اللي الهديه اللي تنتظريها ؟؟ ومن مين ؟؟؟

بصراحة انا دايما ببقي شغوفة لمعرفة هدية ماما وهدية زوجى لانهم بيبقوا مفاجأة

4- امتي تغضبي في عيد ميلادك ...؟؟
لو حد نسي عيد ميلادى خاصة من الناس اللي عمرى ما أنسي عيد ميلادهم

5- ايه اكتر شيء فرحك في السنه الماضيه ؟؟وايه اكثر شيء زعلك ؟؟
اكتر حاجة فرحتنى هى زواج اخى مصطفي اصله اخر العنقود
اكتر حاجة زعلتنى هى رفضي لوظيفة مرموقة لظروف عائلية

كفايه كده ..بقي ..نكمل بعد ماتطفي الشمع ..وتاكلي التورته ...

كل سنه وانتي طيبه ...

وانتى طيبة وجميلة