بشرة خير كله ناجح ان شاء الله

**احمد الشلقامى** · 20-11-2009, 10:43 PM

من الان ابشر زملائى المعلمين المساعدين بالنجاح وذلك عن طريق زميل اخبرنى على لسان احد المصححين بالقاهرة انه قال نسبة نجاح الاساسيين كانت 15% يعنى اللى من 15% ولفوق ناجح وانه بيطمنا نحن المتعاقدين لاننا حنعدى النسبة دى بكتير ده حتى قاله ممكن اظلل اجابتين قاله مش محتاجة جاوب بس على اختيار واحد من كل سؤال والكلام ده مؤكد واللى ينجح يبقى ليا عنده حلاوة والا انتوا بخلا

**E-TEACHER** · 20-11-2009, 10:49 PM

اخبرنى على لسان احد المصححين

السلام عليكم ورحمة الله وبركاته
بس الكمبيوتر هو اللى هيصحح مش ناس من الاكاديمية او ناس من الوزارة
انا سمعت بردو ان المهم نكون جاوبنا على كل الاسئلة ومنتركش اى سؤال بدون تظليل
الله المستعان

**E-TEACHER** · 20-11-2009, 10:51 PM

انشاء الله

لو سمحت تعمل تعديل لعنوان الموضوع
لاتجوز كلمة انشاء الله ولكن الصحيح إن شاء الله

**عمر العدوي** · 20-11-2009, 11:14 PM

يارب ننجح كلنا بس جبتو الثقة دى منين دا الامتحااان يقررررررررررررررررررف والله

**احمد الشلقامى** · 20-11-2009, 11:20 PM

انا كان قصدى وقصد زميلى بالمصحح اللى شغال على الة السكانر ثانية ان شاء الله صح وانا غلطت من سرعة الكتابة ولا املك التغيير لانه من ادارة المنتدى وبعدين ده اخنبار فى مهرات اللغة العربية ولا ايه؟

**أحمد البرجينى** · 20-11-2009, 11:21 PM

يا سيدى أهوكله كلاااااااااااااااااااااااااام وربنا يستر ويا ريت وشكرا على الخبر دوه

**سفير الحياه** · 21-11-2009, 10:34 AM

بس يرضى مين لجان تبقى فيها غش والكل بيحل مع بعضه وبيتبادل الخبرات ولجان تانيه انيل من لجان الثانويه العامه
مش ده يعتبر ظلم برده
لكن كل اللى نقدر نقوله زى ما ربنا ابتدى معانا لازم حيكمل على خير
ارمى حملك على ربنا فهو قادر ان ينجحنا امين

**saber samy** · 21-11-2009, 02:53 PM

انا كنت فى لجنة أعوذ بالله كلها غش من اول دقيقة الى اخر دقيقة وكلهم وافقين بتفرجوا لو كان الموضوع كدة المفروض ما كنش دخلنا الكادر اصلا هو دة امتحان ولا ايه بالضبط
المهم الحمد لله انها عدت بسلام

**الأمير محمد السيد حمودة** · 21-11-2009, 03:13 PM

سيادة الوزير فى حاجات غلط كتير فى التربية والتعليم فيتم التعاقد مع مدرسين بالواسطة او المحسوبية ومعظمهم من ابناء العاملين باالادارات التعليمية وليس عن طريق مسابقات معلنة لتحقيق العدالة وتكافؤ الفرص واختيار الاعلى تقدير ا ثم يشعرنا الوزير بان هناك امتحان فعلى لاختيار الاكفاء ثم تاتى هذة المهزلة بانه امتحان روتينى قائم على الغش ولماذا من الاول ولماذا تم استبعاد غير الحاصلين على دبلومة تربوى من هذا الامتحان وخاصة الاخصائيين الاجتماعيين علامات استفهام كثيرة لماذا يا سيادة الوزير ؟

**الأمير محمد السيد حمودة** · 21-11-2009, 03:15 PM

[b]سيادة الوزير فى حاجات غلط كتير فى التربية والتعليم فيتم التعاقد مع مدرسين بالواسطة او المحسوبية ومعظمهم من ابناء العاملين باالادارات التعليمية وليس عن طريق مسابقات معلنة لتحقيق العدالة وتكافؤ الفرص واختيار الاعلى تقدير ا ثم يشعرنا الوزير بان هناك امتحان فعلى لاختيار الاكفاء ثم تاتى هذة المهزلة بانه امتحان روتينى قائم على الغش ولماذا من الاول ولماذا تم استبعاد غير الحاصلين على دبلومة تربوى من هذا الامتحان وخاصة الاخصائيين الاجتماعيين علامات استفهام كثيرة لماذا يا سيادة الوزير ؟ [/b]

**أحمد شعيب** · 21-11-2009, 04:43 PM

ربنا يطمنك
ان شاء الله خير للجميع ونتمني ان يتم الله علينا هذا الخير بالتعيين ان شاء الله

**dream** · 21-11-2009, 05:03 PM

بالتوفيق لكم جميعا

**bebo_aref** · 24-11-2009, 08:35 PM

مين قال ان اللجان فيها غش انا اللجنه بتعتى كانت ولا لجان الثانويه العامه مكنش فى اى نفس واللى كان بيسأل مجرد سؤال كان التهديد والوعيد يشتغل بالحرمان من الامتحان