حد يقولنا على الصح ودا ظلم ولا لأ 20/11/2009 ( أرجوا التثبيت )

**أحمد البرجينى** · 20-11-2009, 07:43 PM

أخيكم مدرس مساعد على قد حاله تخصص حاسب الى

بس الحمد لله فى مجال تخصصى كويس جدا
بس يوصل الدرجه اننا انهارده فى الامتحان نبقى مش متأكدين من الإجابات واحنا متخصصين فى الحاسب سواء صيانه أوبرمجه يا جدعان أنا معايا ناس شغاله فى الصيانه بتاخدفول جامده ومنهم ناس بيعملوا أحسن شغل فى البرمجه
حد يقولنا هما ليه بيعملوا ليه فى تخصصات ( حاسب الى - دراسات - رياضيات ) الظلم دا كولة

يا ريت يا شباب لو حد عرف وإتأكد من طريقه التصحيح يبلغنا

ولا نملكإلا قول حسبنا الله ونعم الوكيل

**مدرسة علوم** · 20-11-2009, 08:19 PM

على الاقل انكم دخلتم و امتحنتم و اخذتم فرصتكم و شفتو شكل الامتحان ا/ احمد
احنا بقى نعمل ايه بعد ماروحنا قالو لنا مالكمش امتحان و شطبو على اسماءنا عنوة
حسبى الله و نعم الوكيل

**sally2009** · 20-11-2009, 09:46 PM

المشاركة الأصلية كتبت بواسطة مدرسة علوم

على الاقل انكم دخلتم و امتحنتم و اخذتم فرصتكم و شفتو شكل الامتحان ا/ احمد
احنا بقى نعمل ايه بعد ماروحنا قالو لنا مالكمش امتحان و شطبو على اسماءنا عنوة
حسبى الله و نعم الوكيل

لماذا لم يسمحو لكى بالامتحان ...؟؟ انتى تعاقدك امتى ؟؟ وهل كان معاكى رقم الجلوس المطبوع والرقم القومى ...؟؟ لو كانو معاكى وتعاقدك قبل 31/10/2008 ... كان من حقك تشتكى وتطالبى بحقك ومتسكتيش ...حسبى الله ونعم الوكيل....وربنا يعوضك خير ان شاء الله...

**شمس بياض** · 20-11-2009, 08:24 PM

لا حول ولا قوة الا بالله
كنت يا معلمة العلومقمت باستدعاء او عمل مظاهرة ومخرجتوش الا بعمل اى شئ
حتى لو استدعاء المحافظ او اثبات الواقعه باى شكل

**مدرسة علوم** · 20-11-2009, 08:43 PM

المشاركة الأصلية كتبت بواسطة شمس بياض

لا حول ولا قوة الا بالله
كنت يا معلمة العلومقمت باستدعاء او عمل مظاهرة ومخرجتوش الا بعمل اى شئ
حتى لو استدعاء المحافظ او اثبات الواقعه باى شكل

المحافظ و وكيل الوزارة وجهان لعملة واحدة

حسبى الله و نعم الوكيل

**رحمه قريطم** · 20-11-2009, 08:24 PM

ايه ياشباب ماتزعلوش قوى كدة ان الله لايضيع اجر من احسن عملا انا عربي والتخصص كان نيله بس احنا مقصرناش فى حاجه ولا كنا ملتزمين بمنهج وبعدين احنا صلينا ودعينا والاجر على الله

**أحمد البرجينى** · 20-11-2009, 08:42 PM

مع إحترامى الشديد للكل إنتوا بتقوا كويس اننا دخلنا يا ولاد الحلال بقلكم مفيش حاجه من الورق ولا المناهج ولا أى نيله

**مدرسة علوم** · 20-11-2009, 08:45 PM

معلش يا استاذ احمد مادام انتم اجتهدتم ان شاء الله ربنا مش هايضيع جهدكم
قال تعالى " انا لا نضيع اجر من احسن عملا " صدق الله العظيم

**أحمد البرجينى** · 20-11-2009, 08:52 PM

فين الهمزة يا أستاذه يا مساعده مش دى مهارات لغه عربيه
أنااللى أحب أوصلهولكم إن كان فى غش مفيش مشاكل وربى اللى يشهد مسمحتش لنفسى إنى أغش
بس للأسف اللى حتى غشوا كانوا بيغشوا غلط
واللى بيقول وكيلوزاره ومش عارف إيه يا سيدى خليها على الله

لو حد عرف التصحيح إذاى يدينا أمل ولا بلاش أمل حتى عمر

**أحمد البرجينى** · 20-11-2009, 11:36 PM

يا أساتذه جزاكم الله كل خير على هذا التعاطف وعلى ما أعتقد إن كل الحسبنه دى يا رب تنفع فيهم

بالنسبة للأستاذه اللى مدخلتش الإمتحان القرار كان ظالم لكتييييييييييييييير من الناس والدكتور فى الاجتماع قال ( حرصا على العملية التعليمة والتعليم وأبناءنا الطلبة والمدرسين ) هى دى الكلمة اللى دايما بيعرفوا يهربوا بيها من أى موقف .

بس هقولك على خبر كويس عن الموضوع دوه قالهولى واحد حزبى وطنى سياسى قالى إن فى مصلحتنا إن إحنا نعينكوا كلكم علشان دوه فى مصلحتهم للدعايه فى البرنامج الجديد .

فربنا يسهل للجميع ،،،

هوه الامتحان بتاع الحاسب كان فعلا صعب بس مش لدرجة المستحيل بس مفيش حاجه جاءت من اللى كان فى أى ورق أو مناهج،،،،،،
ووالله المستعان وربنا يوفقنا كلنا يا رب

**emy142005** · 21-11-2009, 06:28 AM

الحاسب كان اكتر من المستحيل والله انا عندى 10 اسئلة بس اللى انا متاكده منها والباقى كله تخمين ربنا يستر

**سفير الحياه** · 21-11-2009, 10:25 AM

ياجماعه الكل خارج يشتكى من التخصص
طيب حقولكم حاجه يمكن تضحكم شويه
انا تخصص تربيه فنيه ابتدائى تخيلوا
جالى سؤالين تخصص عباره عن مسائل رياضيات
ولما سألت زمايلى قالولى انه ده منظور اللى انا عمرى ما درسته ف الكليه ولا حتى درستته فى مجال تخصصى
علما بانى تربيه فنيه ابتدائى
وغير كده
جاتلى اسئله عن الوان وعمليات تخفيف الوان اصلا نوعية هذه الالوان مش موجوده ف مصر
طيب بالله عليكم انا اعرفها ازاى؟
وكل الامتحان كان عباره عن مهاترات وليست اسئلة تخصص بالمره
لكن نقول ايه؟
منهم لله
وربنا يوفقنا جميعاااااااا

**سوزان عايد** · 28-11-2009, 01:25 AM

ياجماعة انا امتحنت تخصص غلط ومرديوش يغيروالى الامتحان وحتى ورق الامتحان جت متاخر نص ساعة وجت ورق مصور ومعوضنيش عن التاخير فى استلام الورقة وكان كلام غريب فى الامتحان عمرى ماسمعت عنة وحتى مكنش فى اى امتحانات على النت للاخصائيين النفسيين
ربنا يسامحهم