عندما يموت اليوم ..... بين الامس ............. والمستقبل ..
صديقى العزيز :-
لأنى أعتز بك لا تقرأ هذا الموضوع ....
الموضوع ممل وكئيب
أكيد انت عارف قوانين الطبيعه ،،، التعلب المكار يخاف من البنى أدم ، والكلب لو شاف قطه يجرى وراها ،،، والقطه لو شافت فااار ما تسيبوش ،، حابه اذكرك ان قوانين الطبيعه اتغيرت ،،، دلوقتى هتشوف البنى ادم والتعلب والكلب والقطه موجودين مع بعض فى مكان واحد """ شوفت السلام "".
ولما تمشى فى الشارع وتلاقى شله شباب بنات وولاد واقفين مع بعض ،، وتراقبهم تلاقى الولد صوته رقيق وكتكوت كدا وحاجه بسكوت يا خواتى ،،، والبنت واقفه معاه تلاقى صوتها تخين وتصرفاتها مسترجله وحاجه اخر روشنه .... أعتقد برده ان دى مش قوانين الطبيعه
والغريبه ان الولد لما يضحك يحط ايده على وشه من الكسوف ... وعلى النقيض البنت لما تضحك تحس ان فيه امبوبه غاز فرقعت ...
ما سألتش نفسك ليه ؟؟؟؟؟
ليه قوانين الطبيعه اتغيرت ؟؟؟؟
ما فكرتش فى يوم اننا اتظلمنا ،،، بالرغم من الحريه اللى احنا عايشين فيها دلوقتى
ما فكرتش اانه على أد ما الناس أخدت حقها واتطورت ،، على أد ما اتاخد مننا حاجات كتييير اوى
..
ما حسيتش مره بينك وبين نفسك اننا مالناش هويه ،،، ؟
ما سألتش نفسك مره انت مين ؟ وعايز ايه ؟ وطموحك ايه ؟
ووجودك فين ؟
وأخرتك ايه؟
ما فكرتش مره فى مين السبب فى اللى احنا فيه ؟
احنا ولا الزمن ولا التكنولوجيا ولا الحركات التحرريه التى قامت على اساس تحرير المرأه ؟؟؟؟
فاكر أخر مره أكلت أكله كان كلها بركه ؟؟
فاكر اخر مره حسيت فيها بمعنى الكلمه دى "" البركه """
بجد ومن غير كدب ما نفسكش ترجع لايام زمان ايام ستو الحاجه وبابا جدو
فاكر الزمن دا ، كان كل حاجه فيها بركه ،،،
بجد انا اتمنى اننا نبقى تقدميون الى الخلف لان احنا كل ما رجعنا لورا هترجع معانا قيم اختفت مع الزمن واختفت ملامحنا معاها لو التخلى عن التطور والتكنولوجيا والتعليم او طريقه التعليم هترجع ايام زمااان انا عندى استعداد اتخلى عنها
لو هترجع للبنت حياءها وكسوفها ،،، لو هترجع للولد رجولته ومكانته ....
لو هترجع البراءه اللى كانت بين الولد والبنت وهما بيلعبو مع بعض فى الشارع
لو هترجع البركه فى القرش اللى بنكسبه
لو هترجع كرامه الناس اللى ضاعت فى عصر السرعه
لو هترجع للقلوب احساسها بالناس والجيران والصحبه الحلوه
تخيل نفسك معزوم على حفله يحضرها مختلف الجنسيات العربيه وكان من شروط الحفله دى انك تلبس الزى الرسمى للبلد اللى انت منها ،، ووقفت أدم دولاب هدومك
ياترى هتختار ايه ؟؟؟؟؟
جلابيه وعمه وقبقاب أو بولغه ؟؟؟
ولا بنطلون جينز وتى شيرت ؟؟
ولا بدله رسميه ؟؟؟؟؟
ولا تفضل انك تروح ببيرمودا ؟؟؟؟
للاسف ما اخدناش من التحرر حاجه غير قله القيمه ،، ما اخدناش منها حاجه غير المتاهه اللى عايشين فيها ...
وهنقف امتى؟
ونعرف حدودنا امتى؟
البنت هتبقى بنت امتى؟
والولد هيبقى ولد امتى؟
تنبيه :
ياريت ما حدش يقولى ان سلوك الكهربه فى دماغى لمست
لو فكرت ثوانى هتلاقى ان كل دا مرتبط ببعضه.....
 |
رد مع اقتباس
شكراً لهذا
أعجبني هذا
المشاركة الأصلية كتبت بواسطة نعمه محمود
المفضلات