اتكلم بايجابية !!

[M I D O]

عنوان غريب مش كده؟؟

سؤال:

عمرك لاقيت إنك مش عارف تتواصل مع حد معين؟؟ رغم إنك فعلا عايز تكلمه؟
لاقيت مرة واحد مابتحبش تتكلم معاه خالص؟؟ كده لله في لله؟؟
هل مرة لاقيت إنك مش عارف تبيع سلعتك للزبون بتاعك رغم إنك حاولت بكل إخلاص؟
أكيد أيوه.. مش كده؟

طيب.. هنتكلم النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها (التحدث بإيجابية)..
في البداية عايز أوضح لك حاجة مهمة جدا عن عقلنا اللاواعي..

هنعرفها من المثال الصغير ده:
مــــثــــال:
هاقول لك جملتين عايزك تركز فيهم قوي وتنفذ اللي فيهم:
ماتفكرش في وردة حمراء!!
ها ها ها.. ينفع؟ طيب خد دي كده:
ماتتخيلش سيارة سوداء!!
ها؟ خدت بالك من اللي حصل ده؟؟ أكيد أكيد فكرت لا إراديا في الوردة الحمراء وفي السيارة السوداء كمان..

إيه اللي حصل ده؟
اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعشان تفهم الجملتين اللي فاتوا كان لازم العقل اللاواعي بتاعك يتخيل الوردة والسيارة السوداء!

يعني إيه؟؟
يعني لو عايز أأثر على العقل اللاواعي للشخص اللي باتكلم معاه, ومش عايزه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟
طبعا المسألة مش مسألة وردة حمراء وسيارة سوداء..
عشان تفهم قصدي اقرا الأمثلة دي:

مــــثــــال:
البائع: الأسعار بتاعتنا مش غالية.. احنا مش حرامية ونصابين!
الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا..
جملة (مش غالية) دي هيركز اللاشعور على كلمة (غالية) لا إراديا.. والجملة التانية (احنا مش حرامية ونصابين) هيفهم منها إنهم (حرامية ونصابين)!
يبقى المفروض البائع يقول مثلا: أسعارنا مناسبة جدا.. احنا يهمنا ثقة العملاء!

نفهم من كده إيه؟؟
نفهم إن إنت لو عايز تأثر في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي (رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لو نفيتها.. زي ما عرفنا مع بعض..

مــــثــــال:
الطبيب: ماتخافش.. الحقنة مش بتوجع خالص.
هه.. إيه رأيك في المثال ده؟؟

يلاّ مع بعض نطلع الكلمات السلبية:
أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف..
ثاني كلمة سلبية هي: (مش بتوجع).. دي هتخليه يتخيل الألم والوجع..
يبقى المفروض يقولها ازاي؟؟
الطبيب: اطمئن.. هتحس براحة بعد ثواني! (ملاحظ إننا ماذكرناش كلمة "حقنة" أصلا؟

مهم جدا معنى الكلام الذي نقوله.. والأهم هو: كيف نقول هذا المعنى..
استخدم كلمات إيجابية دائما في حياتك.. ولاحظ الفرق الذي سيحدث في علاقاتك مع الناس..
واعرف الحقيقة دي.. الناس اللي بيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم.. افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتم كتير؟ بيثير الإحباط؟؟ ركز في كلامه هتلاقي الكلمات اللي قلنا عليها.. الكلمات (السلبية)..

على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده.. مبتسم؟ متفائل؟ بيهون على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات (الإيجابية)..

[شريف]

الكلمة الطيِّبة نفحة روحانية تصل ما بين القلوب وتربطها برباط المحبَّة والودِّ والتآلف. أما الكلمة الخبيثة فهي معول للهدم والتمزيق والتفريق .. يعمل تخريباً في أوصال المجتمع فيهدُّ كيانه.

الكلمة الطيِّبة تُزهر في النفس لتتفتَّح بأجمل أزهار الخير والحبِّ الَّتي يعبق شذاها فوَّاحاً في كلِّ زمان ومكان.
و الكلمة الخبيثة نتنة الرائحة تصدر عن بؤر نفسية عفنة.

الكلام فنٌّ وأدب وذوق ..
ومن لا يتقن هذا الفن يضيِّع الكثير من الفوائد والمغانم
الكلمة الطـيِّبة أشبه ما تكون بفاكهة لذيذة المذاق .. كثيرة الفائدة ..
إنها تُسعد قائلها وسامعها .. فهي تخرج من القلب المزكَّى ويطلقها اللسان المنقَّى لتستقر في القلب ..
وتُسعد الناس بما تخلقه من جوٍّ يفيض بالأُلفة والمودَّة .. وتُنْعِشُهم بأريجها الفوَّاح.
إن الكلمة الطيِّبة ترجمة صادقة للشعور الطـيِّب والإحساس النبيل .. تحمل بين حروفها دفء الحبِّ ولذَّة العطاء وسعادة التواصل الرفيع بين إنسان وإنسان ..فهي رَوْح ورَيحان .
كمثل شجرة مباركة جذورها ضاربة في عُمق الأرض .. تمتصُّ منها غذاءها وأملاحها وتحوِّلها إلى نُسغ يصعد إلى ساقها فأغصانها فأوراقها .. فتسري فيها دفقة الحياة .. وإذا بها تتطاول صاعدة في السماء .. ثمَّ تزهر وتثمر في موعدها المحدَّد بإذن خالقها .. فتتجمَّع حولها القلوب المتلهِّفة والنفوس المتعطِّشة لجني ثمرها .. والتنعُّم بخيرها المتجدِّد كلَّ عام.

ولئن كانت جذور الشجرة الطيِّبة تتفرَّع في جوف الأرض .. فإن الكلمة الطيِّبة تتفرَّع في شغاف القلب .. وتلامس سويداءه لتخلِّف مكانها أمناً وسلاماً .. بينما تصعد فروعها إلى سماء النفس فتجلوها .. وإلى مرآة الوجدان فتصقلها .. وتنشر على من حولها ظلال الإيمان الندية، فهي لبنة أساسية في صرح السعادة الإنسانية.


موضوع في قمة الروعة
لا تحرمنا من موضوعاتك

[كريم ماضي]

تغيب تغيب وترجع بموضع من نار

يابني خليك معانا

وسيبك بقي من الظروف والجوابات بتعتك دي

فهمني طبعا


طول عمرك هههههههههههههههههههه


منور ياغالي وموضوعك ممتاز وعالي

[7asnaa kareem]

موضوع شيق

المفروض تدى كورسات فى التسويق


تقبل مرورى

[عز وحيد]

كلام جميل جدا يا ميدو
وبجد ما تقلقش على نفسك فى تجارة يا ابنى
انا النهارده اقدر اقولك وانا قلبى مطمن
نااااااااااااااجح ان شاء الله

[ميس سوزان]

انا معاك جدا يا ميدو
فعلا الكلمة الحلوة ليها مفعول السحر وبتعمل المستحيل
سبحان الله
موضوع هااااااااايل
تسلم ايدك

[صونيا بن جبل]

فعلا اخي هكذا نوصل المعلومة التي نريد و لمن نريد و اجمل صفة في الانسان انه يكون اجتماعي ، و ليس الهدف ان نتفق انما الا نختلف فقط
شكرا اخي ادامك الله للاسلام و المسلمين

[المجاهد فى سبيل الله]

لا بجد يا ميدو ماشاء الله عليك
بس معلش انت نسيت العقل الوعى
فين دوره هنا
ليه ركزت فى الامثلة بتعتك على العقل اللاوعى فقط
علما ان العقل اللاوعى مجرد زاكرة اضافيه فقط
ولها القدرة على الاحتفاظ بمجموعة هائلة من الاسرار التى تحتاج الى تخزين
بمعنى تانى
او مثال
رجل عاقل ذهب الى الطبيب وجاء وقت الحقنه
هو عارف انه مش حيسحى الا بالحقنه دى فا بالتالى حياخدها بدون الم ولا يشعر به
يارب اكون قدرت اوصل المعنى الى عايز اقوله
و جزاك الله خيرا