أكبر ظلم يامتعاقدى 1/11/2008

**رزان** · 13-11-2009, 01:47 PM

انا تعاقد 1/11/2008 والعقد كتباه السبت 1/11/2008 واستلمت العمل 1/11/2008
وحاصله على شهاده icdl السبع مديولات وتربوى ومر عام على تعاقدى وقدمت فى فرع الاكاديميه التابع لى وكل هذا ولم ادخل الامتحان بالرغم من ان يوجد زملاء لى نفس تعاقدى وتاريخ استلامهم العمل 1/11/2008 ولكن كتبوا العقد الخميس 30/10/2008
زنبى ايه انى كتبت العقد السبت واستلمت السبت وهما كتبوا العقد الخميس واستلموا العمل السبت ايضا ونزل لهم اقام جلوس وطبعوها والاماكن اللى هيمتحنوا فيها
مش ده يبقى اكبر ظلم ذنبنا ايه نستنى لحد شهر 8 اللى جاى

حرام التفرقه والظلم ده ليه مقالوش كل المتعاقدين لحد اخر 12 يدخلو الامتحان اشمعنا الاول من نوفمبر هو احنا فى متعاقدين بعدنا فى 2008 احنا اخر ناس فى 2008 والباقى تعاقدات 2009 والله حرام جدا الظلم ده
حسبى الله ونعم الوكيل فى حرق الدم والاعصاب دى

**sally2009** · 13-11-2009, 02:01 PM

فيه ناس كتيييييييير جدااااااا زيك والله .... متزعليش ...
انا كمان تعاقد 1/11/2008 وخريجة تربيه كيمياء وفيزياء .... ومعايا الرخصه الدوليه منذ عام ونصف ... ودفعة 2003 .... ومكنش فيه تعاقدات خااااااالص عندى فى المنوفيه لعلوم اعدادى الا من تاريخ التعاقد بتاعى .... شوفتى ظلم اكتر من كده .... بصى لا نملك الا قول حسبى الله ونعم الوكيل فى المسئولين ....لأنى حضرت اجتماع الفيديو كونفرانس وسمعت مدير الاكاديميه بيقول ومتأكد قوى انه اختار لغاية تعاقد 31/10/2008 ...لأن مفيش تعاقدات فى شهر 11/2008 ... وبتوع 12/2008 ..لسه مكملوش سنه .... احنا اللى ضيعنا دلوقتى هو قاعد فى مكتبه ومش عارف حاجه خاااااااااالص ...وكمان بيقول ان لسه الاختبار القادم فى شهر اغسطس 2010... يعنى ضيعو علينا السنتين من غير ما ندخل الاختبار ولا مره ... المفروض يا جماعه نشتكيهم ... لأن كده اخلال لبنود التعاقد ... اللى بتنص على ان بمرور سنه لازم ندخل اختبار الترخيص .... احنا مش لازم نسيب حقنا يضيع ....

**رزان** · 13-11-2009, 02:09 PM

ازيك ياسالى انا كمان خريجه تربيه قسم فيزياء وبدرس علوم اعدادى ومن المنوفيه طب وبعدين هنشتكى ازاى ده حرام لو ضاع علينا الامتحان ده احنا عايزين نوصل لرئيس الاكاديميه والموقع كمان مش بيفتح دلوقتى لازم نشتكى لا زم حد يسمعنا

**sally2009** · 13-11-2009, 02:14 PM

بصى هو المفروض نبعت فاكس لوزير التربيه والتعليم ونعلرفه تاريخ تعاقدنا وانن مر علينا سنه احنا كمان وان من حقنا اننا ما ننتظرش لغاية السنه الجايه .... لان كده غلط ومش من حقهم يضيعوا علينا الفرصه دى ..... وكمان نوصل صوتنا لرئيس الاكاديميه الدكتور محمود عابدين ضرورى ..... حاولى تبعتى فاكسات وانا كمان ..... وربنا يسهل ....لان حتى لو ضاع الاختبار ده مننا ميرموناش سنه كمان لغاية ما مدة التعاقد تضيع ....ويبقو يمتحنونا كمان شهرين ولا ثلاثه ....
بصى احنا نعمل اللى علينا ونقلب عليهم الدنيا وربنا يسهل بعد كده....

**رزان** · 13-11-2009, 02:23 PM

هنبعت فاكسات ازاى انا بتصل على الخط الساخن وارقام الفرع الرئيسى والاداره المركزيه للتدريب والموقع نفسه مقفول ومحدش عايز يرد علينا خالص

**sally2009** · 13-11-2009, 02:26 PM

ارقام الفاكس موجود على موقع الاكاديميه فى لينك اتصل بنا ....
وفيه كمان ارقام فاكس للاتصال بالوزير على موقع الوزاره ايضا ...انما التليفونات مش بتجيب تنيجه ....

**رزان** · 13-11-2009, 02:28 PM

طيب ابعتيلى اقام الفاكسات دى لان الموقع مش بيفتح عندى

**ندى ابوشامية** · 13-11-2009, 02:37 PM

انا طالبة وحبيت بس استكشف

**أحمد البرجينى** · 13-11-2009, 02:50 PM

بسم الله الرحمن الرحيم
أولا : بجد لا نملك إلا قول حسبنا الله الله ونعم الوكيل
ثانيا : من الأقوال المأثورة عن فيلم أبو على ( هو فى حد بيشتكى الحكومه يا باشا الحكومه بنشتكها لربنا ) هذا أفضل تعبير .

أما أخيرا يا رجاله بما إنى مدرس وحضرت الإجتماع الراجل قالها كلمه يمكن إنتوا ما خدتوش بالكوا ليها إنه نجح الناس الكبار لإنهم كبار ومينفعش يرسبون فى لاامتحان أما إحنا بيتحدى بينا الناس يعنى أحل واجب .
المفروض تفرحو علشان انكم هتعرفو ايه اللى هيحصل للقبليكوا .

ربنا يوفق الجميع

والسلام عليكمورحمه الله وبركاته
الأستاذ المساعد / أحمد شحاته
المفروض انى مدرس بالعقد ومهندس صيانه وبدور على عروسه
future_a2005@yahoo.com

**رزان** · 13-11-2009, 09:55 PM

لازم الموضوع ده ينبحث فيه لو حتى وصلت للبيت بيتك

**أحمد شعيب** · 13-11-2009, 11:23 PM

علي فكره يا جماعة تاريخ التعيين في الدفعة الجديدة للمدرس المساعد 1-10-2008
يعني الذي استلم العمل وكتب العقد 1-11 ده اسمه تاريخ استلام العمل وليس تاريخ التعاقد والمفروض يتعدل تاريخ التعاقد ويكون 1-10 لان ده تاريخ قرار تعينكم مدرس مساعد
ارجو البحث عن قرار تحويلكم الي مدرس مساعد في الادارات التعليمية والتاكد منه واستغلاله لسصالحكم