يا أحنا ياحنا ولا حد عمل فرحنا -لولولولولى

على النبى صلينا
وباسم الله ابتدينا
ويارب ديم الفرح فى نواحينا
ياجماعه صلو ا على النبى صلواعلى النبى
بقولكم ايه
ايه

عايزين نعيد التراث ونعمل فرح يتحاكوا عليه الناس
اربعين ليله

لاغلى اخ فى بيت العيله

عيله منتدانا دى احلى واجمل عيله

اسمحوا لى

اعرضه هنا الليله
وتبقى تنقلوه فى اى مكان

التهانى ولا عند الفلكلور عند دعاء
ولاتنسوا تعملوا هليله
داأول عريس ياخواتى

وزينه شباب العيله
فتى المنتدى الاول

عرفتوه ولا
أهو

أهو

http://up.damasgate.com/files/ftcvkm8g8r7hpa2ltaqw.jpg

شوفتوا العريس
اه
شوفتوا القمر الله
راجل زين الرجال

شوفتوا العروسه مش بيوريها لحد
شوفتوا العيله اصيله
شوفتوا الليالى ان شاء الله جميله
لى عوده مع باقى الفرح

الف الف مليون مبروك
بارك الله لكم وبارك عليكما وجمع بينكم في خير
وفي انتظار دعوه الفرح

والله العظيم انتى زى العسل
حلوة اوى فكرة الفرح دى كلنا معاكى

http://img174.imageshack.us/img174/1...lololyyuv4.gif
الست دى شريف كان باعتها تزغرد عندنا من شويه

طبعا هو فرح غير عادى لعريس
غير عادى
فى منتدى

اكيد اكيد غير عادى
وطبعا عرفنا العريس من هو
والعارف لايعرف
هو الاستا ذ
شريف
احدنمور المنتدى
وفوارسه
وطبعا كل واحدله دور

1- الاستاذ اشرف سوف يقوم باحضار وليمه الفرح
وطبعا اوعى يكون ديك رومى ولا ديك فيومى
اكيد طبعا سيولم (بعجل حنيذ )دى اقلهاطبعا
2-الاستاذ جمال الدين
المشاريب طبعا
اشرب وفرفش ونعنش مع نعناع الاستاذ جمال
3-الاستاذعلى الدين
طبعا هايحسب عددالاعضاء ومصاريف واللى داخل واللى طالع فى الفرح وطبعا نقطه الفرح هايبقى المسئول
4- الاستاذ وليد عسكر
هاحضر الكارته بتاع الفرح وهو هايبقى شبين العريس ومسئول الزفه
5-الاستاذ محمد وسيه
صور الفرح وفوتوجرافيا وفيديو
6-الاستاذه نعمة
التورتات والجاتوهات والحلويات كلها
7-الاستاذه نداء الجنه والاستاذة افنان
ستقومان بصلاه ركعتين لله
وقراءة سورة البقرة وياسين
حتى نبعد شياطين الجن والانس عن العرايس والمعازيم
انتظرونا
جارى توزيع الادوار
:6:

سبقتينى .... ماشى ماشى

اقيموا الافراح ليالى وليالى زى ما انتوا عايزين

:022yb4::av4056bb7jp3::022yb4::av4056bb7jp3::022yb 4::av4056bb7jp3:

بس كلكوا معزومين على حنة "شريف" فى ركن الفولكلور

:039uw8::039uw8::039uw8:

ليله حنة ... فولكلورية ... تراثية ... شعبيى ... منتدياتية ... قاهرية ... مصرية

:15::15::15:

وستنقل وقائع ليلة حنة "شريف" عبر الغرفه الصوتية ..... "بعد إذن سيادة النائب"

انتظروا البروجران

مفاجأة
مفاجأة
مفاجأة
مفاجأة
مفاجأة
مفاجأة

انتى بتقرى افكارى يادووودى ولا ايش اصبرى
البنات اخر اللى يتكلموا استنى على وعدك
لما ياجى دورك
وخلاص انا كنت هاقولها
وعندى افكار تجنن
كل يوم الفرح
اربعين يوم كل حاجه جدبده يادووودى

الف ألف ألف مليون مبرووووووووووووووووك للأخ / شريف
اللهم زد فى أفراحنا.....
...... وقلل فى أحزاننا

اقتباس:

---

المشاركة الأصلية كتبت بواسطة المهندس هشام كمال الدين

الف الف مليون مبروك
بارك الله لكم وبارك عليكما وجمع بينكم في خير
وفي انتظار دعوه الفرح

---

دا حضرتك اول المدعوووين
امال مين اللى هايشغل الدى جى الاسلامى


ومانجيش فى فرح سيادتك التانى
ناجى فى فرح مديحه

ما شاء الله

كلك ذوق وشياكة أختى شمس

دائما مسارعة فى الخيرات ( جعلك الله كذلك )

وألف ألف ألف مبارك أستاذ شريف

بارك الله لكما وبارك عليكما وجمع بينكما فى خير

وأنا تحت أمرك أستاذة شمس وحلو توزيع الأدوار ده

[quote=Mr_Ibrahim;61951]الف ألف ألف مليون مبرووووووووووووووووك للأخ / شريف
اللهم زد فى أفراحنا.....
...... وقلل فى أحزاننا[


اللهم امين/quote]


والله الفرح نور بوجود حضرتك استاذ ابراهيم

متنساش ابيات الشعراللى هاتقوله فى الفرح

زواج مبارك ان شاء الله
بارك الله لهما وبارك عليهما وجمع بينهما في خير
وانا سأستعير طبنجة الاخ وسية
واضرب خمس طلقات في الهواء
ابتهاجا بفرح الاخ شريف
:38::38::38::38::38:
:38::38::38:
:38:

بسم الله الرحمن الرحيم

ومن آياته أن خلق لكم من أنفسكم أزواجاً لتسكنوا إليها وجعل بينكم مودة ورحمة إن

في ذلك لآيات لقوم يتفكَّرون".


صدق الله العظيم

بسم الله الرحمن الرحيم

الطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُوْلَئِكَ مُبَرَّءُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ *


صدق الله العظيم




http://www.ibtesama.com/vb/imgcache2/27893.gif

*

يا طيور المحبة زوريه

وعن فرحتنا له خبريه

و قوليله مبروك


***


كلمة مبروك ما تكفي
وكل المعاني ما توفي

أعبر لك عن مدى هناي
بزواجك شريف


***

إحترت بزواجك ايه أهديلك
أهديك وردة بتذبل ؟
بهديك كلمة مبروك..من كل قلوبنا


***


مبروك

مبروك

لو أقولها ليل و نهار

ما تعبر عن سعادتنا لك

بالزواج

http://www.ibtesama.com/vb/imgcache2/27894.gif
***

لك ترق احلا الكلمات
وتتهادي اصدق الدعوات
ولك يهتف الفؤاد
زواج مبارك وبالرفاه
والبنين


***


يا شبيه القمر ياأرق من الزهر

اهنيك بالفرح

واهنى عروستك بيك



مبروك

مبروك

مبروك الزواج



مبروك الزواج



***



يا عيوني أفرحي معاه
و ياقلبي زغرد وياه
اليوم الكل معاه
يحتفل بزفافه
وفرحه



*
http://www.ibtesama.com/vb/imgcache2/27895.gif

فرحتنا جميعا كبيرة بك


شريف


اللهم بارك لهما وبارك عليهما واجمع بينهما في خـير

>>> عقبال عند العزابيين

وانت طيب والكل يدعيلك بالخير

وانت تستاهل كل خير الله يوفقك ويوفق جميع المسلمين لما يحب ويرضاه

أستاذ شريف
ألف مبروك
زواج سعيييد

:13:يا نهار ابيض

طب أقول ايه بس يا أم اسلام و لا اعمل ايه؟
اللسان عاجز عن الكلام :22:
و العقل مش مصدق جمال الروح المليانة خير
و القلب عامر بحبكم و الله و تسلم ايدك
لسه بدري شوية علي الموضوع
انتو حسستوني ان الفرح بكره
انا بدأت أقلق :)

و سامحوني بقا يا جماعة
اخترعت انا حاجة غريبة شوية
مافيش فرح :16:
كوافير ..... ستوديو و تصوير....... البيت
و انتهي الموضوع
مش بتاع دوشة خالص
دعنا نعمل في صمت
:006et4:

علشان هصلي العشا حاضر في الجامع ان شاء الله
لازم أنام بدري علشان أقوم بدري أصلي الفجر:)
و بعدين تاني يوم ان شاء الله عندي تدريب
لازم الساعة سبعة الصبح اكون بتحرك من البيت


خالص حبي و شكري لك يا أختي الغالية
استاذة نور علي ذوقك العالي و اهتمامك الغالي
بجد مش عارف اشكرك ازاي والله
و يكفي اننا علي بال حضراتكم

و أقدم باقة من أرقي أنواع الزهور لكل من دخل الموضوع و أهداني بكلماته
الرقراقة أروع الكلمات

الباشمهندس و نعمة و دعاء أصحاب الردود الرائعة الغير تقليدية
اللي بسعد جدا بردودهم في اي موضوع يخصني و بزداد شرف
و تسلم ايدك يا دعاء علي بروجرانك مقدما و ردك العسل

مستر ابراهيم و اختي الغالية افنان و اخي الحبيب استاذ سيف سالم


و كل كلمات الشكر التي في قواميس لغات العالم
للاستاذة أحلام علي ردها الأكثر من رائع
و اللي أسعدني جدا
بجد تسلم ايدك والله

أنثر فوق رؤوسكم جميعا
باقات و باقات
من أغلي أنواع الزهور في العالم
و أرقي أنواع العطور في العالم
تسلم ايديكم

مافيش فرح :16:
كوافير ..... ستوديو و تصوير....... البيت
و انتهي الموضوع
مش بتاع دوشة خالص
دعنا نعمل في صمت
اعوذ بالله اعوذ بالله
تف من بقك
احنا هانعمل الفرح فى بيت العيله
انت حربقى دهدى
واربعين يوم ان شاء الله
وبعدين دا اول فرح فى المنتدى
وبعدين انت لسه شوفت الافكار
مش كلها اكده مرة واحده يا خوى
انت والله تستاهل فرح متين يوم مش اربعين يوم
جعل ايامك والمسلمين كلها افراح
واذهب عنكم الاتراح
متخافش ياخوى
اللحمه على ابو ادم
وان مقدرش رقبتى سدادة

الف الف مبروووووووووووووك ياشريف :38:
وان شاء الله زواج سعيد وربنا يرزقكم بالزريه الصالحه

ويجعل حياتكم كلها سعاده وهنا .

بجد ياشمس اجمل حاجه روح المحبه والاخوة اللي بتجمع في

هذا المنتدي

ربنا يديمها... يارب ..:6:

طاااااااااااااااالعه السلالام يا ما شا الله عليها

زينة العرايس وشريف ( بفتح الشين ) في ايديها طااااااااالعه السلاااااااالالم

نازله السلاا ـــــــــــــــ كفايه بقا احنا هنقضيها غنى

مبارك مبارك يا شريف

وعاجبني اوي تعليق الأستاذه شمس

وهي بتقول الأستاذ جمال بتاع النعناع .

وكمان اتصدمت من رد العريس شريف ، وهوه بيقول : انا هنام بدري عشان اصحى بدري ــ ( والله شكرا فعلا يا رافع رايتنا )
بدل ما تقول هتدبح القطه اول ليلة تقولي هتنام بدري عشان تصحي بدري
والله فكرتني بحسب الله في ريا وسكينه

ــ
عموما ــ شكلك بتغزي العين ..

اللهم بارك لكما وارزقكم الذرية الصالحة

وربنا يرزقك بواد تمام كده يتعلم احسن تعليم وتحاول تشوف وسايط ليه كبيرة اوي
عشان يطلع أعظم شغلانه في الدنيا ( معلم لغة عربية )
وساعتها ماحدش هيعرف يكلمك انت وابنك .

وشكرا من قلبي
أولا لوليد عسكر الحاضر الغائب
وثانيا : شكر خاص
لشعر السدر حسين هههههههههههههه

شكرا لكم يا جماعة
كل من شارك وهنا
وربنا دايما يزيد افراحنا

ويكترها اللهم امين واستاذنكم فى توزيع باقى الادوار
معلهش بقى ما انا اخته الكبيرة

قصدى ام خمستاشر سنه يادوبك اوعى حد يزود

[IMG]file:///C:/Documents%20and%20Settings/aslam/Local%20Settings/Temporary%20Internet%20Files/Content.IE5/Q1EBMTQ5/lolololyyuv4%5B1%5D.gif[/IMG]

نكمل مع بعضينا

8- طبعا الاخت اموله وبنت اختها مريم
سيصحبون العروسه للكوافير

يا جماعه فرح تخيلى بقلوبنا هانعيش الفرحه ونتخيلها

زى ما احنا بنتخيل فوز مصر على ايطاليا
ان شاء الله

يا ريت الاستاذ شريف ما يستكتر علينا الحلم

9- الشباب لهم دور
محمد السادات وكريم وميدووعز وباقى الشباب
يتشيكوا ويلبسوا البدل اللى بتنور دهيت
ويقفوا
امام البوابه
فى استقبال الضيوف
10-وطبعا المائده ستكون فى دوارحضرة العمده
11-وطبعا المعازيم والضيوف اكتر من 23الف
يبقى مكانهم فى استاد البوابه
عند الاستاذ اسامة
12-وكبير الصعايده استاذ طارق اول ماييجى من قنا نخليه يخطى الموضوع سبع خطوات علشان بنفك العمل ويتجوز هو كمان
وهو جاى هايجيب فرقه الريس متقال والطبل البلدى
وفرقه الالى وطبنجات البر كلاته
ويساعد الاستاذ سيف فى احياءالفرح بالضر ب النارى
13-مجموعات مدرسى اللغه العربيه
يجتمعون يوميا كل يوم فى ساحه الدوار
ويتبادلون الاشعار
زى ما كان بيحصل زمان
كل واحد يقول بيتين شعر والاخر يرد عليه
على نفس الوزن والقافيه
وطبعا جميع الضيوف لهم الحق
فى اضافه
نصيحه
او تهنئه لطيفه او

بسم الله الرحمن الرحيم

والصلاة والسلام على أشرف الخلق أجمعين

سيدنا محمد الصادق الوعد الأمين

:38::38::38:

http://up.damasgate.com/files/2stm8zdeoh4mrnaxy1ga.jpg

نقدم لك أخونا شريف أرق التهانى والتمنيات بأجمل حياة

وندعوا لك بدعاء النبى صلى الله علية وسلم

بارك الله لكما وبارك عليكما وجمع بينكما فى خير

وبهديك نشيد يا رب يعجبك

http://www.2shared.com/file/6329805/b71dc16e/___.html

:6::6::6:

باسم الاله يا (شريف) و اصدق شعـور

:38:

ازف مضمون المشاعـر بالقصيـد

:38:

جتك التهاني طايرة عبـر البحـور

:38:

لو كان شوفي عن ضيا خدك بعيـد

:38:

مبروك يا اغلى من ملت قلبي سرور

:38:

عسا السعادة دوم بالبيـت الجديـد

:38:

كنت اتمنى اكون من بين الحضـور

:38:

و لا جتني الدنيا على ما كنت اريـد

:38:

تأكدي طيفك على البـال محفـور

:38:

وان الغلا لا غاب عن عينك يزيـد

:38:

لو غبت عنك ايام و سنين وشهور

:38:

انت غـلاك مخالـط لـدم الوريـد

:38:

هذي مصر شع فيها الكـون نـور

:38:

و كل الوجود اليوم لافراحك سعيـد

:38:

جتك المشاعر صادقة مثل الزهـور

:38:

بابيات من الشعر بها المعنى فريـد

الله يديم الخيـر و يزيـل الشـرور

و تبقى المحبة بينكم عمرٍ مديد

والله ما اروعها مباركه وكارت رائع
بارك اللهم فيكم
اخى الاستاذ حمدى
جزاكم الله خيرا
وهديه مقبوله ويترد لك فى الافراح

مافيش فرح
كوافير ..... ستوديو و تصوير....... البيت
و انتهي الموضوع
مش بتاع دوشة خالص
دعنا نعمل في صمت

علشان هصلي العشا حاضر في الجامع ان شاء الله
لازم أنام بدري علشان أقوم بدري أصلي الفجر
و بعدين تاني يوم ان شاء الله عندي تدريب
لازم الساعة سبعة الصبح اكون بتحرك من البيت

ــــــــــــــــــــــــــــــــــــــــــــــــــ ـــــــــــــــــــــــــــــــــ

لا مش ممكن قول كلام غير ده :13:

ايه دا ياشريف ؟؟؟؟ دا انت ناقص تقول انك هاتكون مطبق ورديتين

قبل الفرح . وبعدين ايه البخل ده مش متعودين منك على كده ازاى مافيش فرح

انت هاستخسر فى العروسه وفينا حتة فرح صغير اد اربعين ليله كده ؟؟؟؟؟؟؟؟؟؟؟؟؟

طيييييب احنا بقا وزى ماقالت شمس هانفرح بيك هنا بطريقتنا الخاصه

ومش هاقولك بقى اما الستات بيحبوا بفرحوا فى حد ( قصدى بحد ) بيعملوا ايييييييييييه

انت لوحدك هاتشوف . عموما الف الف مبروك ياشريف انت تستاهل خير الدنيا كله

وبجد ياشمس :14: عليكى مافيش احلى من كده فرح وربنا يجعلك سبب فى الخير والسعاده للجميع.

[quote=Blanche Neige;63244]

مافيش فرح

كوافير ..... ستوديو و تصوير....... البيت
و انتهي الموضوع
مش بتاع دوشة خالص
دعنا نعمل في صمت

علشان هصلي العشا حاضر في الجامع ان شاء الله
لازم أنام بدري علشان أقوم بدري أصلي الفجر
و بعدين تاني يوم ان شاء الله عندي تدريب
لازم الساعة سبعة الصبح اكون بتحرك من البيت

ــــــــــــــــــــــــــــــــــــــــــــــــــ ـــــــــــــــــــــــــــــــــ

لا مش ممكن قول كلام غير ده :13:

ايه دا ياشريف ؟؟؟؟ دا انت ناقص تقول انك هاتكون مطبق ورديتين

قبل الفرح . وبعدين ايه البخل ده مش متعودين منك على كده ازاى مافيش فرح

انت هاستخسر فى العروسه وفينا حتة فرح صغير اد اربعين ليله كده ؟؟؟؟؟؟؟؟؟؟؟؟؟

طيييييب احنا بقا وزى ماقالت شمس هانفرح بيك هنا بطريقتنا الخاصه

ومش هاقولك بقى اما الستات بيحبوا بفرحوا فى حد ( قصدى بحد ) بيعملوا ايييييييييييه

انت لوحدك هاتشوف . عموما الف الف مبروك ياشريف انت تستاهل خير الدنيا كله

وبجد ياشمس :14: عليكى مافيش احلى من كده فرح وربنا يجعلك سبب فى الخير والسعاده للجميع.

والله يا خيتى

جبتك من عند ربنا

مش عارفه الناس نفسها كده -------------
تموت فى مواضيع النكد
هى ناقصه ؟؟؟؟؟؟

وبعدين يعنى كتير علينا نفرح يومين الفرح

سبحانك يارب
عن اذنك اكمل الفرح

http://www.mongabay.com/images/uganda/600/ug3-3393.JPG

طيرى ياوزة على
مندرتنا

طيرى ياوزة شوفى

رجالتنا ؟؟؟؟؟؟؟؟؟؟؟
فين المشاركين
الدكتورة
دودى
هاتعمل الحنه ان شاء الله فى
فى الغرفه الصوتيه
والحضور بالملابس الرسميه
اسموكن
وبيبيون
وتمشى جلابيه
الدنيا حر ومش عايزين خنقه
المهم
ممكن اللمعازيم يشاركوا بنصيحه او عاده من عادات الافراح قديما
او طرفه حدثت لاحدهم او فى فرح كان يحضره
وانا اول من تحكى على ماحدث
فى احد افراحنا زمان
جدتى قالت
صلوا على النبى
كان يوجد عائلتان بينهما خلاف
وصادف انهما معزومتان
فى نفس الفرح
عيله (حلفايه )
وعيله (العمارنه )
وكان من تقاليدنا
ان يجتمع الرجال كل ليله لمده اربعين يوم
يتسامرون امام منزل العريس
وتسمى السامر
ولكن كيف ؟؟
كلن يخرج احدهم ويلقى ابياتا من الشعر ويرد عليه الاخر
وحدث الاتى
خرج كبيرال (حلفايه)
الى وسط الجموع وقال:
نخل العمارنه بلا ليف
(معناهاانه منزوع الليف بدون حمايه ؟!)
ولا يطلعوه الا بالمطالع
(انه عال يصعب الحصول على ثمره )
اهل العمارنه حلاليف
اعزكم الله -هو قال كده
دايرين يطلطموا فى الشوارع
معناها -صايعين لامؤخذه
هاج الفرح وماج
وقام كبير العمارنه وطلب من الجميع الصمت لكى يرد
على كبير ال
حلفايه
انتظرونا
لكى نعرف ماذا قال :6:

مبارك عليك يا شريف وربنا يفرح قلبك ويقر عينك بهذا الزواج المبارك ان شاء الله
ومتنساش اني معزوم انا والاستاذ جمال ومحمد وسيه عندك علي العشا
وطبعا مش هناكل الا من العشا بتاع العريس
ماهو مش معقول هنجيلك من اخر الدنيا ونقضيها جبنة رومي
وفيه مفاجاءه هتعجبك
يمكن نتاخر فنبيت معاك
وطبعا مش هتكون اقل من اللمبي اللي طرد عروسته من الكوشه علشان ااصحابه:)
اوعي تتخض ....احنا بنهزر معاك يا اعز الاصدقاء
ربنا يسعد قلبك ويرزقك الذرية الصالحه
والف شكر اختنا نور علي موضوعك الجميل وربنا يديم الافراح في قلوبنا اللهم امين

لسة دلوقتى مصر فائزة على إيطاليا بجدارة واحد صفر
:38::38::38:
اليوم فرح
طبعاً فرح عريسنا فى شهر سبعة يا جدعان أحسن شهر فى السنة وخصوصاً للأفراح
مبروك عليك يا عريسنا يا هُمام
انت بتقول هنام بردى عشان أصحى بدرى طبعاً ده مش هيحصل ده كلام
الفرح طبعاً فرحنا والعريس عريسنا
:16::16::16:
اقتراح
شريف حبيبنا كلنا
علشان كده مش عاوزين نكلفه كتير فى الفرح
لازم نساهم كلنا فى الفرح
واحد عليك الدبيحة
( أكيد الأستاذ.....................)
والثانى عليه الكوشة
( طبعاً الأستاذ ................)
والثالث عليه العربيات
( طبعاً الأستاذ ...............)
والرابع عليه يقابل المعازيم اللى هتكوف بالآلافات لأن ده عريس عريس فى المنتدى
والخامس عليه التصوير الفيديو
( الأستاذ محمد عبد العظيم وسية)
والخامس التصوير الفوتوغرافى بالموبايل
( طبعا ً هيكون الأستاذ جمعه عاشور )
والسادس يظبط الأكل للمعازيم طبعاً هيكون
( الكابتن عز وحيد )
والسابع يظبط الورد والزهور فى الكوشة طبعاً هيكون
( الكابتن كريم ماضى )
والثامن
والتاسع
والعاشر
والحادى عشر
والثانى عشر
حتى
المليون
إستقبال المعازيم
بخصوص النقطة ياجماعة مفيش فكة خالص أقل حاجة باكو
ده مش أى عريس
اللى هينقط بباكو هيترد له عشر بواكى
طبعاً مفيش نوم من ساعة تحديد الفرح
مبروك عليك الفرح يا عريسنا ياغالى
دى عروسة زى القمر من بيت كريم عالى
الليلة عيد والعريس هيتجوز
مليار مبروك يا حبيب قلبى
ربنا يتمها عليك بخير
آمين يارب العالمين
وعقبال عنكم جميعاً
:27::27::27:

الله يبارك فيكم حميعا ده كتير يا جماعة

بس انا ملاحظ حاجة
انتو شوفتوا واحد للأكل
وواحد للشرب
وواحد للتصوير
وواحد للعربيات
وواحد يقابل
وواحد يقعد
وواحد يرقص
وواحد يزمر

طب بالمرة ما تشوفوا واحد يتجوز ؟؟؟؟؟؟
هههههههههههههههه
صباح الفل

مشكووووووووور شريف على مواضيعك

اقتباس:

---

المشاركة الأصلية كتبت بواسطة مدرس الغد

مشكووووووووور شريف على مواضيعك

---

هههههههههههه
واضح ان انت مش معانا خالص

اقتباس:

---

المشاركة الأصلية كتبت بواسطة شريف

طب بالمرة ما تشوفوا واحد يتجوز ؟؟؟؟؟؟
هههههههههههههههه

صباح الفل

---

الله يسامحك اخى شريف

بقى كدة

تستهزئ
بينا

هو فيه ايه
انت خايف بجد ولا ايه

ربنا يقدم كل خير ان شاء الله

وكده كده غصب عنك
هايتم الفرح

معندناش رجاله تقول

شوفوا حد يتجوز
امال انت رحت فين
دلع رجاله اخر زمن

فين الفرفر؟؟

هتجوز ولا
لاع

اقتباس:

---

المشاركة الأصلية كتبت بواسطة شمس بياض

الله يسامحك اخى شريف

---

أخت نور

أنا أقدر استهزئ برضه؟

ده كلام؟
دانتي جميلك فوق راسي
و كفاية الحفلة الجميلة اللي عملتيهالي
و لو بمجرد قليل من الكلمات
موضوعك ده
جميل في رقبتي ليوم الدين

أردهولك في الافراح ان شاء الله


أما بالنسبة للجواز

ماتقلقيش يا كبيرة
أخوكي أسد

و مش هتجوز أقل من أربعة


مافيش دلع ولا حاجة يا كبيرة

احنا جدعان أوي
و نفوت في الحديد :18:

طبعا اشكركم وبحرارة كل من ساهم
وهنأ العريس
واتا سف لعدم تكملتى اليوميه للموضوع نظرا
لحزنى الشديد
على هزيمه مصر امام اللى ماتتسمى
خلينا فى الفرح ل اخى شريف
أما بالنسبة للجواز

ماتقلقيش يا كبيرة
أخوكي أسد

و مش هتجوز أقل من أربعة


ايوة كده -ناس مابتخافش الا بالعين الزرقا هههههههه
اخوى طيب اتجوز السنه دى واحده وبعدكده
هاتقول حقى برقبتى
قول ان شاء الله

ببسم الله نكمل السامر


وكان من تقاليدنا
ان يجتمع الرجال كل ليله لمده اربعين يوم
يتسامرون امام منزل العريس
وتسمى السامر
ولكن كيف ؟؟
كلن يخرج احدهم ويلقى ابياتا من الشعر ويرد عليه الاخر
وحدث الاتى
خرج كبيرال (حلفايه)
الى وسط الجموع وقال:
نخل العمارنه بلا ليف
(معناهاانه منزوع الليف بدون حمايه ؟!)
ولا يطلعوه الا بالمطالع
(انه عال يصعب الحصول على ثمره )
اهل العمارنه حلاليف
اعزكم الله -هو قال كده
دايرين يطلطموا فى الشوارع
معناها -صايعين لامؤخذه
هاج الفرح وماج
وقام كبير العمارنه وطلب من الجميع الصمت لكى يرد
على كبير ال
حلفايه
فقام كبير ال حلفايه
وقال :
أنا البديوى أعلق على الف
ولا انتقل من مكانى
(معناها اصلى بدوى عربى -أطعم الف شخص دون ان اتحرك من مكانى )
إيش جابك يا تعلب الحلف
تعمل شأنك بشانى
...............
طبعا قامت مشادات كلاميه
وانتهى الموضوع بالصلح والحمد لله
:::::::
ولنا وقفات اخرى مع السامر
اقترحنا ان يعطى كل زائر
خلاصه تجربته
او همسه فى اذن العريس
او مشاركه فى السامر
او موقف طريف
وانا بقول للعريس
أمانه منها تاخد بالك
وتشيلها جوه حباب عنيك
صدقنى دا الحاجه
داعيالك
وقلبها
اكيد
اكيد
راضى عليك

والله يا جماعة فتحتوا نفس الواحد على الجواز تاني

والسبب :

المتهمون الآتي أسماؤهم :

1ــ أستاذة شمس بياض

2ــ أستاذ شريف العريس

3ــ أستاذ جمال الدين عوض ونعناعه

4ــ أستاذ وليد عسكر .. لأنه صاحبي ولازم اجيب رجله في اي حاجه معايا .

ــــــــــ
وكمان أنا خايف من نقطه مهمة جدا

خايف لكلنا إن شاء الله نحضر الفرح ...... وشريف نفسه ما يحضرش ... على أساس ان لسه بيظبط الشقة ( يوم الجمعة )
وساعتها هنجيب إذن نيابة ونعمله ضبط وإحضار في الكلابشات الذهبية الزوجية .. وناخد صورة جماعية وشريف في النص بكلابشاته الذهبية ...
ولو سمحتم مش عايزين قرون في الصورة .. عيب .

اقتباس:

---

المشاركة الأصلية كتبت بواسطة محمد عبد العظيم وسية

والله يا جماعة فتحتوا نفس الواحد على الجواز تاني

ايه الرجاله دهيت ياخووووى عندك عريس وعروسه اسم الله عليهم حارسهم ربنا سما وشمس الدين
جهزهم وجوزهم وافرح بعيالهم
وبعدين اللى بيغلط مش عارف ليه مش يتوب بقى عن الغلط
ادى فرصه لغيرك يغلط
الغلط قليل اليومبن دول همه

والسبب :

المتهمون الآتي أسماؤهم :

1ــ أستاذة شمس بياض

مظلومه مهضومه مغبونه بريء يا بيههههههههههههههههههههه

2ــ أستاذ شريف العريس

3ــ أستاذ جمال الدين عوض ونعناعه

4ــ أستاذ وليد عسكر .. لأنه صاحبي ولازم اجيب رجله في اي حاجه معايا .

ــــــــــ
وكمان أنا خايف من نقطه مهمة جدا

خايف لكلنا إن شاء الله نحضر الفرح ...... وشريف نفسه ما يحضرش ... على أساس ان لسه بيظبط الشقة ( يوم الجمعة )
وساعتها هنجيب إذن نيابة ونعمله ضبط وإحضار في الكلابشات الذهبية الزوجية .. وناخد صورة جماعية وشريف في النص بكلابشاته الذهبية ...

يارب قرب له البعيد واجعله دائما سعيد واجعل ايامه فرح وعيد (وجميع المسلمين)
ولو سمحتم مش عايزين قرون في الصورة .. عيب .

---

مش عارفه القرون دهيت- تكونش العيال اولادى - لما بيشاوروا بعلامه النصر فى الصورة هى دهيت القرون

السلام عليكم
ايه دهوت اللى انا شيفاه
هو الفرح سكتم بكتم كده ليه
طيب والله لازغرد اهو


http://img174.imageshack.us/img174/1...lololyyuv4.gif
ونغنى كمان
هوفرح مين ؟؟؟؟؟؟
دافرح اخونا شرررررررررررريف
اغانى تراثيه
الاولى بعنوان
اوعاك تاخدها موظفه--معلهشى بقى هانوقف حال الموظفات دعوة للعوده للمنزل
سيبيه تطلع عنيه فى المصاريف
الغنيوة بتقول

اوعاك تاخدها موظفه === اوعاك تاخدها موظفه

لا تدق تومه ولاتقليه
ولا تعرف تعمل ملوخيه
وحياتك بيها مبليه

اوعاك تاخدها موظفه === اوعاك تاخدها موظفه

ساعه العجين عيانه
ساعه الخبيز عيانه
ساعه الغسيل عيانه
تودى العيال الحضانه
وصبح وليل متعجرفه

اوعاك تاخدها موظفه === اوعاك تاخدها موظفه
باقى الاغنيه الرقابه صاحيه لحد بعد الفجر مينفعش

تانى اغنيه
ياجريد النخل العالى ميل وارمى السلام =ميل وارمى السلام
العريس فى بيت ابوه

وابو العروسه بيقول هاتوه
يمضى القايمه والسلام

ياجريد النخل العالى ميل وارمى السلام =ميل وارمى السلام
العروسه ياجمالها

على العريس شايفه دلالها
عقبال ما نشيل عيالها
محروسين بنور الاسلام

ياجريد النخل العالى ميل وارمى السلام =ميل وارمى السلام

http://img174.imageshack.us/img174/1...lololyyuv4.gif

ومشاركة فى العرس الجميل ده

هاوريك كيف يحتفل اهلى الريف

مش القاهرين بنوارة المنتدى شريف


يوم التنجيد والاثاث

يبدأ الفرح بـ (ليلة التنجيد) حيث يجتمع أهل العروسين للإعلان عن بداية الأفراح واقتراب موعد الزفاف وهنا نسمع أغاني خاصة بهذه المناسبة فنسمع مثلاً
ما تعلي باب الأوضة يا واد يا بنا…
وعلي باب المندره يا واد يا بنا…
وعلي باب القاعة يا واد يا بنا…

ثم تأتي ليلة (نقل الأثاث) من منزل العروسة إلي عش الزوجية، فتنطلق الزغاريد والأغاني من فوق السيارات التي تحمل الأثاث ويبدأ الجميع في الغناء من حول السيارات فنسمع :

افرحي يادي الاوضة.. جياكي عروسه موضة...

افرحي يادي المندرة.. جياكي عروسه سكرة...

افرحي يادي القاعة.. جياكي عروسه الساعة...

وما أن يقتربوا من المنزل الذي سيجمع العروسين حتى نسمع :

رشوا الشارع ميه.. عروسة الغالي جاية .

رشوا الشارع كاكولا.. عروسة الغالي منقولة.

ايوة يا حارة ضالمة .. أجنا اللى نورنا

أيوة يا حارة هس هس .. أحنا اللى عمالنلكم حس



ليلة الحنة


تتغنى السيدات طلبا للعريس

بس الوله يجي.. بس الولة يجي...


يجي عالمحطه.. وادبحلوا بطة...


يجى عند دارنا .. وادبحلة حمامنا ، واشاورلة يجى


يجي عالتسريحة.. وأحطلوا ريحه...



أما في منزل العريس فالأمر لا يختلف كثيراً فنجد فيه (حفلة وداع العزوبية) وهنا نجد أصدقاء العريس يغنون له فيقول أحدهم



حلال عليك ست الحلوين.. عرفت يا عريسنا تنقي...



رشوا الملح يا ناس م العين.. ورقصوني ده أنا من حقي...



الليلة ليلة هنا وسرور.. وكوبيات في صواني بدور...



ومالناش دعوة باه الكوبيات دي فيها إيه

أدحرج واجري يا رمان


ونصل إلي ليلة الفرح الكبرى .. ليلة الزفاف أو ( ليلة الدخلة ) .. فالأنوار معلقة في بيت العروسين .. أصدقاء العروسة يحيطون بها في إحدى غرف المنزل حيث تجلس بين يدي " الكوافيرة " فتنطلق أغنية


ما تزوقيني يا ماما.. قوام يا ماما...


ده عريسي هايخدني.. بالسلامه يا ماما...


ومتعرفش بصراحة هي مستعجلة علي إيه،

لكن لها عذرها

ما عريسها هو شريف النوارة




أما بيت العريس فترى نفس المشهد , فأصدقاؤه يحيطون به وهو يرتدي ملابس الفرح وهنا نسمع




يا أولاد بلدنا يوم الخميس..



ها كتب كتابي وابقي عريس..



الدعوة عامة وها تبقي لمة..



وها يبقي ليه في البيت ونيس... يا أولاد بلدنا.




أما في الليل تنطلق الزفة وتبدأ بزغاريد متتالية ثم يبدأ الغناء من الجميع، فقد وصلت الفرحة ذروتها، فعلي نغمات الفرق الموسيقية نسمع :



بسم الله الرحمن الرحيم وهنبدأ الليلة.. آه.. آه ..



دة عريسنا الزين كحيل العين وعروستة حلوة وجميلة
حنقول يا ليل، ونقول ياعين..
حصوة في عينك ياللى
ياللى ما تصلى ، ماتصلى على النبى
ثم يبدءون في



صلي.. صلي.. ع النبي صلي



واللي ما يصلي أبوه أرملي.. صلي



وكذلك



أدحرج واجري يا رمان.. وتعالي علي حجري يا رمان..



دانا حجري حنين يارمان.. يخدك ويميل يا رمان..




ونسمع اشهر الأغاني الشعبية



دقوا المزاهر يلا.. يأهل البيت تعالوا



جمع ووفق والله.. وصدقوا اللي قالوا



عين الحسود فيها عود يا حلاوة..



عريس قمر وعروسته نقاوة..



واحنا الليلة دى كدنا الأعادي.




وعند توصيل العروسين تزف العروسة بـ



طالعة السلالم يا مشا الله عليها..



ست العرايس والعريس في أيديها.




المنافسة مشتعلة



أما الطريف أننا نسمع أغاني كثيرة تعبر عن المنافسة بين أهل العريس أهل العروسة فلكل جانب أغنياته.



فأهل العريس ينشدون



خدناها ..خدناها ..



طلبناها م الصيف الماضي.. وأبوها ما كنش راضي..



وعلشنها بعنا الأراضي.. الحلوة اللي كسبناها..



خدناها بالملايين.. وهما ما كـنوش راضيين..



علشنها بعنا الفدادين.. الحلوة اللي كسبناها.




أما أهل العروسة يغنون



اوعيلوا يابت اوعيلوا.. الضابط يبقي زميله...



اوعالها يا واد اوعالها.. ده العمدة يبقي خالها...



وتستمر هذه الأغاني وسط فرحة الأهل والأحباب حتى تنتهي الزفة ومعها تنتهي الأغنيات في هذه الليلة لتبدأ في مكان آخر إعلانا عن ميلاد فرحة جديدة في منزل جديد .




وانتظرونى فى اغانى الفرح


:18:

ههههههههههههههه
والله ياحلام اردهالك ان شاء الله فى فرح احمد وادم والعروسه ربنا يخلى لم اتذكر اسمها ابقى قولهولى

تسلمى ياخيتى :18:

ولانتحرم منك ابدا ومتخلصيش الاغانى كلاتها مرة واحده

علشان الفرح اربعين يوم

وجميله منك والله ولفته ايه عسل:27:
تسلمى ياغاليتى :6:

اية يا شريف

هو انت مش معبرنى لية ؟

يا ترى سمعت النشيد اللى انا اهديته لك ؟

وشوفت ابيات الشعر اللى انا سرقتهالك ؟

اية يا عم شريف ؟؟

دا انا بحبك