حد أخد المكافأة

السلام عليكم ورحمة الله وبركاته
الزملاء الأفاضل
كان موعدنا مع المكافأة أن يتم صرفها مع المثبتين
وتم صرفها لهم أمس

وقالت لنا صاحبة الصرف أن الشيك الذي يخصنا لم يتم إمضاؤه من الوزير
ولا نعلم لماذا؟؟؟؟؟؟؟؟؟؟؟؟؟؟

طيب هل فعلا هيمضيه؟؟؟
وهل فيه أحد من الزملاء صرف المكافأة في أي محافظة؟؟؟؟

أرجو الرد

إيه ياجماعة
36 مشاهدة ومفيش ولا رد واحد؟؟؟؟!!!!!!!!!!!!!!!!!!!

دة حتي الرد بسيط ومش هياخد منكم وقت
آه أخدناها
أو لأ مخدنهاش
أو سمعنا كذا

برده في إنتظار ردودكم

آه نسيت أقولكم إني من محافظة الإسكندرية

الزميله العزيزه اسماء فعلا فى محافظات صرفت المكافئه من كام يوم ومنها محافظه حلوان والقاهره بس مش عارفه باقى المحافظات اخبارها ايه بس الاكيد العطله من السكرتيره عندك فى المدرسه لانى احنا المفروض كنا قبضناها من فتره لكن السكرتيره كانت فى اجازه طويله فترتب على كده تاخير مرتب الشهر والمكافئه وان شاء الله اسمع منك اخبار كويسه انك قبضتى مكافئتك وربنا يباركلك فيها
لكى منى اجمل تحيه

انا من محافظه سوهاج صرفت المكافأه يوم18/7 وكانت 1608ج

أنا من محافظة 6 أكتوبر
وأخدنا المكافأة يوم 5/7/2010 وكانت 1607جنيها
وأخدها أيضا المدرسون بالاجر وكانت نفس القيمة لمن عمل العام كاملا

انا من محافظة الغربية و قبضت المكافأة 1570 و نص عشان هما خصموا مننا فلوس النقابة و مبروك علينا كلنا

جزاكم الله خيرا علي مروركم
وعلي ردودكم

أيوة كدة طمنتوني
أنا كنت خايفة نكون مش هناخدها السنة دي

بس لو حد من اسكندرية كمان يرد يعني زيادة في الإطمئنان
:)

وربنا يباركلكم فيها

اقتباس:

---

المشاركة الأصلية كتبت بواسطة aa_mm;[SIZE=3

360605][/SIZE]الزميله العزيزه اسماء فعلا فى محافظات صرفت المكافئه من كام يوم ومنها محافظه حلوان والقاهره بس مش عارفه باقى المحافظات اخبارها ايه بس الاكيد العطله من السكرتيره عندك فى المدرسه لانى احنا المفروض كنا قبضناها من فتره لكن السكرتيره كانت فى اجازه طويله فترتب على كده تاخير مرتب الشهر والمكافئه وان شاء الله اسمع منك اخبار كويسه انك قبضتى مكافئتك وربنا يباركلك فيها
لكى منى اجمل تحيه

---

شكرا ليكي علي ردك الجميل دة
:6:

استاذه أسماء انا من الاسكندريه ادارة برج العرب وصرفت المكافاة 1590 جنيه يوم الاربعاء 14/7/2010

اقتباس:

---

المشاركة الأصلية كتبت بواسطة أسماء عبد اللطيف

شكرا ليكي علي ردك الجميل دة
:6:

---

انتى الى جميله وابقى طمنينا عليكى لما يصرفو ليكم المكافئه عشان نباركلك
لكى منى اجمل تحيه:6: :38:

انا من الفيوم وخدناها من اول الشهر

السلام عليكم
متقلقيش يا استاذه / أسماء
التأخير بس في الصرف من عندك
احنا في دمياط اخدناها من قبل امتحانات الثانويه العامة"1570"
عشان خصومات العلاوة الخطأ
ان شاء الله لما تاخديها تطمنينا

انا محافظه الشرقيه واخذنا المكافاه 1570ج اداره بلبيس

انا محافظه أسيوط وإحنا لسه ما أخدناش المكافأه

ربنا يطمنكم كلكم وتاخدوها وتسعدو بيها ان شاء الله وابقو طمنونا عليكم
مع ارق وبالغ تحياتى بكل التوفيق والنجاح للجميع

اقتباس:

---

المشاركة الأصلية كتبت بواسطة البحيرى

أنا من محافظة 6 أكتوبر
وأخدنا المكافأة يوم 5/7/2010 وكانت 1607جنيها
وأخدها أيضا المدرسون بالاجر وكانت نفس القيمة لمن عمل العام كاملا

---

أنا من محافظة الغربية إدارة قطور التعليميه وعملت العام كاملا بدون غياب وشيلت المدرسه على راسى والحمد لله قبضت طول الترم الاول 95 جنيه والترم التانى حوالى 115 جنيه والمكافأه لسه قابضها فى البيت ماتصرفتش " 101 مائه وواحد جنيه فقط لاغير " فين بقه ال 1607 جنيه حراااااام

والله مابكذب فى كلمه وفيه مدرسين بالحصه عارفين كده كويس
لما اقبض ترم كامل 95 جنيه من نص 10 تقريبا احسبو انتم بقه الشهر بكام

:28::28::28::28:
:28::28::28:
:28::28:
:28:

سامح بلال /دسوق /كفر الشيخ /اخذنا المكافا 26/7 اليوم يساوى 9 جنيه بحد اقصى 1800

المكافأة عندنا 1572 :24::24::24::24:

المكافأة في حلوان 1573

انا من البحيرة واخدناها اول الشهر

جزاكم الله خيرا علي مروركم وردودكم
وأحب أفرحكم إني أنا كمان أخدتها
يوم 31/7
الحمد لله
بس مخصوم منها 40 جنيه عشان النقابة
مع إنهم مش عاوزين يدونا كارنيهات النقابة غير لما يشوفوا فيه تثبيت ولا لأ

الله المستعان