بشرى عظيمه جدا

اللى نجح فى الكادر واخد دورة (الاى سى دى ال )يعتبر نفسه متثبت وكمان مرتبك هيوصل 500 جنيه الكلام ده من وزير التربيه والتعليم نفسه لمصادر موثوق فيها لكن لسه مفيش اعلان رسمى لكده بس هيعلنو قريب وده حسب قانون الوظايف الجديد اللى هيطبق قريب
:38::18::27:

اللى واخد الدورة والا اللى معاه شسهادة icdl

والله احنا غلابة قوى برده لسه فى حد بيقول تعيين طب كلنا والحمد لله نجحنا وانا اراهن على مليون جنيه اننا عمرنا ما حنتعين واخرتها ان المرتب خيزيد بس وبرده حيتعملنا عقد بمعلم وحيبقى بشروط ومدة محددة وبينى وبينكم الايام هى اللى حتثبت والوزارة بتتعامل معانا بمبدأ اللى يلاقى عبيط وما يستعبطوش ربنا يحاسبه

والله عندك حق

هو احنا كام عبيط؟

يــــــــــــــــــــــــارب يكون الكلام دة صح علشان الفرحة تكمل

والله ياجماعه تفائلو خيرا تجدوه
ليه واحد صاحبى دخل امتاحن كادر وجاوب كويس جدا بس فضل يقول هيسقطونا هيسقطونا مش هننجح وفعلا منجحش واللى كان متفائل خير نجح والحمد لله ماتعملوش فى نفسكم كده
ومفيش دليل واحد بيدل على انه مفيش تثبيت كل الادله بتدل على التثبيت قريب جدا واحسبوها بالعقل

ايه دى من شروط التعيين فى وظيفة معلم دورة icdl

يا جماعة انشاء الله تثبيت وبعدين كل التصريحات من الدكتور صفوت النحاس والدكتور درويش بتقول انه تعيين لأن مجلس الدولة رفض أن يكون نظام التعينات في مصر بالعقود وأقر أن التعيين هو طريقة شغل الوائف في مصر فانشاء الله خير

كلامى طلع صح طبعا
التثبيت من عند درويش والنحاس

واوعدكم بمزيد من الاخبار الصادقة

اقتباس:

---

المشاركة الأصلية كتبت بواسطة طارق الشعواطى

كلامى طلع صح طبعا
التثبيت من عند درويش والنحاس

واوعدكم بمزيد من الاخبار الصادقة

---

على فكرة طريقة كلامك دى علشان تثبت لغيرك انك الاصح ده اكبر غلط لان ده معناه عدم نضج اولا انت بتعمل خدمة للناس هنا مش علشان تبين انك الاحسن والاصدق وياريت يكون خدمة للناس مش تظاهر لحد :16:

اقتباس:

---

المشاركة الأصلية كتبت بواسطة طارق الشعواطى

كلامى طلع صح طبعا
التثبيت من عند درويش والنحاس

واوعدكم بمزيد من الاخبار الصادقة

---

ايه يا استاذ كلامى طلع صح طبعا!!!!!!!!!ايه كمية النرجسية والغرور ده كلامك وصح وطبعا
ايه هو انت صاحب التصريحات وايه كبير متعاقدى الازهر انت مين اعطاك هذا اللقب انت متعاقد مثل الجميع لافرق بينك وبين اى متعاقد وايه موضوع المنطقة الازهرية بسوهاج ايه انت وكيل وزارة!!!!!!!!! مش مدرس بالعقد فى معهد ازهرى
على فكرة اول خبر شوفته ليك كان يوم الجمعة قلت النتيجة السبت ومع ذلك محصلش وتانى يوم (اى السبت قلت الاحد)) وصدفت معاك
والتثبيت من عند درويش والنحاس ((اولا انت ازهرى المفروض تقول التثبيت اولا من عند الله )) اما التثبيت فى العمل من عند درويش والنحاس اذا كان درويش جميع تصريحاته على العقود ويرفض التعيين((والتثبيت))نهائيا ولا يريد الااستمرار العقود فى كل المصالح علشان كاره يدى معاش لاى حد والنحاس مثله كل تصريح له يرجع ينفيه ويقول عكس تماما

تحلوا بالصبر اخوتى ولنركز فى مستقبلنا ولندع الامور الجانبية

اعتمد الأستاذ الدكتور أحمد زكى بدر، معالى وزير التربية والتعليم، رئيس مجلس إدارة الأكاديمية المهنية للمعلم، نتائج اختبارات المعلمين المساعدين المؤهلة لمنح رخصة مزاولة مهنة التدريس، والتى بموجبها ستقوم الوزارة بتسكينهم على الدرجة الوظيفية "معلم"، طبقاً لقانون الكادر الخاص، وبلغت نسبة النجاح 89.5% من إجمالى معلمى التعليم العام البالغ عددهم 71 ألفاً و240 معلماً خاضوا الاختبار فى 20 نوفمبر الماضى.
فيما حقق معلمو الأزهر الشريف الذين خاضوا نفس الاختبارات، وعددهم 18 ألفاً و648 معلماً، نسبة نجاح 88.5%، فيما بلغت نسبة من لم يجتازوا الاختبار منهم 10.9 % من إجمالى الحضور، ومعظمهم لم يحقق نسبة اجتياز الاختبار بمادة واحدة فقط.
أما المعلمون الذين لم يتمكنوا من اجتياز أكثر من مادة فبلغت نسبتهم بين معلمى التعليم العام 0.12 %، و0.1% بين معلمى الأزهر الشريف.
وتشير النتائج إلى تقارب مستوى المعلمين المساعدين فى التعليم العام والأزهر الشريف، فضلاً عن ارتفاع مستواهم فى الإجابة عن أسئلة مواد الاختبار الأربعة، وهى مهارات التواصل باللغة العربية، والكفاءة فى اللغة الإنجليزية، ومادة التخصص والكفاءة التربوية.

ربنا يبشرك
ويكون كلامك صح

لو الكلام دا صح يبقى كله تمام لو الحكومة استهبلت وعملت عقود يبقى احنا ملناش لزمة عاوزيين يبقى لينا شخصية كفاية حرررررررراااام علينا لازم نعمل حاجة لانقف مكتوفى الايدى ارجوكوا لابد ان نتكاتف ارجوكوا كفاية عدم الامبالاة ده ( سبحان الله وبحمدة سبحان الله العظيم)

ياريت رد الاستاذ احمد شلقامى

............فى البداية مبروك النجاح لكل الناجحين
وثانيا بلاش خلافات المهم ان كلنا هدفنا مصلحة بعض
وثالثا يا رب الكلام ده يكون حقيقى ونتثبت كلنا اللهم امين

مبروك للناجحين وتفاءلوا بالخير
وعليكم بالدعاء لعل الله يستجيب لاحدنا

يا جماعه انا متفاقلة خير ان شاء الله
احنا صبرنا كتير وان شاء الله هيكون خير ونتعين باذن الله

افتكر كده احنا عملنا اللى علينا
كلية تربيه
تقدير جيد جدا
شغل وبنشتغل على اكمل وجه
كادر ودخلنا وانجحنا
دورة icdl واخدناها
بقالنا سنتين شغالين
عاوزين ايه تانى
باقى بقى الحكومه تعمل اللى عليها
التثبيت والمرتبات
اصل بعد كده هننشأ جماعة عايز حقى للمدرسين المتعاقدين

إن الله لايضيع أجر من أحسن عملا

اقتباس:

---

المشاركة الأصلية كتبت بواسطة ابو عمر السعدنى

اللى واخد الدورة والا اللى معاه شسهادة icdl

---

وايه الفرق؟؟
ما اللى خد الدورة معناه معاه شهادة بذلك
ههههههههههههه

اقتباس:

---

المشاركة الأصلية كتبت بواسطة محمد مهدى

افتكر كده احنا عملنا اللى علينا
كلية تربيه
تقدير جيد جدا
شغل وبنشتغل على اكمل وجه
كادر ودخلنا وانجحنا
دورة icdl واخدناها
بقالنا سنتين شغالين
عاوزين ايه تانى
باقى بقى الحكومه تعمل اللى عليها
التثبيت والمرتبات
اصل بعد كده هننشأ جماعة عايز حقى للمدرسين المتعاقدين

---

وانا معاك
وغير كده دورة فى طرق تدريس((شوفت الحلاوة خريج تربية وبياخد دورة فى طرق تدريس تبع الوزارة ونقول ونصرخ يا جماعة احنا تربويين يعنى درسنا طرق تدريس فى الكلية بتوسع)) غير دورة انتل
هو اللى ناقص انها تطلب مننا
عجين الفلاحة
وعجبى
عايز حقك !!!!!!!!!

اقتباس:

---

المشاركة الأصلية كتبت بواسطة محمد مهدى

ايه دى من شروط التعيين فى وظيفة معلم دورة icdl

---

هو حضرتك من الهند
ممكن استلف الفيل اروح به المدرسة

ارجوكم الصبر وعدم القلق
احنا نجحنا لينا حوالى اسبوع ليه الاستعجال
وبعدين ايه الخلافات اللى بين الاعضاء علشان النتيجة ؟
وعلى الفكرة التثبيت قرار مجلس وزراء لا تقولى وزير ولا محافظ

اخيكم محمد حسنى اول مشاركة لى بالمنتدى

ارجو ان نكون اصدقاء

منهم لله المتشائمين

لو سمحتو تبطلو التشائم وبوادر التثبيت ظهرت اهه فى الخبر اللى اعلنته جريدة الشروق وان الله مع الصابرين

الله يفقرك يا احمد يادرويش متلقيش فلوس تروح للدكتور زينا يارب يكون مرتبك 300 جنيه زينا وورينا بشطارتك هتعمل بيهم ايه طبعا يدوب تديهم بقشيش للشغال اللى عندك

ان شاء الله كلنا هنتعين هم هيروحوا مننا فين يعنى لو فضلوا يعذبونا كده هنسكت لهم

يا جماعة تفائلو خير ان شاء الله وبعدين وكيل الوزارة جالنا فى تدريب من فترة صغيرة وقال ان اللى هينجح فى الامتحان هيقدر ياخد اجازة ويسافر فى اى مكان براحتو للخارج يعننى ...طيب انتو امتحنتو ونجحتو الحمد لله امال احنا اللى لسه مش امتحنا اصلا نعمل ايه بس انا متفائلة خير ان شاء الله وربنا مبيضيعش تعب حد

يارب التثبيت من عندك وزيادة المرتب قولو امين

آميييييييييييييييييييييين يارب
والله انا متفاءلة خير ان شاء الله نتثبت لان المدارس كلها دلوقتى معاقدين اكثر من الاساسين

بشرووووووووووووووووو ولا تنفرووووووووووووو
لا مفر من التثبيت

الصبر مفتاح الفرج

الصبر مفتاح الفرج

ربنا يسهلها علينا كلنا ياارب

"واصبر وما صبرك الا بالله "


المهم ياجماعة أتي نكون يد واحدة عشان نكتب أسمينا بالقلم الجاف

تصدقو انا لسه ماضيه العقد واحد عشرة 2010 ومن كتر الاخبار والمواضيع هنا اتخنقت من العقد المميز وبقيت حاسه ان المستقبل اسووووووووووووووووود
اهدو يا جماعه كده واللى عندو خبر اكيد يقولو واللى معندوش يسكت بلاش اللعب باعصابنا كده كل يوم توبيك هنتثبت وتانى يوم مش هنتثبت
ودا كلو ومعداش عليا غير تلات شهور بس

سبحان الله وبحمده عدد ما كان وعدد ما يكون وعدد ما بين الحركة والسكون.