تثبيت المتعاقدين

اقتباس:

---

المشاركة الأصلية كتبت بواسطة mike

يا استاذ محمود فى الادارة اخيرا اخدوا مننا الاوراق الخاصة باستمارة معلم وقبل ما نبعتها اخيرا وافقت 3 جهات على ختمها وهى ( الشئون المالية والادارية _ غرفة التعيينات ال فى الدور الثانى _ رئيس قطاع ال فى مدرسة الجلاء بيسرى راغب ) واخذوا الورق فى الاحصاء بعد عناء استمر اكتر من اسبوع . وادى ايميلى يا محمود michael_812003@yahoo.com

---

ياريت ياستاذ ميشيل لو اميل اسكاى بى ونا برضه هاضيف الياهو وده تلفونى 0102830954

للاسف ليس ادى ايميل سوى على الياهو وشكرا على رسالتك وربنا يوفقنا جميعا بأذن الله لان كلنا فى مركب واحد.

انا سمعت ان في ادارات طلبت من المتعاقدين ورقه افاده هي عباره عن طلب بخطك يمضي عليه مدير المدرسه علي موافقته علي انك تصبح معلم ودي لاستكمال التثبيت

لنا الله فوق كل شئ وعلى كل ظالم هو قدير وهو المعين لنا الله
ولا حول ولا قوة الا بالله العلى العظيم

:38::38:
الى اقدر اقوله فى الايام الى احنافيها دى كل شىء جايز
ممكن يتخبطو فى دماغهم ويثبتونا وميكونش كلام بس يكون فعل
انا معايا ماجستير ومع ذالك زى زى غيرى مش عارف ليه بيحصل كل ده
يارب يتغير كل ده
:38:
:18:

يسمع منك ربنا يا استاذ نوسنوس

انا عاوز اعرف هو لازم دبلومه تربويه لخريجى اداب علشان يتم تجديد العقد بعدذلك

السلام عليكم
على فكرة انا قلت لمتعاقد فى الازهر على الرقم التامينى قالى انا عامله من سنه

حسبنا الله ونعم الوكيل

علي العموم يجماعه انا بصراحه عندي إحساس إنه هيكون فيه أخبار جديده عننا اليومين الجايين دول أو خلال الفتره القادمه خاصة بعد إنتهاء إمتحانات الثانوية العامه
وإنتهاء معظم المعلمين من إمتحانات التوفيق بس إحنا ما نملكش غير شئ واحد هو الدعاء بأن ربنا يوفقنا جميعا ويحقق جميع أحلا منا وطموحتنا يااارب

وأشار الجمل إلى تسكين ٨٠ ألف معلم مساعد، وهم الذين تم التعاقد معهم فى يناير ٢٠٠٨ ومضت سنة أو أكثر عليهم، ويحق لهم وفقا للقانون التقدم لوظيفة معلم مساعد،

لافتا إلى أن هناك ٤ شروط يجب أن تتوافر للتسكين فى وظيفة معلم مساعد وهى إجادة اللغة الإنجليزية والحصول على شهادة «icdl» وتقرير فنى من مدرسته والتوجيه الفنى، فضلا عن اجتياز الاختبارات الثلاثة وهى المجال التربوى واللغة العربية ومجال التخصص.

هذا الخبر نازل في جريدة المصري اليوم بتاريخ 23-7-2009وانا مش فاهم منة شيء اما كاتب الخبر كان نايم او سيادة الوزير كان نايم والخبر هيجنني لأني مش فاهم منة حاجة الرجاء اللي فاهم شيء يوضحلي الموضوع

عادى خالص الخبر فيه غلطه مطبعيه......
محدش يهتم بقراءة الجرائد ولا يسمع أى أخبار .... لأن اللى بيحصل حاجه والتصريحات والأخبار حاجه تانيه خااااااااااااااااااااااااالص .........

انا بحلم بالتثبيت عشان الاستقرار سمعنا كلام كثير وصحابى وكلنا مش متفائلين الكل عاوز يرسي على بر ومش لاقيه لانه بيبص بيلقى بردو نفسه فى وسط البحر

حراااااااااام عليكم ثبتونا كفاية كدا ضحك علينا

احنا احسن من اللى واخد اعدادية ومدرسين مثبتينااحناتربوى:16:

ليس لهم راى

بلاش تربط الجواز بالتثبيت ...........دي نصيحة ..............وانا عارف إل هيحصل .........وانت حررررررررررررر

اقتباس:

---

المشاركة الأصلية كتبت بواسطة abo_amar20179

بلاش تربط الجواز بالتثبيت ...........دي نصيحة ..............وانا عارف إل هيحصل .........وانت حررررررررررررر

---

هو يقصد استقرار وظيفى مش استقرار عائلى

انتو بتدورو ع التثبيت وانا لسه بدور على العقد المميز

انا اشتغلت سنه مكافئه شامله وكان المفروض نتاخد في عقود 7 المنصرم ولكن للأسف خدو من برا

ممن كانو لا يعملون معهم مسبقاً

هما 3 نقاط غير قابلين للمناقشة أو التفاوض
1- دبلومة تربوية لغير خريجى كليات التربية
2- مضى أكثر من عام كمعلم مساعد
3- ال icdl وده شرط مستحدث لا نقاش فية
هتلف الايام وتدور والكل هيعرف ان ال 3 شروط فقط وليس شيئ اخر هم شرط التثبيت ولا يوجد شرط اجادة اللغة الانجليزية وسبق ان كتبت موضوع عن التقارير السرية ومرضى وغير مرضى وهم لا شيء

اقتباس:

---

المشاركة الأصلية كتبت بواسطة mike

هتلف الايام وتدور والكل هيعرف ان ال 3 شروط فقط وليس شيئ اخر هم شرط التثبيت ولا يوجد شرط اجادة اللغة الانجليزية وسبق ان كتبت موضوع عن التقارير السرية ومرضى وغير مرضى وهم لا شيء

---

من ناحية انه دي هي الشروط فأنا معك تماما اما من ناحية انه مفيش شرط إجادة اللغة الانجليزية فلو كنت تقصد انه لا يشترط ان تحصل على شهادة خاصة باللغة فأنا اتفق معك انما الموجود انك هتمتحن في اربع مجالات
1- مهارات اللغة العربية
2- المهارات التربوية
3- ماة التخصص
4- مهارات اللغة الانجليزية
ودا اللي ورد بالمنشور اللي المفروض يكون وصل شئون العاملين بمديريات التربية والتعليم واطلعت بنفسي على نسخة منه ولو قدرت ارفع نسخة هاحاول ارفعها او يرفعهااي حد يقدر يجيبها

اقتباس:

---

المشاركة الأصلية كتبت بواسطة mus2008eg

من ناحية انه دي هي الشروط فأنا معك تماما اما من ناحية انه مفيش شرط إجادة اللغة الانجليزية فلو كنت تقصد انه لا يشترط ان تحصل على شهادة خاصة باللغة فأنا اتفق معك انما الموجود انك هتمتحن في اربع مجالات
1- مهارات اللغة العربية
2- المهارات التربوية
3- ماة التخصص
4- مهارات اللغة الانجليزية
ودا اللي ورد بالمنشور اللي المفروض يكون وصل شئون العاملين بمديريات التربية والتعليم واطلعت بنفسي على نسخة منه ولو قدرت ارفع نسخة هاحاول ارفعها او يرفعهااي حد يقدر يجيبها

---

ايوة هيبقى فى اختبار فى مهارات اللغه الانجليزية بس مش تبع امتحان الكادر هيبقى لوحده وبرضو لو كان فى ضعف فى اللغه لدى احد المدرسين هيبقى فى تدريب

والله اعلم

الحقيقة انه مع احترامى للمنشور الصورى ده ال نزل ومع انى مدرس لغة انجليزية لكن برضه بقول لا انجليزى بمعنى انه امتحانات الكادر مش فى الانجليزى ولكن ممكن يكون فى اختبارات صورية قبل ذلك لمعرفة مدى الالمام بالانجليزى بس دى هيكون فيها غش يعنى ايه ؟ يعنى لو حصل هتكون سهلة جدا + ان كل مجموعة اكيد هيكون فيها حد تربية انجليزى وهيغشش الباقى وانا متأكد مما اقول ----------- ده فى حالة اصلا م يعملوا امتحان لغة انجليزية وممكن يتعمل فى المدارس التابع لها المدرسين والمديريين هيخلوهم يغشوا علشان الدنيا تمشى وهتشوفوا .

اقتباس:

---

المشاركة الأصلية كتبت بواسطة mike

الحقيقة انه مع احترامى للمنشور الصورى ده ال نزل ومع انى مدرس لغة انجليزية لكن برضه بقول لا انجليزى بمعنى انه امتحانات الكادر مش فى الانجليزى ولكن ممكن يكون فى اختبارات صورية قبل ذلك لمعرفة مدى الالمام بالانجليزى بس دى هيكون فيها غش يعنى ايه ؟ يعنى لو حصل هتكون سهلة جدا + ان كل مجموعة اكيد هيكون فيها حد تربية انجليزى وهيغشش الباقى وانا متأكد مما اقول ----------- ده فى حالة اصلا م يعملوا امتحان لغة انجليزية وممكن يتعمل فى المدارس التابع لها المدرسين والمديريين هيخلوهم يغشوا علشان الدنيا تمشى وهتشوفوا .

---

ايوة صح هى هتبقى صورية
وعندى احساس كمان ان دورات ال icdl كله هيبقى ناجح
والله اعلم

يا استاذة رحاب لا تنسى انه يوجد فى كل محافظة عدد ضخم من المعينيين بالتعاقد عن طريق :
عضو مجلس شعب
والبعض تعين صدفة وله اقارب فى المديرية أو الادارة
كل هؤلاء يشكلون اشبه ب مراكز اصحاب القرار الداخلى : يعنى ايه : يعنى دول لان لهم اشخاص معينيين كمعلم مساعد : هم بنفسهم من سيضغطون لجعل كل شيئ صورى لتمرير تعيين اقاربهم بسهولة : بصي تمام زى م حصل فى التدريب ال كان عشر ايام قالو للمدربين اهم حاجة الحضور واعطوا الكل درحات فوق ال 90 من 100 : نفس الشيئ فى تقرير مرضى وغير مرضى : الكل متغاظ من الوزير وعايز يمشى حاله علشان يحصل استقرار داخلى فى محافظته : اقصد هنا وكلاء وزارة المحافظات . ارجو ابداء رأيك فيما اقول يا استاذة رحاب

اقتباس:

---

المشاركة الأصلية كتبت بواسطة mike

يا استاذة رحاب لا تنسى انه يوجد فى كل محافظة عدد ضخم من المعينيين بالتعاقد عن طريق :
عضو مجلس شعب
والبعض تعين صدفة وله اقارب فى المديرية أو الادارة
كل هؤلاء يشكلون اشبه ب مراكز اصحاب القرار الداخلى : يعنى ايه : يعنى دول لان لهم اشخاص معينيين كمعلم مساعد : هم بنفسهم من سيضغطون لجعل كل شيئ صورى لتمرير تعيين اقاربهم بسهولة : بصي تمام زى م حصل فى التدريب ال كان عشر ايام قالو للمدربين اهم حاجة الحضور واعطوا الكل درحات فوق ال 90 من 100 : نفس الشيئ فى تقرير مرضى وغير مرضى : الكل متغاظ من الوزير وعايز يمشى حاله علشان يحصل استقرار داخلى فى محافظته : اقصد هنا وكلاء وزارة المحافظات . ارجو ابداء رأيك فيما اقول يا استاذة رحاب

---

بصراحه معنديش فكرة عن الموضوع ده
بس هو اكيد صحيح مش هنكر انه موجود ولو كان كده فعلا يبقى مصلحتنا برضو
وبعدين هو اصلا ميقدرش يستغنى عن اى متعاقد ولو عين واحد لازم يعين الكل

اقتباس:

---

المشاركة الأصلية كتبت بواسطة rehab_desokey

بصراحه معنديش فكرة عن الموضوع ده
بس هو اكيد صحيح مش هنكر انه موجود ولو كان كده فعلا يبقى مصلحتنا برضو
وبعدين هو اصلا ميقدرش يستغنى عن اى متعاقد ولو عين واحد لازم يعين الكل

---

هو فعلا لو عين واحد لازم يعين الكل ده اكيد بس بخصوص ميقدرش يستغنى عن اى متعاقد فدى فيها اختلاف لان (الدواليب) والادراج مليانة تظلمات ويتمنوا يتعينوا معلم مساعد باى شكل / ما دام فيه كلمة مساعد يبقى فى خطر . عايزينها معلم ويزول الخطر
وشكرا على الردود والاستفادة من جميع الاراء .

ياعم مايكل انا مش فاهم حاجة مجاش اى منشور عندنا وبعدينكده معناه اللى جاهز يتقدم للحصول على الرخصة رخصة معلم طيب فين كلام اللى كملو سنة هما اللى هايتثبتوا انا بجد خلاص مش فاهم حاجة

اقتباس:

---

المشاركة الأصلية كتبت بواسطة محمود محمد كامل القوصى

ياعم مايكل انا مش فاهم حاجة مجاش اى منشور عندنا وبعدينكده معناه اللى جاهز يتقدم للحصول على الرخصة رخصة معلم طيب فين كلام اللى كملو سنة هما اللى هايتثبتوا انا بجد خلاص مش فاهم حاجة

---

انت عارف ان مفيش حاجة اسمها( ال جاهز بورقه يتقدم )مع محافظ اسيوط ف يا استاذ محمود انت عارف ال فيها وعارف مين معطل النشرات وليه . كل ال اقدر اقولهولك ان كل متخلص من ورقة اعمل منها نسخة وروح ارميها فى غرفة التعيينات لغاية م السماء تمطر بمعجزة وتشيل المحافظ

النشرات وصلت عندنا الادارة ياعم مايكل اهو حاجة كوييسة

اقتباس:

---

المشاركة الأصلية كتبت بواسطة محمود محمد كامل القوصى

النشرات وصلت عندنا الادارة ياعم مايكل اهو حاجة كوييسة

---

انا كل ال سمعته ان الاساسى لدخول الامتحانات او التثبيت ال icdl وال تربوى ؟ قولى
هل علقوا شيء فى ادارتكم فى القوصيه؟ لان فى ادارة اسيوط مفيش حاجة ؟ ارجو الرد بسرعة قدر الممكن . شكرا

:18:السلام عليكم ياجماعة
أنا زميلة جديدة لكم اعمل معلم مساعد مثلكم وعاوزه انصح الزملاء انهم ضرورى ياخدوا دبلومة تربوى ويسجلوا فيها اليومين دول لان ده شرط اكيد ليس فى التثبيت فقط لكن فى استمرار التعاقد معنا .......

حصلت اخيرا على الورق الذى وصل عدة محافظات وهم 5 ورقات وال icdl اربع مستويات فقط (تأتى بما يفيد انك اخذتهم) هكذا مكتوب . بس للاسف الشيء المحزن ان لازم فيه اختبار اجادة اللغة الانجليزية +كفاءةتربوية+مادة التخصص+ اللغة العربية
للاسف ال 4 مكتوبين جنب بعض كده فى الورق بطريقة 1234 ------- بس مفيش حاجة بخصوص محو الاميه ولا اى حاجة بخصوص ان المحافظ يمضى على التعيينات .
(internet*powerpoint*word*windows) والورق مليان بنود ملهاش اول من اخر بس اغلبها صورى او ورق جمعوه فعلا فى الادارات عند تعيين المتعاقدين
والله الموفق

اقتباس:

---

المشاركة الأصلية كتبت بواسطة mike

حصلت اخيرا على الورق الذى وصل عدة محافظات وهم 5 ورقات وال icdl اربع مستويات فقط (تأتى بما يفيد انك اخذتهم) هكذا مكتوب . بس للاسف الشيء المحزن ان لازم فيه اختبار اجادة اللغة الانجليزية +كفاءةتربوية+مادة التخصص+ اللغة العربية
للاسف ال 4 مكتوبين جنب بعض كده فى الورق بطريقة 1234 ------- بس مفيش حاجة بخصوص محو الاميه ولا اى حاجة بخصوص ان المحافظ يمضى على التعيينات .
(internet*powerpoint*word*windows) والورق مليان بنود ملهاش اول من اخر بس اغلبها صورى او ورق جمعوه فعلا فى الادارات عند تعيين المتعاقدين
والله الموفق

---

أستاذ مايكل لو سمحت ترفع الورق على الموقع علشان نشوفه لأن ادارتنا لا تعلم أى شئ عن موضوع التثبيت وشروطه .....
وكمان عايزه أعرف فى المنشور محددوش امتى هيمتحنوا اللى كمل أوراقه كلها علشان يتثبت ؟...

السلام عليكم
ياريت والله ياستاذ مايكل تجيب الورق وياريت تقولنا على المحافظات الى نزل فيها الكلام ده

والله انا هشوف ازاى يترفعول على الموقع , ممكن ب سكنر : او برنامج تحويل صوره الاسكنر لوورد أو رفعهم على الرابيد شير . لسه هشوف افضل طريقة بس دول خمس ورقات ومكتوبين فونت 12 يعنى كتابتهم مشكله . وبرده صوره منهم بالاسكنر علشان الناس تشوف توقيع الوزير بنفسه وختمه عليهم .
الليلة انشاء الله

فعلا عندك حق احنا مش عارفين الحكومةفين.لكن اللي لازم تتأكدمنه إنك أكييييييييييييييييييد في مصر متستغربش اللي جاي ألعن.لازم كلنا نستني عشان أكيد هيجيبولنااختبارات تانية مااحنا بقينا فئران تجارب .حسبي الله ونعم الوكيل.

يمكن في امل .... في نشرة جت من الوزارة الاسبوع اللي فات ان شاء الله ارفعهالكم وتشوفوها ..................................

محتوي النشرة اللي فيها شروط التعيين والحصول علي شهادة الصلاحية
=======================================
كتاب دوري رقم ( ١) لسنة ٢٠٠٩
بخصوص تحديد القواعد التنفيذية والإجرائية الخاصة بمنح شهادة الصلاحية
لشغل وظيفة معلم في ضوء القانون ١٥٥ ولائحته التنفيذية
أو ً لا: إجراءات التقدم للحصول على شهادة الصلاحية اللازمة لشغل وظيفة معلم:
١- يجب أن يعد المعلم المساعد ملف الحص ول على شهادة الصلاحية اللازمة لشغل
وظيفة معلم خلال ستة أشهر من تاريخ استلامه العمل ويجب أن يتضمن ملف
الحصول على شهادة الصلاحية اللازمة للتعيين على وظيفة معلم المستندات الآتية:
أ – صورة بطاقة الرقم القومي.
ب- شهادة جامعية.
ج- نسخة من العقد المؤقت الخاص بشغل المتقدم لوظيفة معلم مساعد.
د- شهادة تأهيل تربوي (دبلوم عام في التربية لغير خريجي كليات التربية).
و- صحيفة الحالة الجنائية.
ز – بيان تقييم الأداء داخل الفصل في مجالات التخطيط واستراتيجيات التدريس
وإدارة الفصل والتقويم وفق استمارات التقويم المعدة لهذا الشأن.
ح- بيان تقييم الأداء داخل المدرسة في مجالات أخلاقيات المهنة والمشاركة في
تحسين المدرسة وفق استمارات التقويم المعدة لهذا الشأن.
خ- ما يفيد اجتياز أربع وحدات في اختبار شهادة الرخصة الدولية لقيادة الحاسب
Word – ) ومعالج الكلمات (Windows) وهي النوافذ (ICDL) الآلي
والإنترنت والبريد (Power point) والعروض التقديمية (Processor
.(Internet and e-mail) الالكتروني
٢- يمكن للمعلم المساعد التقدم للحصول على شهادة الصلاحية اللازمة لشغل وظيفة
معلم خلال العام الأول من تاريخ تعاقده لشغل وظيفة معلم مساعد متى توافرت فيه
.( شروط شغل وظيفة معلم وتم استيفاء المستندات المشار إليها في البند ( ١
٣- يحتفظ المعلم المساعد بأصول المستندات المطلوبة لحصوله على شهادة الصلاحية في
ملفه على أن يحتفظ مدير المدرسة بنسخة منها.
٤- عند اكتمال جميع المستندات المطلوبة المستوفاة يتقدم المعلم المساعد إلى مدير
المدرسة بطلب التقدم لفرع الأكاديمية التابع له لحضور اختبار الحصول على شهادة
الصلاحية لشغل وظيفة معلم.
٥- يراجع مدير المدرسة ملف المتقدم وعند اكتماله يحرز خطاب ترشيح موجه لفرع
الأكاديمية التابع له مع التوصية بإدراج المتقدم في ألأول اختبار تعقده الأكاديمية
للحصول على شهادة الصلاحية اللازمة للتعيين في وظيفة معلم.
٦- يتقدم المعلم المساعد بخطاب الترشيح والملف المشار إليه كاملا إلى فرع الأكاديمية
التابع له.
٧- يتم مراجعة جميع المستندات والتأكد من اكتمالها وصحتها داخل فرع الأكاديمية.
٨- في حالة توافر جميع المستندات والتحقق من صحتها تدرج الأكاديمية اسم المعلم
المساعد في كشوف المرشحين لحضور اختبار الحصول على شهادة الصلاحية لشغل
وظيفة معلم وفقا لقواعد الأكاديمية.
٩- يخطر فرع الأكاديمية المعلم المساعد بحضور الاختبار موضحا بالإخطار موعد
ومكان عقد الإختبار.
١٠ - يتقدم المعلم المساعد للاختبار في الموعد والمكان المحددين ومعه إثبات شخصية
والإخطار الموجه له من الأكاديمية بالحضور.
١١ - يكون الاختبار اللازم اجتيازه للحصول على شهادة الصلاحية لشغل وظيفة معلم في
المكونات الآتية:
أ – مهارات الاتصال باللغة العربية.
ب- المهارات الأساسية في اللغة الإنجليزية.
ج- الكفاءة التربوية.
د- مادة التخصص.
١٢ - يتم تحديد درجة المعلم المساعد في الاختبار بمعرفة اللجان المتخصصة
بالأكاديمية.
١٣ - يتم اخطار المعلم المساعد بنتيجة اختباره.
١٤ - في حالة تحقيق المستوى المطلوب تضاف شهادة اجتياز الاختبار إلى ملف
الترخيص ويحرر فرع الأكاديمية التابع له المتقدم توصية بحصول المعلم على شهادة
الصلاحية اللازمة لشغل وظيفة معلم.
١٥ - تصدر الأكاديمية بناء على ما تقدم شهادة الصلاحية اللازمة لشغل المرشح وظيفة
معلم.
١٦ - في حالة عدم اجتياز المتقدم لاختبار الحصول على شهادة الصلاحية لشغل وظيفة
معلم يمنح المعلم المساعد فرصة للتقدم للاختبار مرة اخرى بعد ( ٦ أشهر ) على الأقل
وذلك بشرط أن يكون تعاقده لشغل وظيفة معلم مساعد مستمرًا.
١٧ - في حالة مرور عامين على تعاقد المعلم المساعد دون حصوله على شهادة
الصلاحية يتقدم المعلم المساعد بطلب للسيد وزير التربية والتعليم لتجديد التعاقد لعام
ثالث.
ثانيًا: أوجه الدعم الواجب توفيرها للمعلم المساعد لإعداده للحصول على شهادة
الصلاحية اللازمة لشغل وظيفة معلم:
١- برنامج التأهيل والإرشاد:
يحتوي هذا البرنامج على ثلاثة مكونات أساسية تتمثل فيما يلي:
أ – تهيئة عامة يتلقاها عند استلامه العمل بالمدرسة وتشتمل على معلومات عن المدرسة
والبيئة المجتمعية المحيطة وقواعد العمل وكذلك متطلبات الحصول على شهادة الصلاحية
اللازمة لشغل وظيفة معلم.
ب- علاقة إرشادية بين المعلم المساعد ومعلم أول (أ) أو معلم خبير يتلقى خلالها المعلم
المساعد الدعم الفني والتدريب على رأس العمل بشكل يو مي مستمر ولمدة عام دراسي
كامل ويتم تسجيل مدى تطور أداء المعلم المساعد في سجل للإرشاد يوثق اجتماعات
المعلم المرشد مع المعلم المساعد ونقاط البحث ونتاج التقويم التكويني المستمر لأداء
المعلم المساعد.
ج- دورة تدريبية في التطبيقات العملية للتدريس داخل الفصل حيث تركز هذه الدورة على
تدريب المعلم المساعد على التطبيق العملي للمهارات المكتسبة في الإعداد قبل الخدمة
وكذلك تمكينه من استخدام استراتيجيات التعلم النشط المتمركز حول المتعلم وتطبيق
التقويم الشامل بطريقة فعالة واستخدام الوسائل التعليمية والتكنولوجية في التدريس.
٢- الإعداد لاجتياز اختبار الوحدات المطلوبة من اختبار الرخصة الدولية فقي الحاسب
الآلي:
تم اتخاذ الإجراءات اللازمة لتوفير الفرص لجميع المعلمين المساعدين في الحصول
على التدريب لاجتياز اختبار الوحدات المطلوبة من اختبار الرخصة الدولية في الحاسب
الآلي وذلك من خلال الحرص على إعطائهم الأولوية لدى مراكز التدريب التابعة لوزارة
التربية والتعليم وأي جهات أخرى قبل دخول برامج التدريب فضلا عن تيسير التسجيل
للاختبارات للحصول على الرخصة الدولية في هذه الوحدات.
٣- الإعداد لاجتياز اختبار الحصول على شهادة الصلاحية اللازمة لشغل وظيفة معلم:
يتم تهيئة المعلمين المساعدين على طبيعة الاختبار وأنواع الأسئلة وشكل ورقة
الإجابة وكيفية الإجابة وجميع الخطوات الإجرائية للتسجيل وذلك باستخدام وسائل مختلفة
يسهل للمرشح استخدامها والاطلاع عليها تشمل الفيديو كونفرانس وموقع الأكاديمية على
شبكة المعلومات الدولية.
يتعين الالتزام بما ورد بهذا الكتاب وتنفيذ ما جاء به بكل دقة.

المصدر
http://www.monofeya.gov.eg/C1/%D8%A3...8%B1%D9%8A.pdf

السلام عليكم

على فكرة انا متعاقدة من 2003 ومرت علياا كافة اشكال التعاقدات
من الاجر للمكافأة الشاملة للتعاقد المميز

لكن من حوالى شهر جالى عضو فنى من توجيهى
واخد رأى المدرسة والمدير
وبالصدفة كانت موجودة موجة مالية ساعتها قالتلى ان دة ورق تعييناات

واللى فهمتة يا جماعة ان دة للكل وان الادارات بتحصر التعاقدات وبتبعتها للمديرية

اللى يعرف حد فأدارتة يسأل فقسم التعيينات
هيلاقيهم بيعملوا حصر للمديرية عشان التعيينات

والله الموفق