أعترض أيضاً علي عنوان الموضوع وأرجو تغييره
إلى: مصر تودع أحمد شعبان ..شهيد رصاصات ؟!
وتعجبني تلك المناقشة برغم الاختلاف في الرأي الواضح
لذا أدعو الله تعالى:
"اللهم ارنا الحق حقا وارزقنا اتباعه وأرنا الباطل باطلاً وأرزقنا اجتنابه"
حديث شريف: قال رسول الله صلى الله عليه وسلم: لا تزال طائفة من أمتي ظاهرين على الحق لعدوهم قاهرين لا يضرهم من خالفهم إلا ما أصابهم من لأواء فهم كالإناء بين الأكلة حتى يأتيهم أمر الله وهم كذلك قالوا يا رسول الله وأين هم قال: "ببيت المقدس وأكناف بيت المقدس".
أعجبني رأي أحد الأشخاص وأن كنت قد غربلت ونقحت كلماته لكي اقوم بعرضها عليكم:
كلنا بنحمل مشاعر متناقضة متضاربة
زعلانين من الضرب الى شغال فى غزة
وفي نفس الوقت محملين حماس المسئولية علشان الصواريخ اللى بتضرب بيها إسرائيل
وبرده زعلانين من الضعف بتاعنا وتخاذلنا الرسمي والشعبي
زعلنا من ردة فعل حسني مبارك علي مجزرة غزة وفي نفس الوقت زعلنا من العرب اللى طلعوا فى مظاهرات ضد مصر
تابعنا الجزيرة بشغف غير عادي بس كان ضغطنا بيرتفع لما كانت بتعيد وتزيد فى مواقفنا وتصريحاتنا المخذلة وبتكررها بمناسبة وبدون مناسبة
كرهنا أبو الغيظ وتصريحات أبو الغيظ وقناة النيل الدولية وأداؤهم
كنا بنتمني وزير خارجية مطأطأ كده يضحك علينا ويأكلنا الحلاوة، ويعمل شوية حركات ويدي كام تصريح ناري ترابي مائي ويحسننا اننا بنحارب إسرائيل من أسبوعين تلاته كده
ماكنش نفسنا فى حد يقولنا لقد أعذر من أنذر ويتباهي ويتفشخر بان مصر أفشلت قمة الدوحة
ماكانش نفسنا نشوف لما ليفني جت زارت مصر قبل يومين من عدوانها علي غزة لا وكمان ايه اعلنت من قصر الرياسة المصري انها هاتسحق حماس؟!!!
ثم يعلن ييجي أولمرت إنه لا فتح للمعابر إلا بالإفراج عن الجندي الأسير
السؤال: ازاي نجمع بين الشيئ ونقيضه .. ازاي نجمع ما بين الأفكار المتناقضة دي كلها .. الناس العادية تكلمها وتقولها يرضيك سكوتنا عن اللى بيحصل يرد يقول لا طبعا حرام وكفر و و و و .. بس حماس والفلسطينيين هم السبب مش قد الحرب بيضربوا صواريخ ليه .. طب مش شايف سبب لضربهم للصواريخ دي .. يقولون غباء وعلشان يبانوا هما الى بيقاموا والباقي خاين ..وإذا كان بيضربوا الصواريخ علشان يتفك الحصار علشان مش لاقيين ياكلوا وتتفح المعابر .. يقولون هي غزة يعني مالهاش حدود غير مع مصر .. فين دي البحر ومتحاصر ولو علي حدودهم مع إسرائيل إذا كانت مصر قافلة عليهم ومش مخلياهم يبيعوا ويشتروا يبقي اليهود هما الى هايبعيوا ويشتروا معاهم يقولون واحنا الحيطة المايلة بتاعتهم ماتشطروش علي الحمار يتشطروا علي البردعة..