ورم أسفل الرقبة وفي بداية الكتفاليمين

انا بنتي تبلغ من العمر سنه وتسع شهور ومن حوالي 6 شهور ظهر عندها فجاه ورم في اخر الرقبه وبداية الكتف وفي الاول لما روحت لدكتور الاطفال شخصه علي انها غده لمفاويه وكتب لها علي حقن مضاد حيوي المهم الحقن دي مجبتش نتيجه وغيرنا الدكمتور وروحنا لاخر كتب لها علي مضاد يحيوي شراب وفعلا قلت شويه الورم ولاكن رجع تاني بعد حوالي اسبوع وشاف الدكتور انها كده لازم تتعرض علي جراح اطفال ولما عرضتها علي جراح الاطفال قال ان ده كيس ميه وده عيب خلقي هي مولوده بيه وقال لازم جراحه عشان يتشال وطلاب اشعه باليوم علي المريء واشعه علي الصدر عشان يتاكد انه مش متصل بالمريء او الصدر وعملنا الاشعه والنتيجه كانت انه مفيش اي اتصال وعملت العمليه وبعد ما خرج الدكتور من العمليه قالنا انه تجمع دموي وانه ممكن يكون نتيجه خبطه ومرضاش يحلله لانه قال ملهاش لازمه وللاسف بعد العمليه رجع تاني الورم وقعد مرتين يسحب الدم ده بحقنه وبعد كده لقيناه بيرجع تاني عرضناها علي جراح اطفال اخر طلب اشعه مقطعيهعلي الكتف اليمين وجزء من الصدر واتضح بعد الاشعه انه كيس لمفاوي وهو عباره عن عيب خلقي تحت عضمة الدرقوه وهو واقع بين وريد وشريان ولازم برده يتعمل عمليه تانيه ونشيله بس في الاول يتعرض الاشعه علي دكتور اوعيه دمويه عشان يحدد مدي قربه من الوريد او الشريان عشان الدكتور يعرف ازا كان حيقدر يشيل الجزء ده في العمليه او لا وفي الحقيقه انا محتاره ومش عارفه اعمل ايه وياريت راي حضرتك في الموضوع ده مع العمل اني سالت الدكتور في حالة لو انا مشيلتش الورم ده ايه الضرر قالي ممكن يقلب بخراج وحيبقي صعب نشيله افيدوني وجزاك الله كل خير وهل من الممكن نستني شويه لغاية ما تكون كبرت شويه وهل في كده خطوره وهل في العمليه خطوره علي البنت علما بان الدكتور الجراح الاطفال قال ان العمليه حتقعد حوالي 3 سعات علما بان في الوقت الحالي الورم ده سابت وقليل نوعا ماه يعني مبقاش يكبر غير لما تكون تعبانه من اي حاجه فبيورم شويه ارجو افادتي