وزير التعليم .. وانفلونزا الخنازير

بما انى مشترك فى اكثر من منتدى تعليمى
احببت ان اضع هذا الموضوع فيهم لمزيد من التشاور حوله

مع اقتراب بدء العام الدراسى وفى ظل الانتشار السريع لمرض انفلونزا الخنازير
تدرس الوزارة البدائل والخيارات المتاحة للحد من انتشار المرض بين التلاميذ وهى بدائل عديده منها:
تقسيم الفصل الى مجموعات بالتبادل
تكثيف الرعاية الصحية
نشر الملصقات والعمل على التوعية الصحية
وكلها حلول مازالت محل بحث

سلطنه عمان اعلنت تأجيل الدراسة الى ما بعد عيد الاضحى المبارك ويقال ان المملكة العربية السعودية ايضا فى طريقا الى هذا فلماذا لا تلجأ مصر الى هذا الحل ؟
خصوصا وان هناك عوامل عديدة متوفره هذا العام تساعد عليه
اولا : اللجوء الى التعليم الالكترونى بواسطة الاسطوانات او النت او القنوات التعليمية
ثانيا : اصبح لدى العاملين فى مجال التعليم وعى كبير باهمية الانترنت والثقافة الكمبيوتريه مما يمهد لامكان استغلال ذلك فى التدريس عن بعد
ثالثا : بعبع الثانويه العامة وهى الكابوس الذى يعيق اى محاوله تطوير هذا العام هو سنه الفراغ واقل عدد من الطلاب فيها مع التأكيد على ان طلاب الثانويه اصلا لا يذهبون الى المدارس الا بنسبة ضئيلة
رابعا : صحة ابنائنا وخاصة فى المرحلة الابتدائية وهم مكدسون بالـ 70 طفل فى الفصل الواحد اهم من اى سلبيات تنتج عن تأجيل الدراسة

الموضوع مطروح للنقاش والاستفادة من ارائكم

" قل لن يصيبنا إلا ما كتب الله لنا "
أستاذى الفاضل
أهنيك على موضوعك الجميل الذى إن دل يدل على خوفك وحرصك على إخواننا الطلاب

لكن حضرتك تجاهلت شىء مهم جداااً
أن ما يحدث الآن ما هو اللى تضخيم لأحداث بسيطه قمنا نحن بتهويلها

غير إن فيه بعض النقاط حضرتك متجاهلها
هل المدراس بتكون زحمه عن الموصلات العامه ومحطه المترو والقطارات
هل المدارس بتكون زحمه مثل الجوامع فى شهر رمضان
هل المدراس بتكون زحمه مثل يوم الجمعه
.................. إلخ

أستاذى الفاضل لو بصينا للوضع من هذا المنظور محدش هيخرج من بيته والحال هيقف
بلاش نهول الأمور ونخاف من ما لا يدعو إلى القلق

الناس ماشيه عادى فى الشوارع ومسلمه أمرها لله دع الخلق للخالق ووفرو الرعايه اللازمه فقط

مصر أكتر من 80 مليون مواطن هتودوهم فين

غير إن الطرق البديله اللى حضرتك بتتكلم عنها ضد مصلحه محدودى الدخل لو تقدر توفر للناس دى وسيله الإتصال عن بعد ساعتها طبق القرار

آسف للإطاله سيدى الفاضل

يا سلام يا أشرف بات مان

فكرة عبقرية

بس يا راجل عيد الأضحى قريب برضه

ما تخليك جدع وتضرب لنا الترم الأول كله ..

ونخلي الدراسة في الغرف الصوتية بس ــ

واهو تطور تكنولوجيا التعليم ..

وعمار يا مصر
وخراب يا خنازير

اقتباس:

---

المشاركة الأصلية كتبت بواسطة محمد عبد العظيم وسية

يا سلام يا أشرف بات مان

فكرة عبقرية

بس يا راجل عيد الأضحى قريب برضه

ما تخليك جدع وتضرب لنا الترم الأول كله ..

ونخلي الدراسة في الغرف الصوتية بس ــ

واهو تطور تكنولوجيا التعليم ..

وعمار يا مصر
وخراب يا خنازير

---

ههههههههههههههههههه
ملعوبه
الايه عيد الاضحي
لو الكبير ماشي
اناخايف انيكون دي سخريه

يا عم محمد يا سدات زى ما ربنا قال (قل لن يصيبنا الا ما كتب الله لنا )
قال برضه (ياايها الذين امنوا خذوا حذركم فنفروا ثبات او انفروا جميعا ....)
يعنى كلام الاستاذ صاحب الموضوع
من هذا الباب الاخذ بالحذر ليس اكتر
لان هذا الوباء خطير جدا يا جماعه
و انتشر بشكل غريب
يكفى يا محمد ان لو واحد عنده هذا الوباء وعطس بس عطسه واحده
و حط ايده مثلا على دسك او على ترابزين او على اى حاجه تخيل ممكن تقعد 20 يوم 20 يوم تصيب كل الى يلمس المكان دا
تخيل انت بقى لو فى مول او فى مدرسة او فى اى تجمع

اقتباس:

---

المشاركة الأصلية كتبت بواسطة mohammed el_sadat

" قل لن يصيبنا إلا ما كتب الله لنا "
أستاذى الفاضل
أهنيك على موضوعك الجميل الذى إن دل يدل على خوفك وحرصك على إخواننا الطلاب

لكن حضرتك تجاهلت شىء مهم جداااً
أن ما يحدث الآن ما هو اللى تضخيم لأحداث بسيطه قمنا نحن بتهويلها

تضخيم لاحداث بسيطه ؟!!
الحقيقة هو ده اللى خايف منه .. واقصد الاستهانه فى مواجهة هذا الخطر
فهل من التضخيم حالات الوفاة التى تقع كل يوم فى الدول المجاورة
اسرائيل توفى فيها 113 شخص حسب علمى والسعودية وصل رقم المتوفين الى 18 حاله وغيرها فهل هذا تهويل ؟

غير إن فيه بعض النقاط حضرتك متجاهلها
هل المدراس بتكون زحمه عن الموصلات العامه ومحطه المترو والقطارات
هل المدارس بتكون زحمه مثل الجوامع فى شهر رمضان
هل المدراس بتكون زحمه مثل يوم الجمعه
.................. إلخ

نعم اخى محمد المدارس اكثر كثافة من كل ما ذكرته لاحظ ان الكثافه تقاس بالعدد على المساحة فالفصل به 70 تلميذ فى مساحة 40م او اقل اى اقل من نصف المساحة الامنه التى ينادى بها العلماء وهى على الاقل 1 م
كما ان وسائل المواصلات او المسجد او او هى عمليه اختياريه فاذا وجدت الوسيله مزدحمة او وجدت بها شخصا مشتبها فى اصابته يمكنك النزول فورا مع امكانيه اتخاذ اجراءات احترازيه مثل التعقيم والتنظيف لها كما يحدث فى المترو مثلا

أستاذى الفاضل لو بصينا للوضع من هذا المنظور محدش هيخرج من بيته والحال هيقف
بلاش نهول الأمور ونخاف من ما لا يدعو إلى القلق

الناس ماشيه عادى فى الشوارع ومسلمه أمرها لله دع الخلق للخالق ووفرو الرعايه اللازمه فقط

دع الخلق للخالق احد اشهر وسائل التهوين وتقليل الهمم والاتكاليه التى تؤخرنا
وليس بمعنى ان ندع الخلق للخالق ان نهمل فى حمايه انفسنا ولن اعيد الحديث المتداول فى كل وسائل الاعلام حاليا ( اذا اقدمتم على ارض بها الطاعون فلا تدخلوها ....) او كما قال .
وانما ادعو لاتخاذ الاحتياطات اللازمة


مصر أكتر من 80 مليون مواطن هتودوهم فين

هههههههههههههه يعنى 80 مليون نقتل منهم شويه علشان نخفف العدد 1000 فى العباره 300 فى الدويقة 100 فى حادث قطار غير الطرق واهو كله بيقلل العدد والخير يعم عالباقيين ده كلام

غير إن الطرق البديله اللى حضرتك بتتكلم عنها ضد مصلحه محدودى الدخل لو تقدر توفر للناس دى وسيله الإتصال عن بعد ساعتها طبق القرار

موجوده وميسورة
القنوات التعليمية بالتلفزيون قنوات معده لكل مرحلة دراسية والدش اصبح ارخص من اريال التلفزيون ولا اعتقد ان هناك نسبه كبيره لا تمتلك دشا وهذه النسبة لديها البديل فى الوصلات والشبكات المنزليه واكيد اصحاب الشبكات وقتها حينزلوا هذه القنوات لانها عامل جذب لمشتركيها
كما ان الانترنت متغلل فى بيوت عديده وهى نسبه لا بأس بها
وتوافر اجهزة الحاسب ايضا نسبته معقوله ويمكن تفعيل مبادرات حاسب لكل بيت بشوط ايسر واسهل

آسف للإطاله سيدى الفاضل

---

لا تأسف للاطاله بل انا سعيد بهذه الروح من التفاهم والنقاش
دمت بخير

اقتباس:

---

المشاركة الأصلية كتبت بواسطة محمد عبد العظيم وسية

يا سلام يا أشرف بات مان

فكرة عبقرية

بس يا راجل عيد الأضحى قريب برضه

ما تخليك جدع وتضرب لنا الترم الأول كله ..

ونخلي الدراسة في الغرف الصوتية بس ــ

واهو تطور تكنولوجيا التعليم ..

وعمار يا مصر
وخراب يا خنازير

---

ههههههههههه والله يا عم محمد انتا راجل عسل
وبعدين عيد الاضحى من الترم الاول مش فارقه كتير
ممكن نمشيها الترم الاول علشان خاطرك يا برنس
وبعدين ما تخفش على الحجرة الصوتيه والحجرة الدرسيه
ده كده الخير هيزيد ههههههههه:18:

منور الموضوع يا استاذنا

اقتباس:

---

المشاركة الأصلية كتبت بواسطة msry

ههههههههههههههههههه
ملعوبه
الايه عيد الاضحي
لو الكبير ماشي
اناخايف انيكون دي سخريه

---

لا مش سخريه ولا حاجة
وانما ده اقتراح بناقشه مع بعضينا يمكن اصلا الوزارة ما تسمعش عنه حاجة
ولكن من باب الحوار الهادف والنقاش المفيد

منور الموضوع

:18:

اقتباس:

---

المشاركة الأصلية كتبت بواسطة ashrafbatman

ههههههههههه والله يا عم محمد انتا راجل عسل
وبعدين عيد الاضحى من الترم الاول مش فارقه كتير
ممكن نمشيها الترم الاول علشان خاطرك يا برنس
وبعدين ما تخفش على الحجرة الصوتيه والحجرة الدرسيه
ده كده الخير هيزيد ههههههههه:18:

منور الموضوع يا استاذنا

---

بدال انت طلعت راجل جدع أوي كده ..

يبقى اضرب لنا السنه كلها أجازة

يعني العام الدراسي 2010 2011 تم تأجيله لأجل غير مسمى

زي ما كان والدي بيقولي : كانوا كاتبين كده على سبورات المدارس أيام الحرب

وأنفلونزا الخنازير دي مشكلة مشكلة يعني ..

ـــــــــــ
وطبعا احنا هنا برضه في تجمعات الغرفة الصوتية

ممنوع حد يعطس تماما ..

اللي عايز يعطس أثناء شرح الغرفة الصوتية صاحبه يكتم منخيره أو يكتم نفسه ... ويخنقه .. وبكده يخلص منه ... ونقلل من انتشار العدوى

وبرضه عمار يا مصر

اقتباس:

---

المشاركة الأصلية كتبت بواسطة المجاهد فى سبيل الله

يا عم محمد يا سدات زى ما ربنا قال (قل لن يصيبنا الا ما كتب الله لنا )
قال برضه (ياايها الذين امنوا خذوا حذركم فنفروا ثبات او انفروا جميعا ....)
يعنى كلام الاستاذ صاحب الموضوع
من هذا الباب الاخذ بالحذر ليس اكتر
لان هذا الوباء خطير جدا يا جماعه
و انتشر بشكل غريب
يكفى يا محمد ان لو واحد عنده هذا الوباء وعطس بس عطسه واحده
و حط ايده مثلا على دسك او على ترابزين او على اى حاجه تخيل ممكن تقعد 20 يوم 20 يوم تصيب كل الى يلمس المكان دا
تخيل انت بقى لو فى مول او فى مدرسة او فى اى تجمع

---

كلامك سليم اخى المجاهد
والحذر افضل من الندم دائما
:27:
وبعدين الوزاره كل شويه بتجرب فى الطلبه مناهج واختراعات نجرب حاجة جديده فيها حمايه لصحة اولادنا مرة

ولا ايه رايك ؟

اقتباس:

---

المشاركة الأصلية كتبت بواسطة محمد عبد العظيم وسية

بدال انت طلعت راجل جدع أوي كده ..

يبقى اضرب لنا السنه كلها أجازة

يعني العام الدراسي 2010 / 2011 تم تأجيله لأجل غير مسمى

زي ما كان والدي بيقولي : كانوا كاتبين كده على سبورات المدارس أيام الحرب

وأنفلونزا الخنازير دي مشكلة مشكلة يعني ..

ههههههههههههه
بذمتك مش اريح من وجع الدماغ
بلامدارس بلا تعليم
ههههههههههههههه

ـــــــــــ
وطبعا احنا هنا برضه في تجمعات الغرفة الصوتية

ممنوع حد يعطس تماما ..

اللي عايز يعطس أثناء شرح الغرفة الصوتية صاحبه يكتم منخيره أو يكتم نفسه ... ويخنقه .. وبكده يخلص منه ... ونقلل من انتشار العدوى

وبرضه عمار يا مصر

---

لا لا لا
:16::16::16:

كله الا الغرفة الصوتيه
احنا ممكن نضحى بالطلبه
وممكن نضحى بالمدرسين
علشان الغرفة الصوتية تكون تمام

تنبية هام
على كل طالب ناوى يدخل الغرفه الصوتيه احضار شهاده حديثة بانه صحته تمام ومعندهوش انفلونزا من اى نوع
والشهادة دى بتتحدث كل 10 دقايق خوفا من الاصابة
هههههههههههههههه

اقتباس:

---

المشاركة الأصلية كتبت بواسطة dream

فعلا ايه المشكلة لمانؤجل الدارسة شوية

زمان عندنا فى المنصورة والدقهلية كلها

كنا بناجل الدارسة علشان جمع القطن

وممكن الوزارة تفتح شرح على موقعها الرسمى

لكبار المدرسين

ونعمل تعليم عن بعد

ممكن نطبقه فى الترم الاول

مش بقولوا لازم نتحضر

نطبق ده مرة بقى

شكرا على طرحك للموضوع

---

كلام سليم
واحنا فى الشرقيه مازلنا نتذكر ايام القطن واصدار المحافظ القرارات بتأجيل الدراسه اسبوعين او اكثر من اجل عيون القطن
فمابالنا بصحة اولادنا الا تستحق التأجيل
مع تأيدى الكبير لفكرتك بان تفتح الوزارة ابوابها امام المعلمين العمالقة ليستفيد منهم الطلبه من خلال الحصص التخيلية او التعليم الالكترونى او اى وسيله متاحة
ورب ضاره نافعه
فيكون هذا الخوف من الانفلونزا سببا فى تطوير جذرى فى توجهات التعليم

اشكرك dream على تفاعلك وعلى اضافتك المفيده